Yahiya 18:28 - Sabahagiꞌ Kitab Tawrat: Panagnaan ni Awwal Jaman maka Kitab Injil

²⁸ Pag deꞌ subu, lay na baw si Isa binoo meꞌ siga pa-mmean Yahudi lakka man lumaꞌ Imam Kayapas pa astanaꞌ Gubnul Pilatu. Sugaꞌ yaꞌ sila kuhi paasok sabap njawom saraꞌ agama da, bong sila nabbaꞌ ni lumaꞌ jama saꞌ Yahudi, katamak ninsila, sampay yaꞌ na sila kapalamud mmeꞌ mangan ni paballangan Ngalingkaꞌ.

Yahiya 18:28 ပူးပေါင်းရင်းမြစ်များ

Matiyu 27:27

Pag binoo si Isa leꞌ siga sundalu gubnul pa jawom kampu da, lay tawag da mimon pagkahi da sundalu sampay liput na si Isa meꞌ da.

Malkus 15:16

Pag-anu siꞌ, lay na si Isa binoo meꞌ siga sundalu looy pa jawom haman astanaꞌ gubnul. Takka ndooy, lay tinawag meꞌ da mimon pagkahi da sundalu nohoꞌ kumpo ndooy.

Lukas 22:66

Pag sayu, luu na kumpo-kumpo baanan ga pa-mmean agama ma ngantanan kapatut ngahukum inawnan Sanhidrin. Njawom baanan da, luu siga imam langkaw ka ga guru saraꞌ agama. Dari lay na si Isa binoo pa awpan da sinumariya.

Yahiya 11:55

Na song hallom, tapit na baw pabalik paballangan bangsa Yahudi, yana paballangan Ngalingkaꞌ. Dari meka jama man kadilehan luꞌ pilay pa Jerusalem yaꞌ gi bay nagnaꞌ paballangan looy. Bbuwatan da siꞌ ngikut arat agama da mandi doꞌ duhuꞌ supaya sila sutsiꞌ ni paballangan looy.

Yahiya 18:13

Pag lupus, lay doꞌ ya duhuꞌ binoo pa lumaꞌ Imam Annas, yana bay panghuluꞌ imam sibuwa. Imam Annas ilay matoa Imam Kayapas. Kuwan Imam Kayapas, panghuluꞌ imam ni taun looy.

Yahiya 18:15

Na si Saymon Pitel siꞌ tu ka disu pagkahi na mulit, luu na pin patuhut ni ga si Isa sa lawak-lawak da na. Pag taabut jaꞌ ni haman Imam Annas, kuwan soheꞌ si Pitel, lay mmeꞌ pawus paasok sabap sikabiyasa ya ka panghuluꞌ imam.

Yahiya 18:33

Pag-anu, lay na siꞌ pabeleng Gubnul Pilatu pa jawom astanaꞌ, boꞌ na nohoꞌ si Isa binoo pa mman na. Luu jaꞌ siꞌ, yuk Gubnul niiya, “Bana kina kau sultan bangsa Yahudi?”

Yahiya 18:39

Sugaꞌ pagka biyasa na du kam pinoan meꞌ ku disu pilisu taun-taun taabut paballangan Ngalingkaꞌ, pooy bong sultan bangsa Yahudi tuu na pōꞌ ku ningkaam?”

Yahiya 19:11

Pag tampung si Isa, “Yaꞌ bina luu tapabuwat nu oy maka oy na niyaku bong siꞌ saꞌ Tuhan bay muwanan kau kapatut. Ni hāl aku pinakaat batnaa, saꞌ du kau bay bagaraꞌ. Sangkon siga jama ma bay ma-ntan aku pa mman nu, mas mehe gi dusa da man ningkau.”

Yahiya 19:14

Na waktu looy ilay siꞌ, agaꞌ tangngaꞌ llaw ni llaw man bangsa Yahudi manyap halliꞌ ni paballangan Ngalingkaꞌ. Pag-anu, yuk Gubnul ni siga Yahudi, “Atu na sultan bi.”

Yahiya 19:9

Dari lay na baw boo na si Isa pa jawom astanaꞌ na pabalik. Lay jaꞌ siꞌ ndooy, yuk na ni si Isa, “Lakka maninggai doꞌ ko itu?” Sugaꞌ si Isa siꞌ tu, yaꞌ san nampung.

Salsila siga Rasul 10:28

Dari yuk na ninsila, “Kaam ma luntuu, katoonan bi du, tagga ni saraꞌ agama kami Yahudi maglaw-lamud atawa paasok pa jawom lumaꞌ bangsa sarī. Sugaꞌ bahau jaꞌ situ bay pinakitau meꞌ Tuhan niyaku subay ku yaꞌ ngitung soy maka soy na manusiyaꞌ haram.

Salsila siga Rasul 10:32

‘Batnaa nohoꞌ ko jama pilay pa Joppa ngaddoꞌ si Saymon ma pinag-awnan du si Pitel. Lay silay ya ndooy ni lumaꞌ disu jama inawnan du si Saymon, yana tukang ngintu kuwit hayop. Lumaꞌ na ilay ni bihing tapiyan.’

Salsila siga Rasul 11:3

“Ongoy taggahaꞌ ko bay paasok pa jawom lumaꞌ jama ma yaꞌ san bay inislam? Boꞌ lay gi ko mmeꞌ paharung mangan ninsila.”

Salsila siga Rasul 3:13

Saꞌ situ man kami, arapun man kawasa Tuhan ma bay inisbat meꞌ Nabi Ibrahim, Nabi Isahak, Nabi Yaꞌkub sampay na kabboꞌ-bboan tabi kasohean. Tuhan ilay siꞌ bay ngulian lalla tuu man na muwan kabantugan mehe ni si Isa, lalla ma wā ngasip ni kahandak Tuhan. Ilooy na silay Isa ma bay pa-ntan bi pa mman Gubnul Pilatu sinohoꞌ pinapatoy. San ya adak na bay paddusan Gubnul Pilatu, lay gi sinaggaꞌ meꞌ bi.

Salsila siga Rasul 4:27

“Dari batnaa Tuhan, tumatandaꞌ na ningkami, lay na du bana binakbul tunaꞌ looy siꞌ. Batan pag lahil tukang nalamat ma bay peneꞌ nu pa junyaꞌ, yana si Isa, sosohoan nu ma sutsiꞌ, lay du ya bana sinulang meꞌ Sultan Herod ka Gubnul Puntus Pilatu. Maka meka gi Yahudi sampay siga saꞌ Yahudi ni daira tuu lay du magtaayun nulang iya.