Yahiya 18:3 - Sabahagiꞌ Kitab Tawrat: Panagnaan ni Awwal Jaman maka Kitab Injil

³ Dari lay du si Judas luꞌ pilay moo baanan sundalu ka ga tukang jaga langga ma bay sinohoꞌ meꞌ siga imam langkaw ka ga Parisi. Sila siꞌ bay pilay ddas ka paliyatut da ka siga pakakas da.

Yahiya 18:3 ပူးပေါင်းရင်းမြစ်များ

Matiyu 25:1

Yuk si Isa lagi, “Pag beleng Anak Manusiyaꞌ pa junyaꞌ magsultan, meꞌ tuu karuha na: Luu budjang sapū kaniya-kaniya ka palitaan da lay pōꞌ sangom nampang pangantin ma lalla.

Yahiya 13:2

Sugaꞌ san meꞌ looy na siꞌ aseꞌ si Isa, luu gi disu mulit na bay kabuwanan pamiki meꞌ Ibilis nipu iya. Mulit looy ilay siꞌ yana si Judas, anak si Saymon Iskariyut. Pag taabut deꞌ kohap, lay na ga si Isa mangan ka ga mulit na.

Yahiya 18:12

Pag-anu siꞌ, lay na si Isa sinungkuban meꞌ baanan ga sundalu looy ka kapitan da sampay siga tukang jaga ma lakka man siga pa-mmean Yahudi. Pag-anu, boꞌ na iningkotan.

Yahiya 18:18

Na kuwan siga tindog ndooy ka ga tukang jaga langga, lay bay makallum api boꞌ da nangge ndooy mapasuꞌ-pasuꞌ baran da sabap tanne lahat. Si Pitel pun lay du palamud ndooy mapasuꞌ-pasuꞌ baran na.

Yahiya 18:22

Lay jaꞌ siꞌ si Isa mitsala meꞌ looy, ilooy ma lay ya tinampa meꞌ disu tukang jaga ma lundooy ni bihing na. Maka yuk tukang jaga looy, “Pataꞌ kina meꞌ naa meꞌ nampungan panghuluꞌ imam?”

Yahiya 19:6

Takita jaꞌ siꞌ si Isa meꞌ siga imam langkaw ka ga tukang jaga, ilooy ma maghowapan na baw sila, yuk da, “Lansangun na ba! Lansangun na taꞌ tehang!” Sugaꞌ yuk Gubnul Pilatu, “Boonun bi na ba bbeleng. Kaam sa ngalansang. Boꞌ aku itu, basta yaꞌ luu tatammu ku kasaan na.”

Yahiya 7:32

Pag lay tasayu meꞌ siga Parisi ga jama ndooy maghigung-higungan si Isa meꞌ looy, bbuwatan da ka ga imam langkaw ndooy lay nohoꞌ siga tukang jaga langga nungkuban si Isa.

Salsila siga Rasul 1:16

“Siga danganakan, subay situ kitabi isun bong soy peneꞌ tabi gantiꞌ ni si Judas. Ndang katoonan bi na du, si Judas pun lay du pineneꞌ meꞌ si Isa binuwat rasul na sibuꞌ du ka kami. Boꞌ lay du ya tabeꞌ ni pabuwatan ma bay sinukuꞌ ningkami saliꞌ-saliꞌ. Sugaꞌ ndang katoonan bi na du, maruhuꞌ-ruhuꞌ Nabi Daud bay nunaꞌ njawom kitab man kapandoyan Rū Sutsiꞌ pasal disu lalla ma nipu Almasi ni sinōng. Na tiyap-tiyap tunaꞌ nabi ina, mastiꞌ binakbul jaꞌ. Boꞌ lai na du bana binakbul tunaꞌ looy siꞌ njataꞌ si Judas waktu na bay moo jama nungkuban si Isa.

Salsila siga Rasul 10:1

Na jaman looy du siꞌ, luu disu lalla bangsa Rom inawnan si Kolniliyus ndooy ni Sesariya. Iya ilay disu kapitan baanan sundalu inawnan Batalyon Italiyano.