Yahiya 19:6 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁶ Takita jaꞌ siꞌ si Isa meꞌ siga imam langkaw ka ga tukang jaga, ilooy ma maghowapan na baw sila, yuk da, “Lansangun na ba! Lansangun na taꞌ tehang!” Sugaꞌ yuk Gubnul Pilatu, “Boonun bi na ba bbeleng. Kaam sa ngalansang. Boꞌ aku itu, basta yaꞌ luu tatammu ku kasaan na.”

Yahiya 19:6 ပူးပေါင်းရင်းမြစ်များ

Matiyu 26:58

Kuwan si Pitel siꞌ tu, luu na pin patuhut man katāhan sampay lay na du ya nakka bihing haman lumaꞌ Imam Kayapas. Pag-anu, lay ya paasok pa jawom haman ningkōꞌ ni bihing ga tukang jaga supaya katoonan na bong oy katuwaꞌ si Isa.

Matiyu 27:22

Dari tilaw Gubnul Pilatu, “Hati, batōy ku na baw si Isa, ilooy ma inawnan Almasi?” Tampung da sikamimon, “Lansangun na taꞌ tehang mari ya matoy.”

Matiyu 27:24

Pag tabista Gubnul Pilatu yaꞌ na du tapaling manusiyaꞌ ndooy, gam pin song hiluhalaꞌ na, magti ya ngaddoꞌ boheꞌ, boꞌ na ngosoan tangan na ni awpan ga jama looy. Yuk na, “Bahalaꞌ bi na. Lay na kosoan ku tangan ku mari yaꞌ na ku talapay ndusa ni kapatoy jama tuu.”

Lukas 23:4

Pag-anu, yuk Gubnul Pilatu ni siga imam langkaw ka ni baanan jama ndooy, “Yaꞌ bitu ku nammu dusa pataꞌ man jama tuu pinalkalaꞌ.”

Yahiya 18:3

Dari lay du si Judas luꞌ pilay moo baanan sundalu ka ga tukang jaga langga ma bay sinohoꞌ meꞌ siga imam langkaw ka ga Parisi. Sila siꞌ bay pilay ddas ka paliyatut da ka siga pakakas da.

Yahiya 18:31

Yuk Gubnul Pilatu, “Boonun bi na ba bbeleng. Kaam sa ngahukum iya ni lanan saraꞌ bi.” Sugaꞌ tampung siga pa-mmean Yahudi baw siꞌ tu, “Yaꞌ baw bilay kami pinadari meꞌ parinta bi mapatoy jama.”

Yahiya 18:38

Yuk Gubnul Pilatu, “Oy doꞌ itu kabanahan?” Pus na halling meꞌ looy, lay na baw ya pōꞌ balik pa mman siga Yahudi ndooy, yuk na, “Yaꞌ bilay la luu tatammu ku kasaan na.

Yahiya 19:15

Sugaꞌ maghowapan na baw sila, yuk da, “Papatoyun na! Papatoyun na! Lansangun na taꞌ tehang!” Tilaw Gubnul Pilatu baw siꞌ tu, “Hati, sultan bi sohoꞌ bi na baw kina llansang niyaku taꞌ tehang?” Iya tampung siga imam langkaw baw siꞌ tu, “Yaꞌ baw bitu la luu sultan kami sarī man Sultan Sisal.”

Yahiya 19:4

Yaꞌ hallom, lay na baw pōꞌ Gubnul Pilatu balik maan siga Yahudi ndooy, yuk na, “Sohoꞌ ku na lalla looy binoo pitu mari takita bi lay na ya bay sohoꞌ ku llagpiꞌ. Sugaꞌ pahamun bi paayad, basta yaꞌ baw tu luu tatammu ku kasaan na.”

Salsila siga Rasul 2:23

Sugaꞌ san meꞌ looy, lay gi ya papatoy bi. Lay ya bay pa-ntan bi ni siga jama jahallis nohoꞌ nilansang taꞌ tehang. Kamasaꞌ, ilooy ilay siꞌ sikamimon ndang bay ginantaꞌ meꞌ Tuhan man maruhuꞌ-ruhuꞌ lagi man majatu garaꞌ na.

Salsila siga Rasul 7:52

Ni bay jaman da, yaꞌ luu kanabi-nabihan saꞌ bay llaugan meꞌ da. Boꞌ na, sagannap nabi ma bay nunaꞌ pasal katakka Ilooy ma Intong, yana Almasi, lay gi ga papatoy da. Na kaam pun ina, yaꞌ du luu pagtingkahan bi ka sila. Batan pag luu jaꞌ Almasi bay lahil pitu pa junyaꞌ, kaam na baw bay nipu sampay mapatoy iya.