Yahiya 21:22 - Sabahagiꞌ Kitab Tawrat: Panagnaan ni Awwal Jaman maka Kitab Injil

²² Pag tampung si Isa, “Bong ku doman llum na pin ya ngabut sampay ku pabeleng, ongoy subay na pin katoonan nu? Mmeꞌ jaꞌ ko ba niyaku.”

Yahiya 21:22 ပူးပေါင်းရင်းမြစ်များ

Matiyu 16:24

Pag-anu, yuk si Isa ni ga mulit na, “Soysoy doman mmeꞌ niyaku subay tikutan na kahandak na bong pin taduwan na jaꞌ kahandak ku. Subay atas na manangkit tehang halliꞌ man na nilansang, boꞌ na patuhut niyaku. Hati na, subay atas na lumingkaꞌ njawom jinisan katiksaan ka kabinsanaan kalnaꞌ aku san man na matoy, boꞌ na kapa-mmeꞌ niyaku.

Matiyu 24:27

Batan pag ina mintu pabeleng na ku, yana Anak Manusiyaꞌ, tumatandaꞌ na ni sikamimon katakka ku, meꞌ karuha mangirat ninag taꞌ langit man mataallaw pa saddopan.”

Matiyu 24:3

Pag-anu siꞌ, lay na baw patukad ga si Isa pa taꞌ Punu Jaytun. Sasang na ndooy ningkōꞌ, luu na baw pasōng siga mulit na pa mman na sila-sila jaꞌ, maka yuk da, “Bong siꞌ dari, baan doꞌ kami bong sumilan binakbul ilooy ma bay bitsala nu siꞌ. Maka oy lay la mintu siga sipat man jama mindoga tapit na ko pabeleng maka tapit na katapusan junyaꞌ?”

Matiyu 24:44

Damikiyan kaam pun, subay du kam saddiya batan yaꞌ katoonan bi bong sumilan ku, yana Anak Manusiyaꞌ, pabeleng.

Matiyu 25:31

Yuk si Isa lagi, “Pag ina mintu takka Anak Manusiyaꞌ ni kaehe sahayaꞌ na haboyan mimon malaikat, ningkōꞌ na ya ni paningkoan kawasa-kapatut magsultan.

Matiyu 8:22

Sugaꞌ yuk si Isa niiya, “Mmeꞌ na jaꞌ ko ba niyaku. Bbiyahun na ba sagannap ma matoy ngubu jama matoy.”

Malkus 9:1

Yuk si Isa lagi, “Baan ta kam banahan, kasohean kam ma nangge ntuu, yaꞌ gi situ kam mintu bay matoy, ndang takita bi na katakka pamarinta Tuhan ddas ka kawasa na.”

Yahiya 21:19

Ngkon si Isa bay mitsala meꞌ looy man na makitau bong pooy karuha kapatoy si Pitel ni sinōng, pamaehe bantug pa Tuhan. Paddus meꞌ looy siꞌ, yuk na ni si Pitel, “Mmeꞌ ko niyaku.”

Yahiya 21:21

Dari yuk si Pitel ni si Isa, “Papuꞌ, pooy baw lay la ni lalla tee? Oy lay mintu katuwaꞌ niiya?”

1 Korin 11:26

Sangkon siga danganakan, tuktuk bi mangan tinapay meꞌ looy ka nginum tubaꞌ anggul meꞌ looy, sibuꞌ du ka bay pinamahalayak meꞌ bi kapatoy Papuꞌ Isa ngabut sampay masa man na pabeleng.

1 Korin 4:5

Sangkon daa subay na pin kam os-os manding pabuwatan jama. Agarun bi na doꞌ katakka Papuꞌ. Iya sa mungka mimon ma bay sinipuk sampay mimon niyat atay jama. Bong ina mintu mahap du niyat atay da, koleꞌ jaꞌ sina sila saliꞌ-saliꞌ sanglit Tuhan.

1 Tesaloneka 2:19

Kainagon kami sitammu na kitabi pabalik batan pangando bi ni Papuꞌ tabi si Isa poonan kagakan mehe ningkami. Maka sabapan pangando bi, tatantu kami magsasōng na pin meꞌ bi nulut kahandak Tuhan ngabut sampay pa katapusan. Meꞌ kami ngingat, kaam ina meꞌ sapantun karuna dorogan ma bay sinangon taꞌ kōk kami man kami koleꞌ kabantugan pag beleng Papuꞌ Isa.

Yaꞌkub 5:7

Na kuwan kaam siga danganakan, bong hati kam bininsanaꞌ, tatasan bi jaꞌ halloman bi ngagad katakka Papuꞌ. Akigun bi jaꞌ pasensiya siga pahuhuma ngagad buwaꞌ tinanom da. Pus da bay tanom, agad da jaꞌ du uwan sibuwa ngabut sampay katapusan panguwan, boꞌ da ngattom.

Yaꞌkub 5:8

Kaam pun, subay du luu pasensiya bi ngagad. Patagguhun bi iman bi mmeꞌ ni Papuꞌ tanne-pasuꞌ batan tapit na sina katakka na.

Siga Pakaradjaan bay Pinalahil 1:7

Indanan bi sa. Takka jaꞌ sina mintu si Isa Almasi liput leꞌ tayiꞌ baliyu sampay takita meꞌ mimon manusiyaꞌ. Minsan sagannap ma bay ngalansang iya taꞌ tehang, ngita iya du sina bbos-bbos. Maka manusiyaꞌ ina mintu man mimon kabangsa-bangsahan magkarukkaan na ni kasasso da bay nuwak iya. Na ilooy ilay siꞌ ma bay sabbut ku, tattap binakbul jaꞌ sina mintu. Amin.

Siga Pakaradjaan bay Pinalahil 2:25

Basta daa jaꞌ labbahan bi ntan ma ndang luu na bay bogbogan bi ngabut sampay ku pabeleng ni sinōng.

Siga Pakaradjaan bay Pinalahil 22:20

Na mimon pakaradjaan looy ilay siꞌ ma bay pinalahil niyaku, Papuꞌ Isa mismu māꞌ mastiꞌ bana sadjaꞌ. Sampay bay gi ya halling, “Yaꞌ na hallom, pilu na du ku.” Pag tampung ku, “Ohoꞌ Papuꞌ Isa. Pitu na ko deꞌ-dēꞌ!”

Siga Pakaradjaan bay Pinalahil 22:7

Pag-anu siꞌ, yuk Papuꞌ Isa na baw, “Pakale kam. Tapit na sina katakka ku. Njawom supaat sina sagannap ma nganna siga tunaꞌ njawom kitab tuu.”

Siga Pakaradjaan bay Pinalahil 3:11

“Indanan bi. Basta tapit na sina katakka ku. Sangkon kuwangkutan bi na pin kabanahan ma ndang luu na ntanan bi mari yaꞌ luu kataban karuna bi. Hati na, mari yaꞌ lungay tungbas ayad ma bay hinalliꞌ meꞌ Tuhan ningkaam.