Yahiya 3:21 - Sabahagiꞌ Kitab Tawrat: Panagnaan ni Awwal Jaman maka Kitab Injil

²¹ Boꞌ sagannap ma nabiat buwat kaintongan ina, ilooy karomanan da njawom dantaꞌ batan yaꞌ luu subay na pin tinapuk meꞌ da. Katoonan da sumilan-sumilan nililing siga pabuwatan da, tarang-tarang magbēꞌ jaꞌ ni kahandak Tuhan.

Yahiya 3:21 ပူးပေါင်းရင်းမြစ်များ

Yahiya 1:47

Pag ndaꞌ si Isa luu na si Natanyel pasōng pa mman na, yuk na, “Atu na disu lalla tud pulnaꞌ bangsa Israil, yaꞌ pandoy ngandustaꞌ.”

Yahiya 3:20

Manusiyaꞌ ina, sagannap ma buwat maat, ndang sinukang meꞌ da dantaꞌ. Yaꞌ sila doman pa jawom dantaꞌ taggahaꞌ tumampak kalaatan da.

Yahiya 5:39

Magtuyuꞌ baw kam maliksaꞌ njawom kitab sabap manganna kam ndooy na man bi koleꞌ kasampulnaan nyawa saumu. Boꞌ ko, poonan kasampulnaan nyawa ma sinabbut ndooy yana aku na mismu.

Yahiya 7:17

Soysoy ina doman mean kahandak Tuhan, malaingkan tasilang na jaꞌ bong tōꞌ ku tud lakka man Tuhan atawa lakka man dī ku sadjaꞌ.

1 Korin 15:10

Sugaꞌ san meꞌ looy, lay gi ku dari rasul man sabapan aseꞌ Tuhan niyaku. Boꞌ aseꞌ na ina yaꞌ du bay pasensengan ku sabap labi gi tuyuꞌ ku maghulas-sangsāꞌ kalnaꞌ si Isa man mimon pagkahi ku rasul na. Sugaꞌ saꞌ du baw silay ni kabasag gaos ku, arapun man gaos Tuhan ni jataꞌ ku.

2 Korin 1:12

Siga danganakan, ituu itu kagakan kami: Tatantu kami sutsiꞌ jaꞌ niyat atay kami ni mata Tuhan. Maka katoonan kami yaꞌ luu pabuwat kami man kami taawnan yaꞌ bonto ni mimon jama, awla na ningkaam. Ni mimon pabuwatan kami, yaꞌ kami mangasa ni akka kami dī kami. Ilooy ya asahan kami yana aseꞌ-tabang Tuhan.

Galatiya 6:8

Na hantak bitsala ku ilay siꞌ, bong kita nganduwan napsu ta, pag toklas na, binasa kita. Sugaꞌ bong kita mmeꞌ ni kahandak Rū Sutsiꞌ, sampulnaꞌ nyawa ta saumu-umu.

Epesus 5:9

Batan tiyap-tiyap ina jama njawom karantaan, mastiꞌ tumatandaꞌ ni tangge-tingkōꞌ na kaayaran, kaintongan ka kabontohan.

Pilipi 1:11

Kamura-murahan tattap na pin kam buwat kaintongan man tabang si Isa Almasi ni jataꞌ bi, pamaehe sanglit ka kabantugan pa Tuhan.

Pilipi 2:13

Yaꞌ sina luu danan na saꞌ takaya bi batan luu na pin Tuhan muwanan kaam dawom ka gaos buwat mimon ma kasulut niiya.

Kolossa 1:29

Sangkon man kawasa Almasi nganggaosan aku, magtuyuꞌ-tuyuꞌ ku majatu pabuwatan ma bay sinukuꞌ niyaku.

Hibrani 13:21

Kamura-murahan pinalangkapan na pin kam meꞌ Tuhan ka mimon ma gunahan ningkaam supaya tapabuwat bi kahandak na. Kamura-murahan man sabapan pagkatibuuk bi ka si Isa Almasi, pinajatu du meꞌ Tuhan maksud na ni kaallum bi. Ilooy ilay siꞌ pamaehe sanglit niiya pangkat-mamangkat saumu. Amin.

1 Pitel 1:22

Na pagka lay na du kam mmeꞌ ni tōꞌ sabanna, pasutsiꞌ na pin sina pangatayan bi. Sangkon pakutuun bi na meꞌ bi sikaaseꞌ-kaaseꞌ. Maka subay hilas aseꞌ bi meꞌ karuha jama magdanganakan.

1 Yahiya 1:6

Dari bong itu kitabi mangaku lungbid ka Tuhan, boꞌ kitabi masi njawom lindom buwat kalaatan, malaingkan ngandustaꞌ kitabi. Maka yaꞌ kitabi mmeꞌ ni kabanahan.

3 Yahiya 1:11

Bagay ku, kakasi ku, daa kita ngakig kalaatan jama meꞌ looy, arapun iya pakutuꞌ ta kaayaran. Batan soysoy ina buwat kaayaran, tumatandaꞌ sukuꞌ Tuhan sila. Boꞌ sagannap ma buwat maat, yaꞌ katoonan da Tuhan.

Siga Pakaradjaan bay Pinalahil 3:15

“Kaam ina, katoonan ku du kadarihan bi nnaa. Ndaꞌ ku, mmeꞌ-saꞌ kam mmeꞌ niyaku. Bong nnaꞌ ta pa boheꞌ ininum, yaꞌ baw kam pasuꞌ, yaꞌ baw kam tanne. Sugaꞌ kahandak ku, bong kam mmeꞌ niyaku, subay mmeꞌ banahan. Bong kam mmeꞌ-saꞌ mmeꞌ, gam na kam daa na mmeꞌ samasakali.