Yahiya 2:22 - Sabahagiꞌ Kitab Tawrat: Panagnaan ni Awwal Jaman maka Kitab Injil

²² Siga mulit na pun, yaꞌ du bay kahati. Sugaꞌ pag lay jaꞌ si Isa pinakallum pabalik, taintom da na bay sambatan na. Sampay bohoꞌ da pitsayaꞌ ni tunaꞌ njawom kitab pasal Almasi pinakallum. Maka tabista da na yaꞌ du bay karapatan si Isa bay magsambatan.

Yahiya 2:22 ပူးပေါင်းရင်းမြစ်များ

Lukas 24:26

Saꞌ ba, njawom kitab da, Almasi subay doꞌ duhuꞌ lumingkaꞌ njawom jinisan kamalasahiyan boꞌ na koleꞌ kabantugan saꞌ alang-alang?”

Lukas 24:44

Pag lupus, yuk na, “Bay waktu tabi dambuwaꞌ, ndang bay kam baan ku meꞌ tuu: Saꞌ ba, yuk ku, mimon ma bay sinuwatan meꞌ Nabi Musa ka ga kanabi-nabihan ilooy kasohean sampay na njawom Kitab Jabul pasal aku talpaksaꞌ binakbul jaꞌ?”

Yahiya 12:16

Na kuwan siga mulit si Isa baw, yaꞌ lagi bay tabista da lay na binakbul tunaꞌ looy. Noy bay na si Isa pinakallum pabalik sampay inangkat pa sulgaꞌ boꞌ taintom da na ndang luu tunaꞌ njawom kitab hāl meꞌ looy. Boꞌ ndooy na bohoꞌ tabista da na tunaꞌ looy bay sinuwatan pasal si Isa.

Yahiya 14:26

Kamasaꞌ, pag taabut ku yaꞌ na luntuu, pinapitu du sina meꞌ Mmaꞌ ku gantiꞌ ku, yana Tukang Nabang, hati na, Rū Sutsiꞌ. Iya sa mintu noan kaam mimon ma pataꞌ kinatoonan meꞌ bi sampay maintoman kaam mimon ma bay bāꞌ ku ningkaam.

Yahiya 16:4

Na ngkon kam tu ndang baan ku na duhuꞌ supaya pag taabut mintu kam pinabuwat meꞌ looy, yaꞌ na kam jayip. Batan taintom bi na ndang lay na kam baan ku. Sibuwa san kam yaꞌ na bay baan ku batan aku du tiluꞌ jama pinakaat, saꞌ du kaam. Sugaꞌ yaꞌ jaꞌ ina ku mintu luu, kaam na baw sina llān meꞌ da.

Yahiya 2:11

Na ilooy siꞌ ma bay pabuwat si Isa ndooy ni kawum Kana ni Jalil, yana pabuwatan sibuwa kahaylan-haylan man na bay makita ehe kawasa Tuhan njataꞌ na. Dari sabap meꞌ looy, magsasōng na meꞌ siga mulit na pitsayaꞌ niiya.

Yahiya 2:17

Na sasang ga mulit si Isa siꞌ maiman, taintom da na suwat njawom kitab, ilooy ma yuk na, “Ni kaehe sēng ku ni lumaꞌ nu, meꞌ lassa api noleyab njawom atay ku.”

Yahiya 2:2

Ga si Isa pun ka ga mulit na, lay du bay kinaddoꞌ.

Salsila siga Rasul 11:16

Pag takita ku meꞌ looy, taintom ku na bay bitsala Papuꞌ Isa, ilooy ma yuk na, ‘Ni bay jaman si Yahiya ilay, boheꞌ jaꞌ man na mandi jama. Sugaꞌ yaꞌ na du sina hallom, kuwan kaam, Rū Sutsiꞌ na man mandi kaam.’

Salsila siga Rasul 13:33

luu na bay tinuman ningkitabi, siga panubuꞌ da, ni masa batnaa. Batan tukang nalamat ma bay njanjiꞌ meꞌ Tuhan ningkitabi, luu na bay takka, yana si Isa na silay, sampay lay gi ya pinakallum pabalik meꞌ Tuhan. Boꞌ iya na silay bay awnan Tuhan Anak njawom Kitab Jabul, ni juran duwa, ilooy ma yuk na, ‘Kau ina Anak ku. Llaw tuu, lay na ku makitau aku yana Mmaꞌ nu.’