Yahiya 21:17 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁷ Pag-anu siꞌ, lay gi pinamintallu meꞌ si Isa nilaw, yuk na, “Saymon, anak si Yahiya, tud kaasean nu du ku kina?” Si Pitel siꞌ tu, tud bay susa pagka min tallu na ya bay tinilaw. Dari yuk na, “Papuꞌ, katoonan nu du bina mimon-mimon. Maka katoonan nu du bina kaasean ta ko.” Yuk si Isa, “Bong meꞌ naa, basta pakanun sa siga bili-bili ku.

Yahiya 21:17 ပူးပေါင်းရင်းမြစ်များ

Matiyu 25:40

“Pag tampung Sultan ilay mintu, ‘Baan ta kam banahan, waktu bi ilay bay buwat meꞌ looy ni soysoy danganakan ku san du pooy diyoꞌ na ni bandingan manusiyaꞌ, saliꞌ du ka aku bay pabuwat bi meꞌ looy.’

Malkus 14:72

Pag-anu siꞌ, ilooy ma tingkauk ni kaminduwa na na manuk. Sampay taintom na meꞌ si Pitel bay tunaꞌ si Isa, ilooy ma yuk na, “Yaꞌ gi san ina mintu bay tingkauk kaminduwa na manuk, ndang min tallu na ko bay maylu bahasa yaꞌ ku takila nu.” Dari siꞌ, lassa hansu na atay na sampay lay na ga kapanangis.

Yahiya 12:8

Ni kapasal jama miskin, luu na jaꞌ du sina ninggai-ninggai mman bi. Boꞌ aku tu, yaꞌ na ku humallom dambuwaꞌ ka kaam.”

Yahiya 13:38

Pag halling si Isa, “Bana kina atas nu nongan umu nu kalnaꞌ aku? Baan ta ko banahan, yaꞌ lagi sina mintu bay tingkauk manuk, ndang min tallu na ko bay maylu bahasa yaꞌ san ku takila nu.”

Yahiya 14:15

Maka yuk si Isa, “Bong kam maaseꞌ du niyaku, mastiꞌ bean bi jaꞌ sina siga panohoan ku.

Yahiya 15:10

Bong ina bean bi jaꞌ siga panohoan ku, kasengan bi sina aseꞌ ku. Aku pun, wā du bean ku siga panohoan Mmaꞌ ku sabap kasengan ku aseꞌ na.

Yahiya 16:30

Batnaa bohoꞌ tabista kami katoonan nu mimon-mimon. Maka siga tilaw njawom pamiki jama, tasayu nu du san ko yaꞌ gi bay tinilaw. Sangkon pitsayaꞌ kami mattan du ko lakka man Tuhan.”

Yahiya 18:27

Si Pitel siꞌ tu, lay du bay maylu pabalik. Paddus jaꞌ siꞌ halling na, ilooy ma tingkauk du manuk.

Yahiya 18:4

Kuwan si Isa siꞌ tu, ndang tasayu na na du bong oy song katuwaꞌ niiya. Sugaꞌ takka jaꞌ siꞌ siga sundalu looy, lay gi ya pasōng nilaw, yuk na, “Soy tu piha bi?”

Yahiya 21:18

Baan ta ko banahan Saymon, bay jaman nu umu sumaddong, sumunsayaꞌ jaꞌ ko mamakoyan dī nu maka dari ko lumān paninggai-paninggai jaꞌ karomanan nu. Sugaꞌ pag ko ina mintu toa na, pinaggos sina ko ma-nnat siga langngon nu. Maka ni waktu looy ilay mintu, jama na mamakoyan kau maka binoo ko pa lugar ma yaꞌ karomanan nu.”

Yahiya 4:16

Yuk si Isa, “Pilay na ko. Kaddoun na doꞌ duhuꞌ lla nu, boꞌ bi pabeleng pitu.”

Salsila siga Rasul 1:24

Pag-anu siꞌ, lay na doꞌ si Pitel ka ga soheꞌ na maku duwaa, yuk da, “Papuꞌ, isu-isu kau toon pangatayan manusiyaꞌ sikamimon. Bong anu, pakitahan nu doꞌ kami bong mamooy peneꞌ nu ni antaraꞌ ga lalla tuu ma duwa

Salsila siga Rasul 11:10

Na njawom pandapat ku siꞌ, min tallu kami bay magbitsala meꞌ looy. Pus meꞌ looy, lay inangkat siob looy ddas ka mimon njawom na pabeleng pa taꞌ langit.

Salsila siga Rasul 15:8

Na Tuhan ina, katoonan na du mimon njawom atay manusiyaꞌ. Dari pagka katoonan na hilas meꞌ siga jama looy siꞌ bay pitsayaꞌ, lay na du sila pinatannaan Rū Sutsiꞌ meꞌ bay karuha ningkitabi du.

2 Korin 1:12

Siga danganakan, ituu itu kagakan kami: Tatantu kami sutsiꞌ jaꞌ niyat atay kami ni mata Tuhan. Maka katoonan kami yaꞌ luu pabuwat kami man kami taawnan yaꞌ bonto ni mimon jama, awla na ningkaam. Ni mimon pabuwatan kami, yaꞌ kami mangasa ni akka kami dī kami. Ilooy ya asahan kami yana aseꞌ-tabang Tuhan.

Epesus 4:30

Maka daa pasusahun bi Rū Sutsiꞌ ka kawul-piil ma naggaꞌ ni kahandak na. Iya ina yana katakkoan man tabi katantu sukuꞌ Tuhan na kitabi. Maka iya du sina katakkoan man tabi katantu mastiꞌ pinaddusan jaꞌ kitabi man mimon kalaatan junyaꞌ bbos-bbos.

1 Pitel 1:6

Dari sabap meꞌ looy, yaꞌ du lakka kagakan bi minsan kam tuwaꞌ kamalasahiyan ka jinisan kabinsanaan samantalaꞌ ntuu ni junyaꞌ.

2 Pitel 3:1

Na siga kakasi ku, ituu itu suwat ku ni kaduwa na ningkaam. Ngkon ku itu nuwatan kaam ni kaduwa na man ku maintoman kaam kabanahan pabalik mari tattog na pamiki bi.

Siga Pakaradjaan bay Pinalahil 2:23

Mimon ma mmeꞌ meꞌ uwahan na, papatoy ku du sina. Dari pag mintu meꞌ looy, tabista na sina meꞌ mimon baanan sukuꞌ ku, mastiꞌ tasayu ku jaꞌ bong oy njawom atay manusiyaꞌ ka pamiki da. Maka aku du nungbasan sila saliꞌ-saliꞌ magbēꞌ ka pabuwatan da mahap-maat.

Siga Pakaradjaan bay Pinalahil 3:19

“Na soysoy ina kaasean ku, mastiꞌ saggong ku sampay adjal ku. Sangkon bong kam doman paintong, tawbatan bi na dusa bi, boꞌ pupusan bi na meꞌ bi mmeꞌ niyaku.