Yahiya 3:15 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁵ supaya soysoy pitsayaꞌ niiya koleꞌ kasampulnaan nyawa saumu-umu.”

Yahiya 3:15 ပူးပေါင်းရင်းမြစ်များ

Matiyu 18:10

“Paayad-ayad kam taggahaꞌ meꞌ bi mista yaꞌ puntukan disu anak-anak meꞌ tuu. Batan baan ta kam banahan, luu sina siga malaikat para ninsila wā ni awpan Mmaꞌ ku ni sulgaꞌ.”

Matiyu 25:46

Pag-anu, yuk si Isa, “Na siga jama meꞌ looy ilay ma bay sabbut ku siꞌ dambuli, llakkahan na silay mintu sampay minulkaan saumu-umu. Boꞌ siga jama looy ma intong, binuwanan na kasampulnaan nyawa njawom okoman Tuhan saumu-umu.”

Malkus 16:16

Soysoy ina pitsayaꞌ niyaku sampay bay pinandi, malaingkan salamat na ya. Sugaꞌ soysoy ina yaꞌ pitsayaꞌ, kalabuan du sina hukuman Tuhan.

Lukas 19:10

Aku tu, yana Anak Manusiyaꞌ, kon ku tu bay pitu pa junyaꞌ miha sagannap ma bay magsiꞌ man Tuhan bong pin sila tasalamat ku.”

Yahiya 1:12

Sugaꞌ sagannap ma bay ngahasi iya maka pitsayaꞌ niiya, lay buwanan na kapatut dari anak Tuhan.

Yahiya 16:33

Ni junyaꞌ tuu tu, mastiꞌ lumingkaꞌ jaꞌ sina kam ni jinisan kamalasahiyan. Sugaꞌ pagakun bi jaꞌ atay bi batan lay na situ ku tumanjataꞌ man mimon kasusahan njawom junyaꞌ. Aku ilay bay maan kaam ilooy siꞌ labbasakayi supaya sannang na atay bi man sabapan pagkatibuuk bi ka aku.”

Yahiya 20:31

Sugaꞌ kasohean lay patabeꞌ ku ntuu supaya kam pitsayaꞌ si Isa yana Almasi, maka iya Anak Tuhan. Batan bong ina kam pitsayaꞌ na niiya, malaingkan koleꞌ kam kasampulnaan nyawa saumu-umu.

Yahiya 3:16

Biddaꞌ na sina ehe aseꞌ Tuhan ni manusiyaꞌ. Sangkon lay na pinaglillaꞌ meꞌ na Anak tungga na pinapatoy supaya soysoy pitsayaꞌ niiya yaꞌ na tanalkaꞌ, gam pin koleꞌ gi kasampulnaan nyawa ma yaꞌ luu katapusan na.

Yahiya 3:36

Dari soysoy ina pitsayaꞌ ni Anak na, luu na kasampulnaan nyawa na saumu-umu. Sugaꞌ soysoy ina yaꞌ pitsayaꞌ ni Anak Tuhan, malaingkan yaꞌ sina koleꞌ kasampulnaan nyawa sabap yaꞌ kuhi lakka mulkaꞌ Tuhan njataꞌ na.”

Yahiya 5:24

“Baan ta kam banahan, soysoy ina nganna bitsala ku saltaꞌ na pitsayaꞌ ni ilooy ma bay mapitu aku, malaingkan luu na kasampulnaan nyawa na saumu-umu. Yaꞌ na ya kalabuan hukuman. Dari ko ngawon, sibuꞌ na karuha na ka jama bay matoy lay na pinakallum pabalik. Batan luu na kaallum na bahau.

Yahiya 6:27

Sugaꞌ tinapay meꞌ looy ilay yaꞌ natas. Gam na balanjaꞌ ma natas saumu pagtuyuan bi, ma kasampulnaꞌ ni nyawa bi labba man junyaꞌ sampay pa ahirat. Balanjaꞌ looy ilay dari ndean meꞌ ku, yana Anak Manusiyaꞌ, ningkaam batan aku bay binuwanan kapatut meꞌ Mmaꞌ ku Tuhan.”

Yahiya 6:47

“Baan ta kam banahan, soysoy pitsayaꞌ niyaku, luu na kasampulnaan nyawa na saumu-umu.

Salsila siga Rasul 13:41

‘Kaam ma tigiꞌ ngaludjum, indanan bi. Luu du sina mintu pabuwat ku ni masa bi man bi haylan. Sugaꞌ pag toklas na, binasa jaꞌ sina kam sabap yaꞌ kam bay kuhi pitsayaꞌ san luu na bay mahatiyan kaam.’ ”

Salsila siga Rasul 8:36

Sasang da palanja, lay na sila nakka disu lugar bohean. Pag-anu, yuk manijel looy ni si Pilip, “Alay la boheꞌ. Bong siꞌ kadarihan ningkau, pandihun doꞌ ku.”

Suwat si Pol pa mman Baanan Sukuꞌ si Isa ndooy ni Rom 5:21

Sibuwa ilay, mimon manusiyaꞌ takawum meꞌ napsu da buwat dusa. Dari pag toklas na, matoy sila maka tiksaꞌ nyawa da. Sugaꞌ batnaa, sabapan aseꞌ Tuhan, lay na kitabi initung intong. Maka sabapan pabuwatan Papuꞌ tabi si Isa Almasi, luu na kasampulnaan nyawa tabi saumu-umu.

1 Korin 1:18

Na umanat pasal kapatoy si Isa taꞌ tehang ina, tuktuk na pinasaplag, bong ni sagannap ma song pa nalkaꞌ, meꞌ da mista, karupangan jaꞌ. Boꞌ ningkitabi itu ma sinalamat, katoonan tabi na njataꞌ umanat mahap luu na dapat manusiyaꞌ ngissa kawasa Tuhan nalamat.

2 Korin 4:3

Salla na, kasohean baw yaꞌ tahati da umanat mahap ma pinasaplag meꞌ kami. Sugaꞌ sabana na, kon da ina yaꞌ kahati sabap yaꞌ sila doman pitsayaꞌ. Sangkon lān tinūs meꞌ da song pa nalkaꞌ.

Galatiya 2:16

Sugaꞌ batnaa, labbahan ta na pamiki meꞌ looy. Batan katoonan ta na, ilooy ya man manusiyaꞌ initung meꞌ Tuhan intong yana sabap meꞌ da pitsayaꞌ ni si Isa Almasi, saꞌ ga sabap meꞌ da mogbogan saraꞌ. Inaa sina kon kita bay pitsayaꞌ niiya. Tabista ta na yaꞌ luu san disu jama koleꞌ kaintongan pa Tuhan meꞌ na bay mogbogan saraꞌ.

Galatiya 2:20

Pag batnaa, Almasi na llum ni baran ku, saꞌ na aku. Sangkon kahandak na jaꞌ bean ku, saꞌ na kahandak ku. Maka batnaa, halloman ku llum, mangando jaꞌ ku ni Anak Tuhan. Batan maaseꞌ ya niyaku sampay lay na ga paglillaꞌ na dī na pinapatoy kalnaꞌ aku.

Hibrani 10:39

Kahapan kuwan kitabi baw itu, yaꞌ tabeꞌ ni sagannap ma patatak. Jama meꞌ sila ilay, song hallom minulkaan du. Boꞌ kitabi itu tabeꞌ ni sagannap ma salamat sabap takkoꞌ pangando tabi.

Hibrani 7:25

Sangkon, tapajatu na na banahan nalamat sagannap ma doman mahap na pa Tuhan, basta sila pitsayaꞌ jaꞌ niiya. Iya ilay llum saumu-umu maka wā ya makuhan sila timbang pa Tuhan.

1 Yahiya 2:25

Maka kannahun bi na pin janjiꞌ Anak Tuhan muwanan sagannap ma pitsayaꞌ niiya kasampulnaan nyawa saumu-umu.

1 Yahiya 5:1

Na sagannap ma pitsayaꞌ si Isa yana Almasi, sila na bay dari anak Tuhan. Maka bong ina kitabi maasean Mmaꞌ tabi Tuhan, mastiꞌ maaseꞌ du kitabi ni siga pagkahi tabi anak Tuhan.

1 Yahiya 5:20

Damikiyan, katoonan tabi na du luu na bay pitu Anak Tuhan pa junyaꞌ. Maka lay na ya muwanan kitabi pangahati supaya dari na kitabi lungbid ka Tuhan sabanna. Pag batnaa tibuuk na kitabi ka Tuhan sabanna sabap meꞌ tabi tibuuk na ka Anak na si Isa Almasi. Iya ina Tuhan sabanna maka poonan kasampulnaan nyawa ma yaꞌ luu katapusan na.