Yahiya 2:24 - Sabahagiꞌ Kitab Tawrat: Panagnaan ni Awwal Jaman maka Kitab Injil

²⁴ Sugaꞌ san meꞌ looy, yaꞌ du baw si Isa bay mangando ninsila sabap katoonan na du tabiat manusiyaꞌ.

Yahiya 2:24 ပူးပေါင်းရင်းမြစ်များ

Matiyu 9:4

Na si Isa siꞌ tu, ndang katoonan na njawom pamiki da. Dari yuk na ninsila, “Marean ta kanna bi yaꞌ luu kawasa-kapatut ku muwasan dusa.

Malkus 2:8

Na si Isa siꞌ tu, ndang katoonan na du njawom pamiki da. Dari yuk na ninsila, “Marean ta kanna bi yaꞌ luu kawasa-kapatut ku muwasan dusa.

Yahiya 1:42

Pag-anu, lay na boo na si Saymon pa mman si Isa. Pag takita ya meꞌ si Isa, yuk na, “Kau na bitu hati si Saymon, anak si Yahiya. Sugaꞌ batnaa, awnan ta na ko si Sipas.” (Ni pallun Yahudi hatiyan Sipas sibuꞌ du ka hatiyan Pitel ni pallun Greek. Hatiyan da sikaduwa yana “batu.”)

Yahiya 16:30

Batnaa bohoꞌ tabista kami katoonan nu mimon-mimon. Maka siga tilaw njawom pamiki jama, tasayu nu du san ko yaꞌ gi bay tinilaw. Sangkon pitsayaꞌ kami mattan du ko lakka man Tuhan.”

Yahiya 21:17

Pag-anu siꞌ, lay gi pinamintallu meꞌ si Isa nilaw, yuk na, “Saymon, anak si Yahiya, tud kaasean nu du ku kina?” Si Pitel siꞌ tu, tud bay susa pagka min tallu na ya bay tinilaw. Dari yuk na, “Papuꞌ, katoonan nu du bina mimon-mimon. Maka katoonan nu du bina kaasean ta ko.” Yuk si Isa, “Bong meꞌ naa, basta pakanun sa siga bili-bili ku.

Yahiya 4:16

Yuk si Isa, “Pilay na ko. Kaddoun na doꞌ duhuꞌ lla nu, boꞌ bi pabeleng pitu.”

Yahiya 5:42

Sugaꞌ san sawpama miha ku sanglit, yaꞌ du ku ngaholat lakka mman bi, batan katoonan ku yaꞌ luu njawom atay bi aseꞌ pa Tuhan.

Yahiya 6:15

Pag tabista si Isa luu niyat ga baanan looy ngalogos iya binuwat sultan da, lay ya magti lakka, boꞌ na lay pa dambilaꞌ punu looy dangan-dangan na.

Yahiya 6:64

Sugaꞌ masi kam luu yaꞌ kuhi pitsayaꞌ.” Na si Isa ilay, labba man sibuwa, ndang katoonan na sagannap ma niyaꞌ kuhi pitsayaꞌ niiya sampay ilooy disu ma song nipu iya bbos-bbos.

Salsila siga Rasul 1:24

Pag-anu siꞌ, lay na doꞌ si Pitel ka ga soheꞌ na maku duwaa, yuk da, “Papuꞌ, isu-isu kau toon pangatayan manusiyaꞌ sikamimon. Bong anu, pakitahan nu doꞌ kami bong mamooy peneꞌ nu ni antaraꞌ ga lalla tuu ma duwa

Salsila siga Rasul 15:8

Na Tuhan ina, katoonan na du mimon njawom atay manusiyaꞌ. Dari pagka katoonan na hilas meꞌ siga jama looy siꞌ bay pitsayaꞌ, lay na du sila pinatannaan Rū Sutsiꞌ meꞌ bay karuha ningkitabi du.

Hibrani 4:13

Tuhan ina yaꞌ talimbuhan. Mimon-mimon mastiꞌ takita na jaꞌ. Boꞌ na, iya na sina mintu man tabi paawop magsabanna ni mimon bay pabuwat tabi.

Siga Pakaradjaan bay Pinalahil 2:23

Mimon ma mmeꞌ meꞌ uwahan na, papatoy ku du sina. Dari pag mintu meꞌ looy, tabista na sina meꞌ mimon baanan sukuꞌ ku, mastiꞌ tasayu ku jaꞌ bong oy njawom atay manusiyaꞌ ka pamiki da. Maka aku du nungbasan sila saliꞌ-saliꞌ magbēꞌ ka pabuwatan da mahap-maat.