Yahiya 20:16 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁶ Yuk si Isa baw siꞌ tu niiya, “Mariyam.” Dari ilooy ma lay ya paawop ni si Isa sambayan na halling ni pallun Hibrani, “Rabbuni!” Hatiyan na, “Guru”.

Yahiya 20:16 ပူးပေါင်းရင်းမြစ်များ

Panagnaan 22:1

Na luu jaꞌ siꞌ daka dangon taun bay pingkaꞌ, lay na baw sinuwayan meꞌ Tuhan pangando si Ibrahim niiya. Meꞌ tuu silay salsila na: Luu disu llaw, lay ya linganan Tuhan, yuk na, “Ū Ibrahim.” Tampung si Ibrahim, “Oy lay siꞌ Papuꞌ?”

Panagnaan 22:11

Sugaꞌ sarunduun du luu pōꞌ man sulgaꞌ suwara malaikat Tuhan ngalingan, yuk na, “Ibrahim! Ū Ibrahim!” Yuk si Ibrahim, “Oy lay siꞌ?”

Panagnaan 45:12

Maka yuk si Yusup lagi ni siga danganakan na, “Itu na du kam ka ga si Benjamin mismu ngita tud aku na situ si Yusup mitsala ni pag-awpan bi.

Matiyu 14:27

Sugaꞌ magti ya mitsala, yuk na, “Daa na kam ba tawu. Aku bitu. Njawom iman kam.”

Malkus 10:51

Yuk si Isa siꞌ tu niiya, “Luu kina karomanan nu pabuwat ku ningkau?” Pag halling lalla looy, “Tuwan Guru, doman na ku la ngita.”

Lukas 10:41

Iya tampung si Isa, “Uy Malta, meka la kinagampangan meꞌ nu.

Yahiya 1:38

Pag teleꞌ si Isa, takita na na sila patuhut niiya. Dari yuk na, “Marean ta luu maksud bi niyaku.” Pag tampung da, “Niyaꞌ ba Tuwan Guru, arapun tilaw kami jaꞌ bong ninggai mman nu tamban.”

Yahiya 1:49

Pag tabista si Natanyel talus si Isa, ilooy ma yuk na, “Tuwan Guru, tud bana-bana du bitu la kau na Anak Tuhan, sultan bangsa kami Israil!”

Yahiya 10:3

Maka tuktuk na paasok, binukisan jaꞌ ya meꞌ tukang jaga lawang. Lagiꞌ na, bila ya mitsala, takila suwara na meꞌ siga bili-bili na. Dari linganan na siga bili-bili na disu-disu ddas ka awon da saliꞌ-saliꞌ, boꞌ da boo na pa poan.

Yahiya 11:28

Pus si Malta halling meꞌ looy, lay na ya pabeleng pa lumaꞌ, boꞌ na ngambay danganakan na si Mariyam pa bihing na. Pag-anu, yuk na ni si Mariyam, “Luu na la Tuwan Guru nilaw kau gi siꞌ.”

Yahiya 13:13

Pahatiyan ta doꞌ kam. Saꞌ ba, meꞌ bi ngawnan aku, ‘Tuwan Guru’ maka ‘Papuꞌ’? Katuwaꞌ du silay kam sabap bana du.

Yahiya 20:28

Yuk si Tomas niiya, “Papuꞌ ta ko! Tuhan ta ko!”

Yahiya 3:2

Disu sangom, lay ya pilay pa mman si Isa. Takka ndooy yuk na, “Tuwan, katoonan kami kau guru lakka man Tuhan. Yaꞌ sina ko kapōꞌ siga pakaradjaan kahaylan-haylan meꞌ ilooy ma bay pabuwat nu bong yaꞌ luu kawasa Tuhan njataꞌ nu.”

Yahiya 5:2

Ndooy siꞌ, luu poon boheꞌ inawnan Betsata ni pallun Hibrani. Poon boheꞌ looy siꞌ tapit pa disu lawang kutaꞌ daira looy pinag-awnan Lawang Bili-bili. Ni bihing boheꞌ looy siꞌ, luu lima bawung-bawung man jama pasindung.

Yahiya 6:25

Tatammu da jaꞌ siꞌ si Isa ni dambilaꞌ danaw, tilaw da niiya, “Tuwan, sumilan tu ko la bay takka pitu?”

Salsila siga Rasul 10:3

Na disu kohap ga lisag tallu, lay si Kolniliyus pinakitahan pandapat meꞌ Tuhan. Njawom pandapat na, ngita ya disu malaikat pasōng pa mman na sambayan na ngingan, yuk na, “Ū Kolniliyus.”

Salsila siga Rasul 9:4

sampay lay na ga ya humantak taꞌ tanaꞌ. Boꞌ lay gi ya kale suwara, yuk na, “Sol, ū Sol, ongoy ko ngalaugan aku?”