Yahiya 18:32 - Sabahagiꞌ Kitab Tawrat: Panagnaan ni Awwal Jaman maka Kitab Injil

³² Dari sabap meꞌ looy siꞌ, song binakbul na bay tunaꞌ si Isa pasal jalan man na matoy.

Yahiya 18:32 ပူးပေါင်းရင်းမြစ်များ

Matiyu 20:19

Pag-anu, boꞌ ku pina-ntan na baw ni bangsa Rom binuwat kalabbiyan, boꞌ llagpiꞌ ka llansang gi taꞌ tehang sampay matoy. Sugaꞌ pag ina mintu taabut ni katallu ngallaw, pinakallum du ku.”

Matiyu 26:2

“Ndang katoonan bi na du, njawom duwa ngallaw taabut na paballangan Ngalingkaꞌ. Ni waktu looy ilay mintu sinungkuban na Anak Manusiyaꞌ boꞌ llansang taꞌ tehang sampay matoy.”

Malkus 10:33

yuk na, “Pakale kam. Kitabi itu patukad na pa Jerusalem. Ndooy ilay mintu, pina-ntan na ku, Anak Manusiyaꞌ, ni siga imam langkaw ka ga guru saraꞌ agama, boꞌ ku binotangan hukuman kapatoy. Pag-anu, boꞌ ku pina-ntan na baw ni bangsa Rom

Yahiya 10:31

Pag takale siga Yahudi meꞌ looy, ilooy ma lay na baw sila balik mūt batu man mapatoy iya.

Yahiya 10:33

Pag tampung siga jama looy siꞌ, “Saꞌ bina ga pabuwatan mahap man kami doman ngahiyak kau, arapun sabapan bitsala nu siꞌ ma bay pangka pa Tuhan. Batan kau bina manusiyaꞌ jaꞌ ko, sugaꞌ tatammu nu na baw ga buwat dī nu Tuhan!”

Yahiya 13:18

Yuk si Isa lagi, “Kaam ina ma bay peneꞌ ku, saliꞌ-saliꞌ katoonan ku arat-tabiat bi. Sangkon ku kabāꞌ luu situ kam disu niyaꞌ koleꞌ supaat ma bay awnan ku siꞌ. Batan binakbul na sina mintu njataꞌ na tunaꞌ looy njawom kitab, ilooy ma yuk na, ‘Lalla ma soheꞌ ku sawu mangan song nipu aku.’

Yahiya 18:31

Yuk Gubnul Pilatu, “Boonun bi na ba bbeleng. Kaam sa ngahukum iya ni lanan saraꞌ bi.” Sugaꞌ tampung siga pa-mmean Yahudi baw siꞌ tu, “Yaꞌ baw bilay kami pinadari meꞌ parinta bi mapatoy jama.”

Yahiya 21:19

Ngkon si Isa bay mitsala meꞌ looy man na makitau bong pooy karuha kapatoy si Pitel ni sinōng, pamaehe bantug pa Tuhan. Paddus meꞌ looy siꞌ, yuk na ni si Pitel, “Mmeꞌ ko niyaku.”

Yahiya 3:14

Maka yuk si Isa, “Bay jaman Nabi Musa ka bangsa tabi ndooy ni lahat lau-lau yaꞌ maglumaꞌ, meka sila bay pinagtinduk meꞌ siga sō latsunan. Maka katoonan nu du, bbuwatan Nabi Musa, lay buwat sō tumbagaꞌ, boꞌ siniitan ni tōng tigablok. Pag-anu, boꞌ inangkat meꞌ na pa jataꞌ. Dari soysoy bay tininduk, bong sila ngahangad sō tumbagaꞌ looy, mastiꞌ kaulian jaꞌ sila. Damikiyan Anak Manusiyaꞌ pun, talpaksaꞌ du sina mintu inangkat taꞌ tehang ni mayran

Yahiya 8:28

Dari yuk si Isa ninsila, “Pag ina mintu taabut na Anak Manusiyaꞌ inangkat meꞌ bi taꞌ tehang, ndooy na sina mintu bohoꞌ tasayu bi aku na Almasi. Maka ndooy na du bohoꞌ tabista bi yaꞌ ku buwat oy maka oy na lakka man pamiki ku dī ku, arapun bean ku jaꞌ sohoꞌ Mmaꞌ ku. Damikiyan, iya du maan aku bong oy bitsala subay pōꞌ ku.

Salsila siga Rasul 7:59

Sasang da ngahiyak si Esteben, ilooy ma lay ya ngingan, yuk na, “Ū Papuꞌ Isa, sambutun na nyawa ku.”

Galatiya 3:13

Boꞌ kitabi itu, ndang katoonan tabi na mimon manusiyaꞌ ngalangga saraꞌ Tuhan. Sangkon pataꞌ kitabi minulkaan bbos-bbos. Lipara, luu na Almasi bay nongan umu na llansang taꞌ tehang supaya tapaddusan na na kitabi man mulkaꞌ Tuhan. Iya ilay gantiꞌ tabi minulkaan. Boꞌ magbēꞌ du silay ka suwat njawom kitab, ilooy ma yuk na, “Soysoy pinapatoy siniitan taꞌ tehang, tumatandaꞌ lay minulkaan meꞌ Tuhan.”