Yahiya 19:39 - Sabahagiꞌ Kitab Tawrat: Panagnaan ni Awwal Jaman maka Kitab Injil

³⁹ Maka luu gi soheꞌ na yana si Nikodimus, lalla looy ma bay pingkaꞌ nammuhan si Isa sangom. Ga si Nikodimus ilay siꞌ bay moo duwan jinis baddak hamut bay pinagsakot inawnan mira ka alos. Eka na, gantaꞌ ga tallumpūꞌ kilu man da ngintu mayat si Isa.

Yahiya 19:39 ပူးပေါင်းရင်းမြစ်များ

Panagnaan 50:2

Pag-anu, lay na sohoꞌ si Yusup kinapul mayat mmaꞌ na ni siga tukang ngintu mayat.

Matiyu 12:20

Manimbang ya ni jama ma kaluuy-luuy. Nabang ya jama ma yaꞌ luu pag-asa da. Yaꞌ ya patagong ngkod-ngkoran yaꞌ gi tumanjataꞌ kaintongan ni sikaliput junyaꞌ.

Matiyu 19:30

Indanan bi. Meka sina jama ma ni duhuan batnaa, pag taabut mintu ni ahirat, lay na sila ni dambulihan. Damikiyan, meka du sina jama ma ni dambulihan batnaa, pag ndooy mintu, lay ni duhuan.”

Matiyu 2:11

Pag-anu, lay na sila paasok pa jawom lumaꞌ looy. Pag takita da jaꞌ siꞌ anak-anak looy maka nneꞌ na si Mariyam, lay na sila sujud sampay numba anak-anak looy. Pag lupus, inungkad na meꞌ da bay boonan da barang hagaan, boꞌ lay pinamuwan anak-anak looy. Ga barang looy siꞌ yana mmas, bbūg ka insallan hamut inawnan mira.

Malkus 16:1

Na paddus jaꞌ Llaw Pahali, kuwan si Mariyam man Magdala ka si Salome ka si Mariyam, yana nneꞌ si Yaꞌkub, lay malli uliꞌ hamut man da ngintu mayat si Isa.

Yahiya 12:3

Mindangoy ko, luu na baw si Mariyam moo katsaꞌ-katsaꞌ insallan hamut inawnan nalda, ga tongaꞌ liter. Pag-anu siꞌ, lay tumpahan na ni battis si Isa boꞌ pinuusan ka dūn kōk na. Na nalda looy ilay tud hagaan batan porol, boꞌ muhag-muhag na bawu na ni sikaliput lumaꞌ looy.

Yahiya 12:7

Dari yuk si Isa ni si Judas, “Pabiyahun na jaꞌ. Danda tuu bitu buwat meꞌ tuu tabilang man na manyapan baran ku duhuꞌ para ni llaw ku kinubu.