Yahiya 19:9 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁹ Dari lay na baw boo na si Isa pa jawom astanaꞌ na pabalik. Lay jaꞌ siꞌ ndooy, yuk na ni si Isa, “Lakka maninggai doꞌ ko itu?” Sugaꞌ si Isa siꞌ tu, yaꞌ san nampung.

Yahiya 19:9 ပူးပေါင်းရင်းမြစ်များ

Matiyu 26:63

Pag yaꞌ jaꞌ siꞌ nampung si Isa, mitsala na baw bbalik panghuluꞌ imam, yuk na, “Sapahan nu teꞌ ba batnaa ni awpan Tuhan sabanna ma llum saumu-umu bong bana kau na Almasi, yana Anak Tuhan.”

Matiyu 27:27

Pag binoo si Isa leꞌ siga sundalu gubnul pa jawom kampu da, lay tawag da mimon pagkahi da sundalu sampay liput na si Isa meꞌ da.

Lukas 23:9

Pag taabut na numariya si Isa, tud bay meka tilaw na, sugaꞌ yaꞌ san bay nampung si Isa.

Yahiya 18:28

Pag deꞌ subu, lay na baw si Isa binoo meꞌ siga pa-mmean Yahudi lakka man lumaꞌ Imam Kayapas pa astanaꞌ Gubnul Pilatu. Sugaꞌ yaꞌ sila kuhi paasok sabap njawom saraꞌ agama da, bong sila nabbaꞌ ni lumaꞌ jama saꞌ Yahudi, katamak ninsila, sampay yaꞌ na sila kapalamud mmeꞌ mangan ni paballangan Ngalingkaꞌ.

Yahiya 18:33

Pag-anu, lay na siꞌ pabeleng Gubnul Pilatu pa jawom astanaꞌ, boꞌ na nohoꞌ si Isa binoo pa mman na. Luu jaꞌ siꞌ, yuk Gubnul niiya, “Bana kina kau sultan bangsa Yahudi?”

Yahiya 18:34

Pag tampung si Isa, “Da doꞌ ko la Tuwan. Ni hāl tilaw nu siꞌ, tud dī nu jaꞌ kina doman toon atawa kon nu nilaw sabap luu bay maan kau pasal aku?”

Yahiya 18:37

Yuk Gubnul Pilatu baw siꞌ tu, “Bong meꞌ naa, tud sultan du bina hati ko!” Pag halling si Isa, “Kau na du baw bina bay māꞌ aku sultan. Kon ku itu bay pitu pa junyaꞌ ka pinamaddihan supaya ku kapasaplag kabanahan ni manusiyaꞌ. Soysoy doman toon kabanahan, mastiꞌ pakale sina niyaku.”

Yahiya 19:10

Dari yuk Gubnul Pilatu niiya, “Yaꞌ hati ko doman nampungan aku, hāꞌ? Yaꞌ mareꞌ tabista nu aku ngantanan kapatut maddusan kau atawa nohoꞌ kau llansang taꞌ tehang.”

Yahiya 19:8

Lay jaꞌ siꞌ takale Gubnul Pilatu meꞌ looy, tud bay takkahan tawu ya.

Yahiya 8:14

Pag tampung si Isa, “San bitu dangan-dangan ku jaꞌ mahati pasal dī ku, basta bana jaꞌ mimon bitsala ku. Batan luu katoonan ku pasal dī ku ma yaꞌ katoonan bi. Katoonan ku bong lakka maninggai ku maka paninggai tiluꞌ ku.

Pilipi 1:28

Siga danganakan, daa kam tawu san gi oy pabuwat sagannap ma nguntra kaam. Bong ina kam yaꞌ tawu, tabistu na meꞌ banta bi minulkaan sila meꞌ Tuhan bbos-bbos. Boꞌ kaam ina, tabistu da na sinalamat.