Yahiya 20:17 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁷ Yuk si Isa niiya, “Daa ku kuwangkutan nu. Pawus gi situ ku pa jataꞌ pa mman Mmaꞌ ku. Sugaꞌ tugun ku ningkau, pilay na ko pa mman siga danganakan ta. Baan nu sila pilay na ku pa jataꞌ pa mman Mmaꞌ ku, yana Mmaꞌ bi, pa mman Tuhan ku, yana Tuhan bi.”

Yahiya 20:17 ပူးပေါင်းရင်းမြစ်များ

Matiyu 12:50

Batan sagannap ma mean kahandak Mmaꞌ ku ni sulgaꞌ, sila pun ina bilang ku du ga danganakan ku ka nneꞌ ku.”

Matiyu 25:40

“Pag tampung Sultan ilay mintu, ‘Baan ta kam banahan, waktu bi ilay bay buwat meꞌ looy ni soysoy danganakan ku san du pooy diyoꞌ na ni bandingan manusiyaꞌ, saliꞌ du ka aku bay pabuwat bi meꞌ looy.’

Matiyu 28:7

boꞌ bi pilay na deꞌ-dēꞌ mahati siga mulit na. Baan bi sila lay na ya pinakallum maka duhuꞌ gi silay ya mintu takka man kaam pilay pa Jalil. Ndooy sa kam sitammu. Indanan bi bay bitsala ku siꞌ.”

Malkus 12:26

Na buktiꞌ man tabi mindoga jama matoy pinakallum lagi, mamintang jaꞌ kam ni ilooy ma bay tabatsa bi njawom suwat Nabi Musa. Saꞌ ba, lay ya kale suwara Tuhan pōꞌ man poon kayu-kayu noleyab na meꞌ api? Yuk Tuhan niiya, ‘Aku na situ Tuhan ma sinumba meꞌ ga Nabi Ibrahim, Nabi Isahak ka Nabi Yaꞌkub.’

Malkus 16:19

Paddus Papuꞌ Isa bay mitsala ninsila, ilooy ma lay na ya inangkat pa sulgaꞌ. Pag-anu, boꞌ na ningkōꞌ ni bihing Tuhan huwin pa kawnan.

Lukas 10:4

Pag mintu kam lumān, daa na kam moo sīn, bāg atawa sinilas sarī man ilooy ma patuk bi. Maka daa na kam mmeꞌ magmiting-miting ka jama pa hallom ni tangngaꞌ lān taggahaꞌ lantan na baw mintu palanan bi.

Yahiya 13:1

Na tapit jaꞌ siꞌ paballangan Ngalingkaꞌ, ndang katoonan si Isa na tapit na waktu man na ngambanan junyaꞌ sampay pabeleng pa mman Mmaꞌ na. Na iya siꞌ tu, labba man sibuwa ngabut sampay pa katapusan, ndang maaseꞌ ya ni siga mulit na ntuu ni junyaꞌ.

Yahiya 13:3

Pus da siꞌ mangan, lay doꞌ si Isa nangge boꞌ na ngurusan juba na. Pag-anu, boꞌ na basahan ka tuwala. Na iya siꞌ tu, katoonan na du lay na dean Mmaꞌ na niiya kawasa-kapatut njataꞌ mimon-mimon. Maka katoonan na du iya lakka man Tuhan, damikiyan, Tuhan du polean na. Sugaꞌ san meꞌ looy, lay gi ya magpadiyoꞌ ni siga mulit na.

Yahiya 14:2

Ni okoman Mmaꞌ ku ilay, meka patannaan na. Boꞌ aku tu batnaa song pilay na manyap patannaan para ningkaam. Yaꞌ situ ku māꞌ meꞌ tuu ningkaam bong yaꞌ bana.

Yahiya 14:28

“Na meꞌ halling sambat ku na nsiniꞌ, palakka na doꞌ ku boꞌ bi sa beleng ku. Na bong ina kam maaseꞌ du niyaku, mastiꞌ gāk jaꞌ sina kam song pilay na ku pa mman Mmaꞌ ku batan patingkat ya man aku.

Yahiya 14:6

Tampung si Isa, “Aku na bitu lān na. Damikiyan, aku du kabanahan sampay poonan kaallum. Yaꞌ sina luu takka pa mman Mmaꞌ ku bong saꞌ aku lān tinūs.

Yahiya 16:28

Boꞌ bana du aku bay pitu pa junyaꞌ lakka man Mmaꞌ ku. Pag batnaa, lakka na baw ku man junyaꞌ beleng pa mman na.”

Yahiya 17:11

Batnaa tu, yaꞌ na ku hallom taꞌ junyaꞌ tuu batan song pilu na ku pa mman nu. Sugaꞌ siga mulit ku, tamban na jaꞌ ntuu. Sangkon Maꞌ, kau Mahasutsiꞌ, tabangan nu sa sila supaya sila kanaalla ni awon nu yana awon ma bay dean nu aku. Meꞌ naa ina, meꞌ kita na du sila dambuwaꞌ atay.

Yahiya 17:25

“Maꞌ, kau ma intong gi man intong, minsan ko yaꞌ kinatoonan meꞌ sagannap ma yaꞌ pitsayaꞌ niyaku, bong aku, mastiꞌ katoonan ta jaꞌ ko. Maka siga mulit ku pun itu, katoonan da na du kau bay mapitu aku.

Yahiya 17:5

Sangkon batnaa Maꞌ, bong anu, pabalikun na niyaku kabantugan ma ndang bay luu na mman ku bay jaman ku nnaa mman nu yaꞌ gi luu junyaꞌ.

Yahiya 20:27

Pag-anu siꞌ, yuk na ni si Tomas, “Tu ko Nges. Ndaun na tangan ku, boꞌ sallokun na ka timbōꞌ nu, maka purutun na ka tangan nu limpaꞌ budjak ni saddi ku. Pitsayaꞌ na ko ba. Daa na ko hawal-hawalan.”

Yahiya 7:33

Pag-anu, yuk si Isa ni baanan jama ndooy, “Aku tu, yaꞌ na ku humallom ntuu mman bi. Song pabeleng na situ ku pa mman ilooy ma bay mapitu aku.

Suwat si Pol pa mman Baanan Sukuꞌ si Isa ndooy ni Rom 8:29

Labba man sibuwa, ndang katoonan Tuhan na bong soy tumabeꞌ ni sukuꞌ na. Boꞌ ndang luu na silay garaꞌ na ngahalin arat-tabiat da supaya sumibuꞌ na du ka arat-tabiat Anak na, yana si Isa. Kon na ilay buwat meꞌ looy supaya sila pataꞌ inawnan siyali si Isa ma ginalla Anak Siyaka.

2 Korin 6:18

Aku na Mmaꞌ bi, maka anak ta na kam.” Dari ilooy na silay siꞌ palman Tuhan Sangat Kawasa.

Galatiya 3:26

Kaam pun ina labbasakayi, anak Tuhan na du kam sabap meꞌ bi pitsayaꞌ ni si Isa Almasi.

Hibrani 11:16

Sugaꞌ iya bay agad da yana paglahat mahap gi man mimon paglahat ni junyaꞌ, yana paglahat man sulgaꞌ. Dari sabapan kainagon da magdautan daira ma ndang bay pinanyap meꞌ Tuhan ninsila, gāk sina Tuhan inawnan Tuhan da.

Hibrani 8:10

Na pagsulutan kami ina mintu ka siga panubuꞌ si Israil meꞌ tuu karuha na: Nnaꞌ ku na sina mintu siga saraꞌ ku njawom pamiki da. Maka suwatan ku na njawom atay da. Aku na sina mintu Tuhan da maka sukuꞌ ku na sila.

1 Pitel 1:3

Pudji tabi Tuhan, Mmaꞌ Papuꞌ tabi si Isa Almasi. Ni kabasag timbang na, lay na ya bay muwanan kitabi kaallum bahau. Lay na kapakitabi kaallum bahau sabap meꞌ tabi tabeꞌ ni Almasi pinakallum pabalik. Sangkon tatantu tabi na

1 Yahiya 3:2

Siga kakasi ku, batnaa anak Tuhan na situ kitabi, sugaꞌ yaꞌ gi baw bay pinalahil ningkitabi bong pooy kadari tabi bbos-bbos. Ilooy du katoonan tabi, pag beleng Almasi, meꞌ iya na du kitabi batan takita tabi na sina mintu bong pooy kadari na banahan.

Siga Pakaradjaan bay Pinalahil 21:3

Pag-anu siꞌ, kale na baw ku suwara haddo lakka man tagan paningkoan looy, yuk na, “Batnaa tu magdambuwaꞌ na Tuhan ka manusiyaꞌ. Batan patannaan na sibuꞌ du ka ninsila. Batnaa sukuꞌ na na sila maka iya na Tuhan da ma tattap lungbid ka sila.

Siga Pakaradjaan bay Pinalahil 21:7

Na sagannap ma kanaalla mmeꞌ niyaku tanne-pasuꞌ, pusakahan ku ka ilooy mimon ma bay sabbut ku siꞌ. Aku na Tuhan da maka anak ku na sila.