Yahiya 21:19 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁹ Ngkon si Isa bay mitsala meꞌ looy man na makitau bong pooy karuha kapatoy si Pitel ni sinōng, pamaehe bantug pa Tuhan. Paddus meꞌ looy siꞌ, yuk na ni si Pitel, “Mmeꞌ ko niyaku.”

Yahiya 21:19 ပူးပေါင်းရင်းမြစ်များ

Matiyu 10:38

Maka soysoy doman mmeꞌ niyaku subay atas na manangkit tehang halliꞌ man na nilansang, boꞌ na patuhut niyaku. Hati na, subay atas na lumingkaꞌ njawom jinisan katiksaan ka kabinsanaan san man na matoy kalnaꞌ aku. Bong niyaꞌ, yaꞌ ya tawop inawnan mulit ku.

Matiyu 19:28

Yuk si Isa, “Baan ta kam banahan, pag ina mintu pinabahauwan na junyaꞌ, Anak Manusiyaꞌ itu mintu ningkōꞌ na ni tingkoan man na magsultan ni kaehe kawasa na. Kaam pun, siga mulit ku, pinatingkōꞌ na du kam mintu ni sapu-duwa tingkoan marintahan mimon panubuꞌ lakka man siga anak si Israil sikasapu-duwa.

Matiyu 8:22

Sugaꞌ yuk si Isa niiya, “Mmeꞌ na jaꞌ ko ba niyaku. Bbiyahun na ba sagannap ma matoy ngubu jama matoy.”

Yahiya 12:26

Soysoy doman buwat kahandak ku, subay du nūs lān ku supaya nnoy-nnoy mman ku, ndooy du ya. Maka sagannap ma buwat kahandak ku, mastiꞌ pinaehe sina mintu meꞌ Mmaꞌ ku.”

Yahiya 12:33

Na ngkon ilay si Isa bay halling pasal meꞌ na inangkat taꞌ tehang, man na mahati sila bong pooy meꞌ na mintu matoy.

Yahiya 18:32

Dari sabap meꞌ looy siꞌ, song binakbul na bay tunaꞌ si Isa pasal jalan man na matoy.

Yahiya 21:18

Baan ta ko banahan Saymon, bay jaman nu umu sumaddong, sumunsayaꞌ jaꞌ ko mamakoyan dī nu maka dari ko lumān paninggai-paninggai jaꞌ karomanan nu. Sugaꞌ pag ko ina mintu toa na, pinaggos sina ko ma-nnat siga langngon nu. Maka ni waktu looy ilay mintu, jama na mamakoyan kau maka binoo ko pa lugar ma yaꞌ karomanan nu.”

Yahiya 21:22

Pag tampung si Isa, “Bong ku doman llum na pin ya ngabut sampay ku pabeleng, ongoy subay na pin katoonan nu? Mmeꞌ jaꞌ ko ba niyaku.”

Pilipi 1:20

Kainagon ku yaꞌ luu oy maka oy na pabuwat ku man ku iyaꞌ ni awpan Tuhan. Kamura-murahan batnaa, meꞌ maruhuꞌ na pin, yaꞌ maglumba tawakka ku masaplag umanat mahap. Batan kaallum-kapatoy ku itu, kainagon ku pinaehe Almasi sabapan ku.