Yahiya 18:17 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁷ Sugaꞌ halling danda looy siꞌ ni si Pitel, “Yaꞌ ko kina tabeꞌ ni baanan mulit lalla naa ma bay tasungkub?” Pag tampung si Pitel, “Niyaꞌ ba.”

Yahiya 18:17 ပူးပေါင်းရင်းမြစ်များ

Matiyu 26:33

Pag-anu, yuk si Pitel niiya, “Minsan sikamimon ngambanan kau Tuwan, bong aku, basta yaꞌ baw ku kuhi ngamban.”

Lukas 22:54

Pag-anu, lay na sungkuban da si Isa boꞌ na binoo pa lumaꞌ panghuluꞌ imam. Kuwan si Saymon Pitel, luu na pin patuhut man katāhan.

Yahiya 18:16

Sugaꞌ si Pitel, lay jaꞌ ngagad ni poan lawang paga. Dari soheꞌ na, ilooy ma sikabiyasa ka panghuluꞌ imam, lay pōꞌ muhun man disu danda ndooy tukang jaga lawang bong dari si Pitel binoo paasok. Dari lay na ya pinaasok.

Yahiya 18:25

Balik ta pa si Saymon Pitel, sasang na masi nangge mapasuꞌ-pasuꞌ baran na, luu na baw kasohean nilaw, yuk da, “Yaꞌ kina ko siꞌ bay tabeꞌ ni baanan mulit lalla looy?” Bbuwatan si Pitel baw siꞌ tu, maylu balik, yuk na, “Niyaꞌ ba.”

Yahiya 18:5

Pag tampung da, “Si Isa, lalla looy man Nasaret.” Yuk si Isa baw siꞌ tu, “Aku na bitu.” Na kuwan si Judas siꞌ tu ma bay nipu iya, luu na du nangge ni bihing baanan sundalu ndooy.

Yahiya 18:8

Yuk si Isa baw siꞌ tu, “Bay na siꞌ kam bilay baan ku, aku na iya. Sugaꞌ bong tud aku du piha bi, daa jaꞌ lapisun bi ga soheꞌ ku.”

Yahiya 21:15

Lupus jaꞌ siꞌ sila bay mangan, yuk si Isa ni si Saymon Pitel, “Saymon, anak si Yahiya, lumabi du kina aseꞌ nu niyaku man ni siga soheꞌ nu?” Yuk si Pitel baw siꞌ tu, “Ohoꞌ Papuꞌ, katoonan nu du kaasean ta ko.” Yuk si Isa, “Bong meꞌ naa, pakanun sa siga bili-bili ku.”

Salsila siga Rasul 12:13

Pag tugtug si Pitel lawang, luu disu tindog danda inawnan si Roda bay pilay ngandaꞌ bong soy.