Yahiya 18:37 - Sabahagiꞌ Kitab Tawrat: Panagnaan ni Awwal Jaman maka Kitab Injil

³⁷ Yuk Gubnul Pilatu baw siꞌ tu, “Bong meꞌ naa, tud sultan du bina hati ko!” Pag halling si Isa, “Kau na du baw bina bay māꞌ aku sultan. Kon ku itu bay pitu pa junyaꞌ ka pinamaddihan supaya ku kapasaplag kabanahan ni manusiyaꞌ. Soysoy doman toon kabanahan, mastiꞌ pakale sina niyaku.”

Yahiya 18:37 ပူးပေါင်းရင်းမြစ်များ

Matiyu 26:64

Iya tampung si Isa niiya, “Meꞌ halling sambat nu na du bilay siꞌ. Maka baan ta kam banahan, luu du sina masa ni sinōng, takita bi Anak Manusiyaꞌ ningkōꞌ huwin pa kawnan man Tuhan Sangat Kawasa. Maka bbos-bbos takita bi du sina ya takka man sulgaꞌ taꞌ tayiꞌ baliyu.”

Matiyu 27:11

Pag luu jaꞌ siꞌ tu si Isa ni awpan Gubnul Pilatu, sinumariya na ya. Tilaw gubnul, “Kau na kina sultan bangsa Yahudi?” Tampung si Isa, “Meꞌ bay halling sambat nu na siꞌ.”

Malkus 14:62

Pag tampung si Isa, “Bana, aku na situ. Maka luu gi sina masa ni sinōng takita bi aku, Anak Manusiyaꞌ, ningkōꞌ huwin pa kawnan ni bihing Tuhan Sangat Kawasa. Maka takita bi du sina ku duwai man sulgaꞌ njawom tayiꞌ baliyu.”

Malkus 15:2

Takka ndooy, tilaw Gubnul Pilatu ni si Isa, “Bana kina kau sultan bangsa Yahudi?” Tampung si Isa, “Meꞌ bay halling sambat nu na siꞌ.”

Lukas 22:70

Pag-anu, yuk da sikamimon, “Ongoy, Anak Tuhan ko kina?” Yuk si Isa, “Meꞌ halling sambat bi na siꞌ.”

Lukas 23:3

Dari tilaw Gubnul Pilatu ni si Isa, “Bana kina sultan bangsa Yahudi ko?” Tampung si Isa, “Meꞌ bay halling sambat nu na siꞌ.”

Yahiya 1:14

Na Palman ilay bay dari manusiyaꞌ sampay lay gi pingkaꞌ magdambuwaꞌ ka kami. Biddaꞌ na ehe aseꞌ na maka bana sadjaꞌ mimon bitsala na. Kami mismu bay kasakup ehe kaayaran na, yana kaayaran Anak tungga ma bay pitu lakka man Mmaꞌ na Tuhan.

Yahiya 1:17

Maruhuꞌ, bay pamuwan Tuhan yana saraꞌ ma bay pinasampay meꞌ Nabi Musa. Pag batnaa, ilooy na baw pamuwan na yana aseꞌ ka kabanahan pinasampay meꞌ si Isa Almasi.

Yahiya 14:6

Tampung si Isa, “Aku na bitu lān na. Damikiyan, aku du kabanahan sampay poonan kaallum. Yaꞌ sina luu takka pa mman Mmaꞌ ku bong saꞌ aku lān tinūs.

Yahiya 3:32

Maka ni kapasal umanat na, binitsala meꞌ na hāl ma bay takita na maka bay takale na ndooy ni sulgaꞌ. Salla na, agon yaꞌ luu pitsayaꞌ niiya.

Yahiya 7:17

Soysoy ina doman mean kahandak Tuhan, malaingkan tasilang na jaꞌ bong tōꞌ ku tud lakka man Tuhan atawa lakka man dī ku sadjaꞌ.

Yahiya 8:14

Pag tampung si Isa, “San bitu dangan-dangan ku jaꞌ mahati pasal dī ku, basta bana jaꞌ mimon bitsala ku. Batan luu katoonan ku pasal dī ku ma yaꞌ katoonan bi. Katoonan ku bong lakka maninggai ku maka paninggai tiluꞌ ku.

Yahiya 8:45

Boꞌ aku tu, pagka kabanahan jaꞌ bitsala ku, yaꞌ kam kuhi pitsayaꞌ niyaku.

Yahiya 8:46

“Doꞌ kam la. Luu kina kam nnaa san lasa disu kapōꞌ buktiꞌ bay ku buwat dusa? Pagka kabanahan jaꞌ bitsala ku, ongoy baw taggahaꞌ yaꞌ kam kuhi pitsayaꞌ niyaku?

Yahiya 8:47

Bong ina jama sabana-bana sukuꞌ Tuhan, mastiꞌ gāk jaꞌ ya pakale ni umanat Tuhan. Boꞌ kaam itu, yaꞌ kam doman pakale sabap saꞌ kam sukuꞌ Tuhan.”

1 Timuti 6:13

Na Timuti, ni mata Tuhan ma makallum labbasakayi ka ni mata si Isa Almasi ma bay nawakka mōꞌ kabanahan bong soy ya ni awpan Gubnul Puntus Pilatu, ituu halap ku ningkau:

1 Pitel 1:22

Na pagka lay na du kam mmeꞌ ni tōꞌ sabanna, pasutsiꞌ na pin sina pangatayan bi. Sangkon pakutuun bi na meꞌ bi sikaaseꞌ-kaaseꞌ. Maka subay hilas aseꞌ bi meꞌ karuha jama magdanganakan.

1 Yahiya 2:21

Dari aku tu nuwat ningkaam, saꞌ ga sabap meꞌ ku mista awam kam ni kabanahan pasal Almasi. Tabista ku du katoonan bi kabanahan. Maka katoonan bi du tiyap-tiyap dustaꞌ, yaꞌ luu kabigiꞌ-bigian na ni kabanahan.

1 Yahiya 3:14

Kitabi itu, katoonan tabi na lay na kitabi pinaddusan man katiksaan nyawa, sampay lay na tabi koleꞌ kaallum bahau sabap maaseꞌ na kitabi ni siga pagkahi tabi. Sugaꞌ soysoy ina yaꞌ maaseꞌ, tumatandaꞌ masi tiksaꞌ nyawa na.

1 Yahiya 3:19

Bong ina kita maaseꞌ ni pagkahi ta manusiyaꞌ, inaa na man ta toon tud mmeꞌ kita ni kabanahan. Dari sannang atay ta pa Tuhan sabap katoonan ta pabuwatan ta nulut ni kahandak na.

1 Yahiya 4:6

Boꞌ kitabi baw tu, anak Tuhan na kitabi. Sangkon bong ina bana-bana jama toon Tuhan, mastiꞌ pakale jaꞌ ningkitabi. Sugaꞌ kuwan sagannap ma saꞌ sukuꞌ Tuhan, yaꞌ sina doman pakale ningkitabi. Dari inaa na sina man tabi mindoga bong soy pinagbayaan meꞌ Rū Sutsiꞌ ma malahil kabanahan maka soy pinagbayaan meꞌ Ibilis ma magsian jama.

1 Yahiya 5:20

Damikiyan, katoonan tabi na du luu na bay pitu Anak Tuhan pa junyaꞌ. Maka lay na ya muwanan kitabi pangahati supaya dari na kitabi lungbid ka Tuhan sabanna. Pag batnaa tibuuk na kitabi ka Tuhan sabanna sabap meꞌ tabi tibuuk na ka Anak na si Isa Almasi. Iya ina Tuhan sabanna maka poonan kasampulnaan nyawa ma yaꞌ luu katapusan na.

Siga Pakaradjaan bay Pinalahil 1:4

Ituu tu si Yahiya nuwat pa mman siga baanan sukuꞌ si Isa ni pituꞌ daira nnaa ni Asiya. Kamura-murahan binuwanan na pin kam kasannangan maka barakat meꞌ Tuhan sabanna, ilooy ma ndang luu na man maruhuꞌ-ruhuꞌ ngabut batnaa sampay saumu ni sinōng. Maka kamura-murahan binuwanan na pin kam kasannangan ka barakat meꞌ ilooy ma ginalla Rū Sikapituꞌ, yana Rū Tuhan ma luu na pin ni awpan paningkoan man Tuhan ningkōꞌ marinta.

Siga Pakaradjaan bay Pinalahil 3:14

Pasunuꞌ, yuk na niyaku, “Nuwat gi ko pilay pa mman pa-mmean looy ma ngantanan baanan sukuꞌ ku ndooy ni Leyodisiya. Bong ko nuwat, yuk nu meꞌ tuu, “Bitsala tuu lakka man ilooy ma ginalla Amin, yana ilooy ma kanaalla maka taasahan masampay kabanahan pasal Tuhan. Iya na sina man Tuhan bay mapayak mimon-mimon. Yuk na meꞌ tuu,