Yahiya 20:19 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁹ Na pag tapit saddop llaw ni llaw looy du siꞌ, bbuwatan siga mulit si Isa, lay tapuk sabap tawu sila ni siga pa-mmean Yahudi. Sugaꞌ minsan lay kunsiꞌ da lawang lumaꞌ mman da, sakayi da kasayu, luu na si Isa nangge ni tangngaan da. Yuk na ninsila, “Kasannangan ningkaam.”

Yahiya 20:19 ပူးပေါင်းရင်းမြစ်များ

Matiyu 10:13

Na bong ina mintu jama lumaꞌ looy ngahasi kaam, malaingkan koleꞌ du sila kasannangan. Sugaꞌ bong niyaꞌ, malaingkan yaꞌ du luu takoleꞌ da.

Matiyu 18:20

Batan bila ina luu duwa tallu jama kumpo ma pitsayaꞌ niyaku, mastiꞌ luu du ku ni bihing da.”

Malkus 16:14

Yaꞌ hallom, si Isa na mismu bay patammu ni ga mulit na sikasapu-dambuwaꞌ sasang da mangan. Sampay lay gi sila sinahawi meꞌ na sabap ni katohas kōk da yaꞌ sila kuhi pitsayaꞌ ni siga pagkahi da ma bay ngita iya pus na bay pinakallum.

Yahiya 14:27

“Sangkon daa susa atay bi maka daa kam tawu. Mbanan ta sa kam kasannangan njawom atay bi, yana kasannangan ku ma yaꞌ sibuꞌ ka ilooy ma pinag-awnan kasannangan meꞌ sagannap ma saꞌ sukuꞌ ku.

Yahiya 16:22

Damikiyan, meꞌ naa du sina mintu kahalan bi. Batnaa susa gi kam bay kabaan sakkat na kitabi, sugaꞌ sitammu du sina kitabi pabalik. Taabut mintu ni llaw looy, biddaꞌ na sina ehe kagakan njawom atay bi. Boꞌ yaꞌ sina takaddoan meꞌ soy maka soy na.

Yahiya 16:33

Ni junyaꞌ tuu tu, mastiꞌ lumingkaꞌ jaꞌ sina kam ni jinisan kamalasahiyan. Sugaꞌ pagakun bi jaꞌ atay bi batan lay na situ ku tumanjataꞌ man mimon kasusahan njawom junyaꞌ. Aku ilay bay maan kaam ilooy siꞌ labbasakayi supaya sannang na atay bi man sabapan pagkatibuuk bi ka aku.”

Yahiya 20:21

Pag-anu siꞌ, lay na baw si Isa halling pabalik, “Kasannangan ningkaam. Yana meꞌ Mmaꞌ ku bay mapitu aku nohoꞌ masaplag umanat mahap, damikiyan, sohoꞌ ta na du kam ngalataan lahat masaplag.”

Yahiya 20:26

Paddus jaꞌ siꞌ wawuꞌ ngallaw, lay na baw kumpo ga mulit si Isa njawom lumaꞌ pabalik sampay luu na du ndooy si Tomas. Kuwan siga lawang da, meꞌ sibuwa du lay kinunsiꞌ. Sugaꞌ san meꞌ looy, sakayi da kasayu, luu na baw balik si Isa nangge ni tangngaan da sambayan na halling, “Kasannangan ningkaam.”

Yahiya 21:1

Paddus daka dangoy ngallaw, lay na baw si Isa patammu ni siga mulit na ndooy ni tapiyan Danaw Tiberias. Meꞌ tuu salsila na:

Yahiya 21:14

Dari siꞌ, ilooy na kamintallu si Isa bay patammu ni ga mulit na paddus na bay pinakallum pabalik.

Yahiya 7:13

Na ndooy siꞌ, yaꞌ luu bay nawakka nanggehan si Isa njawom jama batan tawu na baw sila ni siga pa-mmean Yahudi.

Suwat si Pol pa mman Baanan Sukuꞌ si Isa ndooy ni Rom 15:33

Kamura-murahan inunungan na pin kam meꞌ Tuhan, yana poonan kasannangan. Amin.

1 Korin 15:5

Pag-anu, llum jaꞌ siꞌ ya pabalik, lay gi ya patammu ni si Pitel, boꞌ na bay nammuhan siga rasul na ilooy kasohean.

Epesus 2:14

Maruhuꞌ, ndang katoonan bi du, bong inawnan kami siga Yahudi ka kaam siga bangsa saꞌ Yahudi, wā magsaggaꞌ. Boꞌ poonan pagsaggaan tabi ilay yana saraꞌ agama kami. Sangka kami hagaan gi kami man kaam sabap kami bay peneꞌ Tuhan sukuꞌ na. Boꞌ kami lagi man Tuhan bay ma-ntan saraꞌ na. Sangkon dari ko ngawon, saraꞌ agama kami yana agpang man tabi yaꞌ kapagdambuwaꞌ. Kahapan, lay na nilangkat meꞌ Almasi agpang looy njataꞌ kapatoy na taꞌ tehang. Kon na bay buwat meꞌ looy supaya bay duwam baanan tapagsitibuuk na na kitabi pa disu baanan sa. Dari sabapan kapatoy Almasi, bilang disu bangsa bahau na kitabi. Maka luu na kasalassayan tabi batan bukaꞌ na lawang bahau man mimon manusiyaꞌ taitung sukuꞌ Tuhan. Sangkon bong inawnan saraꞌ Yahudi ddas ka jinisan aturan tinaat, yaꞌ na luu kabigiꞌ-bigian na ni hāl meꞌ jama initung sukuꞌ Tuhan.

Epesus 6:23

Siga danganakan, kamura-murahan binuwanan na pin kam kasannangan meꞌ Mmaꞌ tabi Tuhan ka Papuꞌ tabi si Isa Almasi. Maka pakuhan ta na pin kam duwaa mari magsasōng na pin aseꞌ bi ni pagkahi bi sampay pangando bi pa Tuhan.

Pilipi 1:2

Kamura-murahan binuwanan na pin kam kasannangan ka barakat meꞌ Mmaꞌ tabi Tuhan ka Papuꞌ tabi si Isa Almasi.

2 Tesaloneka 3:16

Kamura-murahan ni mimon kahalan bi, binuwanan na pin kam kasannangan jawom atay bi meꞌ Papuꞌ, yana poonan kasannangan. Maka kamura-murahan luu na pin ya ngunungan kaam labbasakayi.

3 Yahiya 1:14

Bong yaꞌ luu baya-baya, yaꞌ na du hallom sitammu na du kita, boꞌ ta kapagbitsala balharapan.

Siga Pakaradjaan bay Pinalahil 1:4

Ituu tu si Yahiya nuwat pa mman siga baanan sukuꞌ si Isa ni pituꞌ daira nnaa ni Asiya. Kamura-murahan binuwanan na pin kam kasannangan maka barakat meꞌ Tuhan sabanna, ilooy ma ndang luu na man maruhuꞌ-ruhuꞌ ngabut batnaa sampay saumu ni sinōng. Maka kamura-murahan binuwanan na pin kam kasannangan ka barakat meꞌ ilooy ma ginalla Rū Sikapituꞌ, yana Rū Tuhan ma luu na pin ni awpan paningkoan man Tuhan ningkōꞌ marinta.