Yahiya 19:17 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁷ Lān da lakka, lay gi nohoꞌ pinanangkit ni si Isa tehang halliꞌ man na llansang. Pag-anu siꞌ, lay na sila pōꞌ man daira song pa buntuꞌ ma inawnan Lugar Baung Kōk, bong ni pallun Hibrani, Golgota.

Yahiya 19:17 ပူးပေါင်းရင်းမြစ်များ

Panagnaan 22:6

Pag-anu, kinaddoꞌ na meꞌ si Ibrahim kayu looy halliꞌ man nunu kulban, boꞌ lay sohoꞌ na pinanangkit ni si Isahak. Kuwan iya, lay moo koray ka kalangkapan man malakkot api. Pag-anu siꞌ, lay na sila pawus.

Matiyu 10:38

Maka soysoy doman mmeꞌ niyaku subay atas na manangkit tehang halliꞌ man na nilansang, boꞌ na patuhut niyaku. Hati na, subay atas na lumingkaꞌ njawom jinisan katiksaan ka kabinsanaan san man na matoy kalnaꞌ aku. Bong niyaꞌ, yaꞌ ya tawop inawnan mulit ku.

Matiyu 16:24

Pag-anu, yuk si Isa ni ga mulit na, “Soysoy doman mmeꞌ niyaku subay tikutan na kahandak na bong pin taduwan na jaꞌ kahandak ku. Subay atas na manangkit tehang halliꞌ man na nilansang, boꞌ na patuhut niyaku. Hati na, subay atas na lumingkaꞌ njawom jinisan katiksaan ka kabinsanaan kalnaꞌ aku san man na matoy, boꞌ na kapa-mmeꞌ niyaku.

Matiyu 27:37

Pa jataꞌ man takōk si Isa, luu gi papan bay llansang. Ni papan looy luu suwat man mahati bong oy palkalaꞌ njataꞌ na. Batsahan na, “Ituu itu si Isa, Sultan bangsa Yahudi.”

Malkus 10:21

Na hangat si Isa ngandaꞌ lalla looy, ni kaehe aseꞌ na niiya, yuk na, “Sugaꞌ luu gi sina disu subay pabuwat nu mari yaꞌ na luu kulang nu. Moleꞌ na ko. Paballihan nu na altaꞌ nu boꞌ pagdeanun na jama miskin ballihan na. Bong siꞌ ina ko buwat meꞌ naa, luu na ladjikiꞌ nu mehe ni sulgaꞌ. Pag-lupus, boꞌ nu pabeleng pitu mmeꞌ niyaku.”

Malkus 15:26

Pa jataꞌ man takōk na luu papan bay llansang. Ni papan looy luu suwat man mahati bong oy palkalaꞌ njataꞌ na. Batsahan na, “Ituu itu Sultan bangsa Yahudi.”

Malkus 15:32

Bong siꞌ ina mattan iya Almasi, Sultan bangsa Israil, subay siꞌ duwai na ya man taꞌ tehang naa mari takita tabi kawasa na, boꞌ tabi pitsayaꞌ niiya.” Kuwan ga mundu looy baw siꞌ tu ma bay du llansang haboy ka si Isa, lay du mmeꞌ-mmeꞌ ngaludjum iya.

Malkus 8:34

Pag-anu, lay na baw linganan si Isa baanan ga jama ndooy ka ga mulit na pa mman na boꞌ na halling, “Soysoy doman mmeꞌ niyaku subay tikutan na kahandak na bong pin taduwan na jaꞌ kahandak ku. Subay atas na manangkit tehang halliꞌ man na nilansang, boꞌ na patuhut niyaku. Hati na, subay atas na lumingkaꞌ njawom jinisan katiksaan ka kabinsanaan kalnaꞌ aku san man na matoy, boꞌ na kapa-mmeꞌ niyaku.

Lukas 14:27

Maka soysoy doman mmeꞌ niyaku subay atas na manangkit tehang halliꞌ man na nilansang, boꞌ na patuhut niyaku. Hati na, subay atas na lumingkaꞌ njawom jinisan katiksaan ka kabinsanaan san man na matoy kalnaꞌ aku. Bong niyaꞌ, yaꞌ ya dari mulit ku.

Lukas 23:26

Kuwan si Isa, lay na binoo meꞌ siga sundalu song nilansang taꞌ tehang. Lān da siꞌ pōꞌ man daira magsabtan du baw ka luu disu lalla man Sayrin inawnan si Saymon song paasok pa daira. Pag-anu siꞌ, lay na baw ya pinaggos meꞌ siga sundalu nohoꞌ manangkit tehang si Isa, boꞌ na nohoꞌ patuhut ni si Isa.

Lukas 23:33

Pag takka da taꞌ buntuꞌ inawnan Lugar Baung Kōk, ndooy na man si Isa bay llansang taꞌ tehang. Maka ga mundu looy siꞌ lay na du llansang taꞌ tehang, disu huwin pa kawnan man si Isa, kuwan ilooy disu, huwin pa kayli.

Lukas 23:38

Na pajataꞌ man takōk si Isa luu papan bay llansang, maka luu ka suwat na. Batsahan na, “Ituu itu Sultan bangsa Yahudi.”

Lukas 9:23

Pag-anu, yuk si Isa ni sikamimon jama ndooy, “Soysoy doman mmeꞌ niyaku subay tikutan na kahandak na bong pin taduwan na jaꞌ kahandak ku. Subay atas na manangkit tehang halliꞌ man na nilansang, boꞌ na patuhut niyaku. Hati na, llaw-llaw subay atas na lumingkaꞌ njawom jinisan katiksaan ka kabinsanaan kalnaꞌ aku san man na matoy, boꞌ na kapa-mmeꞌ niyaku.

Yahiya 19:13

Lay jaꞌ siꞌ takale Gubnul Pilatu bay halling da meꞌ looy, lay na boo na si Isa pa poan. Ndooy siꞌ, lai na gubnul ningkōꞌ taꞌ tingkoan man ngahukum ni lugar pinag-awnan Haman Batu Pepan; bong ni pallun Hibrani, Gabbata.

Yahiya 5:2

Ndooy siꞌ, luu poon boheꞌ inawnan Betsata ni pallun Hibrani. Poon boheꞌ looy siꞌ tapit pa disu lawang kutaꞌ daira looy pinag-awnan Lawang Bili-bili. Ni bihing boheꞌ looy siꞌ, luu lima bawung-bawung man jama pasindung.

Salsila siga Rasul 7:58

boꞌ na ginuyud-guyud pa poan daira mari ya tapaglupung-lupungan da hiniyak ka batu. Kuwan ga lalla looy siꞌ ma bay mitnahan si Esteben, lay na ngurusan badjuꞌ da mari sila tumanam ngahiyak. Badjuꞌ da siꞌ, lay nnaꞌ da ni bihing disu lalla ndooy inawnan si Sol.