Yahiya 21:23 - Sabahagiꞌ Kitab Tawrat: Panagnaan ni Awwal Jaman maka Kitab Injil

²³ Dari sabapan bay bitsala si Isa siꞌ, magpaꞌ-pāꞌ na aka ni siga sukuꞌ na pasal mulit looy yaꞌ na konoꞌ matoy. Mingkan siꞌ, saꞌ ga meꞌ looy bay halling si Isa. Arapun yuk na, “Bong ku doman llum na pin ya ngabut sampay ku pabeleng, ongoy subay na pin katoonan nu?”

Yahiya 21:23 ပူးပေါင်းရင်းမြစ်များ

Matiyu 16:27

Ni sinōng, pabeleng du situ Anak Manusiyaꞌ ka ga malaikat na pa junyaꞌ liput meꞌ sahayaꞌ Mmaꞌ na. Pag-anu, boꞌ na nungbasan mimon manusiyaꞌ ni oy-oy bay pabuwat da, mahap-maat.

Salsila siga Rasul 1:15

Na luu jaꞌ siꞌ daka dangoy ngallaw bay pingkaꞌ, luu na ga dahatus duwampūꞌ jama ma pitsayaꞌ ni si Isa bay kumpo ndooy. Pag-anu, lay doꞌ si Pitel nangge ni tangngaan da mitsala, yuk na,

Salsila siga Rasul 28:14

Ndooy siꞌ, lay kami sitammu ka kasohean danganakan kami sukuꞌ si Isa, boꞌ lay gi kami kinaddoꞌ meꞌ da nohoꞌ pahantiꞌ ni lumaꞌ da. Paddus sakayi pituꞌ halloman kami bay ndooy, lay na kami pawus pilay pa Rom man taꞌ dile.

Salsila siga Rasul 6:3

Sangkon siga danganakan, meneꞌ kam ni baanan tabi pituꞌ jama ma ndang taindan meꞌ sikamimon mahap arat-tabiat da. Maka subay sila halul-akka sampay wā mmeꞌ ni kahandak Rū Sutsiꞌ. Bong luu na bay peneꞌ bi, sila na buwanan kami kapatut nohoꞌ mahampitan siga bawu balanjaꞌ.

1 Korin 11:26

Sangkon siga danganakan, tuktuk bi mangan tinapay meꞌ looy ka nginum tubaꞌ anggul meꞌ looy, sibuꞌ du ka bay pinamahalayak meꞌ bi kapatoy Papuꞌ Isa ngabut sampay masa man na pabeleng.

1 Korin 4:5

Sangkon daa subay na pin kam os-os manding pabuwatan jama. Agarun bi na doꞌ katakka Papuꞌ. Iya sa mungka mimon ma bay sinipuk sampay mimon niyat atay jama. Bong ina mintu mahap du niyat atay da, koleꞌ jaꞌ sina sila saliꞌ-saliꞌ sanglit Tuhan.

Yaꞌkub 5:7

Na kuwan kaam siga danganakan, bong hati kam bininsanaꞌ, tatasan bi jaꞌ halloman bi ngagad katakka Papuꞌ. Akigun bi jaꞌ pasensiya siga pahuhuma ngagad buwaꞌ tinanom da. Pus da bay tanom, agad da jaꞌ du uwan sibuwa ngabut sampay katapusan panguwan, boꞌ da ngattom.

Siga Pakaradjaan bay Pinalahil 2:25

Basta daa jaꞌ labbahan bi ntan ma ndang luu na bay bogbogan bi ngabut sampay ku pabeleng ni sinōng.