Yahiya 20:20 - Sabahagiꞌ Kitab Tawrat: Panagnaan ni Awwal Jaman maka Kitab Injil

²⁰ Pag-anu siꞌ, lay na sila pakitahan na ga limpaꞌ lansang ni tangan na sampay limpaꞌ budjak ni saddi na. Kuwan siga mulit na siꞌ tu, tud bay gāk pag ndaꞌ da luu na Papuꞌ da llum pabalik.

Yahiya 20:20 ပူးပေါင်းရင်းမြစ်များ

Matiyu 28:8

Dari siꞌ, lay na sila lakka deꞌ-dēꞌ man kubu looy. Sila siꞌ tu maglamud na tawu ka gāk da sasang da sonse mahati siga mulit si Isa.

Yahiya 16:20

Baan ta kam banahan, sagannap ma saꞌ sukuꞌ ku tud gāk sina mintu ni ilooy ma song katuwaꞌ niyaku. Boꞌ kaam ina, magtangisan na sina kam mintu ni kaehe lindu bi. Sugaꞌ yaꞌ du sina mintu hallom, dukka bi moleꞌ pa kagakan du.

Yahiya 16:22

Damikiyan, meꞌ naa du sina mintu kahalan bi. Batnaa susa gi kam bay kabaan sakkat na kitabi, sugaꞌ sitammu du sina kitabi pabalik. Taabut mintu ni llaw looy, biddaꞌ na sina ehe kagakan njawom atay bi. Boꞌ yaꞌ sina takaddoan meꞌ soy maka soy na.

Yahiya 19:34

Sugaꞌ kuwan disu sundalu ndooy, lay gi nugsuk saddi si Isa ka budjak sampay magti pōꞌ lahaꞌ haboyan boheꞌ.

Yahiya 20:25

Dari lay na du ya binaan meꞌ siga pagkahi na mulit, yuk da, “Lay kami la sitammu ka Papuꞌ tabi.” Tampung si Tomas baw, “Oy na kam na! Bong niyaꞌ doꞌ bay takita ku limpaꞌ lansang ni tangan na sampay tasallok ku ka timbōꞌ ku, yaꞌ ku kuhi pitsayaꞌ. Maka subay doꞌ bay tapurut ku ka tangan ku limpaꞌ budjak ni saddi na boꞌ ku pitsayaꞌ.”

Yahiya 20:27

Pag-anu siꞌ, yuk na ni si Tomas, “Tu ko Nges. Ndaun na tangan ku, boꞌ sallokun na ka timbōꞌ nu, maka purutun na ka tangan nu limpaꞌ budjak ni saddi ku. Pitsayaꞌ na ko ba. Daa na ko hawal-hawalan.”

1 Yahiya 1:1

Itu suwat ku ningkaam pasal si Isa Almasi, yana Palman Tuhan ma nampulnaꞌ nyawa manusiyaꞌ saumu-umu. Yaꞌ gi luu oy maka oy na, ndang luu na ya mman Mmaꞌ na Tuhan. Pag-anu, lay ya dari manusiyaꞌ sampay bay maglahat ntuu ni junyaꞌ. Maka lay gi ya takita kami ka mata kami ma duwa. Damikiyan, lay du ya takale kami mitsala. Maka lay gi ya tapurut kami ka tangan kami mismu.