Yahiya 3:10 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁰ Pag tampung si Isa, “Hati, kau disu guru langkaw ni bangsa Israil, yaꞌ lagi kina katoonan nu hāl meꞌ naa?

Yahiya 3:10 ပူးပေါင်းရင်းမြစ်များ

Matiyu 11:25

Pus si Isa halling meꞌ looy, yuk na na baw pa Tuhan, “Maꞌ, meꞌ kau Papuꞌ mimon-mimon taꞌ gumi sampay taꞌ langit, magsuku ku ningkau. Batan kabanahan ma bay limbuhan nu ni siga jama ma milang dī da halul-akka ka lawom pangahati, palahil nu na ni jama ma kuhi tinoan meꞌ karuha anak-anak.

Matiyu 15:14

Sila ina guru awam noan jama awam. Sibuꞌ du sina karuha da ka jama buta nondaꞌ jama buta. Boꞌ jama buta ina, bong nondaꞌ pagkahi na buta, mastiꞌ labuꞌ pa jawom lowang jaꞌ sikaduwa.”

Matiyu 22:29

Dari yuk si Isa ninsila, “Tud magsāꞌ kam sabap yaꞌ san tahati bi suwat njawom kitab maka yaꞌ du katoonan bi ehe kawasa Tuhan.

Lukas 2:46

Pag taabut ni katallu ngallaw na, bohoꞌ na luu tatammu da ndooy ni langga mehe ningkōꞌ ni baanan siga guru saraꞌ agama. Bbuwatan na pakale ni tōꞌ da sampay nilaw hāl agama.

Lukas 5:17

Na disu llaw sasang si Isa nōꞌ njawom lumaꞌ, luu du siga paki man palhimpunan Parisi ka ga guru saraꞌ agama ningkōꞌ ndooy pakale. Sila siꞌ tu lakka man kakawum-kawman ni Jalil ka Yahudiya, sampay man Jerusalem. Na si Isa siꞌ tu, luu na pin kawasa na man Tuhan nguliꞌ.

Yahiya 3:9

Tilaw si Nikodimus baw siꞌ tu, “Pooy doꞌ ina meꞌ na dari meꞌ naa?”

Salsila siga Rasul 5:34

Sugaꞌ luu gi baw ndooy disu Parisi njawom baanan da inawnan si Gamaliyel bay ngawalan sila. Iya ilay guru lahal ni saraꞌ agama boꞌ pinagmaltabatan lagi meꞌ sikamimon. Dari lay doꞌ sohoꞌ na binoo ga rasul looy pa poan samantalaꞌ.

Suwat si Pol pa mman Baanan Sukuꞌ si Isa ndooy ni Rom 2:28

Sangkon na, minsan jama turunan bangsa Yahudi sampay bay gi inislam, saꞌ du inaa man da initung meꞌ Tuhan Yahudi sabanna atawa siga sukuꞌ na sabanna.

Pilipi 3:3

Sugaꞌ daa kam hidjab. Kitabi ya situ sabana-bana sukuꞌ Tuhan. Batan kitabi na situ pinagmundaan meꞌ Rū Sutsiꞌ numba Tuhan. Maka kitabi itu gāk sabapan pagkatibuuk tabi ka si Isa Almasi. Boꞌ na, poonan tabi salamat sabap meꞌ tabi mangando niiya, saꞌ ga sabapan pabuwatan tabi mogbogan jinisan saraꞌ meꞌ sapantun ngislam.

Kolossa 2:11

Dari san kam saꞌ bangsa Yahudi, pagka tibuuk na kam ka Almasi, sibuꞌ na du kam ka lay na inislam tandaꞌ bi sukuꞌ Tuhan na. Sat na jaꞌ, islaman bi ina, niyaꞌ sibuꞌ karuha na ka islaman biyasa ma lakka man kapandoyan manusiyaꞌ. Batan Almasi ina, meꞌ na bay ngislam kaam, yaꞌ ya bay ngalakkahan kuwit awpan bi, arapun iya bay lakkahan na yana pagkajama bi maruhuꞌ ma nabiat buwat dusa.