Yahiya 17:9 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁹ “Batnaa pakuhan ku na sila duwaa ningkau. Yaꞌ na ku ngalapis jama sarī. Ituu jaꞌ pakuhan ku sagannap ma bay hinalap meꞌ nu niyaku sabap sila sukuꞌ nu.

Yahiya 17:9 ပူးပေါင်းရင်းမြစ်များ

Lukas 22:32

Boꞌ kau na sina Saymon tiniluꞌ banahan meꞌ na. Kamasaꞌ lay na du silay siꞌ ko pakuhan ku duwaa supaya yaꞌ lungay pangando nu niyaku. Sugaꞌ san meꞌ looy, masi du sina ku tikutan nu samantalaꞌ. Sugaꞌ pag lay jaꞌ ko ina mintu nawbat sampay pabeleng pa mman ku, paintoman nu sa siga danganakan nu mari pataggu iman da.”

Lukas 23:34

Pag-anu, lay si Isa maku duwaa, yuk na, “Maꞌ, ampunun doꞌ sila batan yaꞌ tasayu da bong oy pabuwat da.” Kuwan ga sundalu ndooy, lay pinagsarī-sarī meꞌ da pakayan si Isa, boꞌ pinagkimbuan meꞌ da bong mamooy sukuꞌ ni dangan.

Lukas 8:34

Pag takita meꞌ siga tukang ngipat bawi looy meꞌ looy, magti sila sonse pa jawom daira sampay pa siga kawum ni bihing na nuntutan jama mimon ma bay tasakup da.

Yahiya 14:16

San ku itu palakka, pakuhan ta sa kam man Mmaꞌ ku disu Tukang Nabang, gantiꞌ ku, nohoꞌ pinapitu. Iya ina mintu tattap dambuwaꞌ ka kaam saumu.

Yahiya 17:2

Lay na ku buwanan nu kapatut ni jataꞌ mimon manusiyaꞌ supaya ku kabuwan kasampulnaan nyawa ma yaꞌ luu katapusan na ni sagannap ma bay hinalap meꞌ nu niyaku.

Yahiya 17:20

“Batnaa tu, sarī man siga mulit ku ituu, pakuhan ku na du duwaa sampay mimon ni sinōng ma pitsayaꞌ niyaku sabapan tōꞌ da.

Yahiya 17:6

“Lay na du situ ku bay malahil arat-tabiat nu ni siga jama ma bay hinalap meꞌ nu niyaku. Meꞌ sila ndang sukuꞌ nu ma bay pa-ntan nu niyaku, lay na du kinanna meꞌ da palman nu.

Yahiya 6:37

Sugaꞌ sagannap ma bay sinukuꞌ leꞌ Mmaꞌ ku niyaku, mastiꞌ mmeꞌ jaꞌ sina niyaku. Boꞌ na, sagannap ma mmeꞌ niyaku, yaꞌ sina luu tuwak ku.

Yahiya 6:39

Kahandak na ina, subay ayaran ku sagannap ma bay sinukuꞌ meꞌ na niyaku mari yaꞌ hilang san disu man jawom okoman ku. Batan kahandak Mmaꞌ ku subay mimon ma pitsayaꞌ sampay mangando ni Anak na binuwanan kasampulnaan nyawa ma yaꞌ luu katapusan na. Dari san sila matoy, pag taabut llaw dambuli, pakallum ku du sila pabalik.”

Hibrani 7:25

Sangkon, tapajatu na na banahan nalamat sagannap ma doman mahap na pa Tuhan, basta sila pitsayaꞌ jaꞌ niiya. Iya ilay llum saumu-umu maka wā ya makuhan sila timbang pa Tuhan.

Hibrani 9:24

Sangkon na ilay lahaꞌ Almasi na bay tumpa. Pag-anu, lay na ya paasok pa jawom sulgaꞌ. Pag batnaa, ndooy na ya ni awpan Tuhan kalnaꞌ kitabi. Yaꞌ na ya bay paasok ni langga bay pinatangge meꞌ manusiyaꞌ meꞌ ilooy ma bay asok panghuluꞌ imam mattoꞌ. Batan langga looy ilay sipat sadjaꞌ ni Lugar Pinakasutsiꞌ ni sulgaꞌ.

1 Yahiya 5:19

Maka katoonan tabi du san mimon manusiyaꞌ ma yaꞌ pitsayaꞌ ni si Isa lay na takawum leꞌ Ibilis, bong kitabi, niyaꞌ na, batan sukuꞌ Tuhan na kitabi.

Siga Pakaradjaan bay Pinalahil 12:9

Sampay lay na sila hiniyakan pa junyaꞌ. Na naga mehe looy ilay siꞌ, yana sō looy na ni awwal jaman ma pinag-awnan Ibilis atawa panghuluꞌ seytan. Iya ilay tukang magsian manusiyaꞌ ni sikaliput junyaꞌ.

Siga Pakaradjaan bay Pinalahil 13:8

Dari dak mimon na manusiyaꞌ taꞌ babaw junyaꞌ numba sattuwa looy na. Ilooy du yaꞌ numba iya yana sagannap ma lay na sinuwatan awon da njawom Būk Kaallum man ngalista awon sagannap ma luu kasampulnaan nyawa da saumu-umu. Awon da ilay ndang lay na sinuwatan njawom būk looy labba man kapayak junyaꞌ. Ilooy ma dapu būk looy yana Bili-bili looy ma bay pingkaꞌ pinapatoy.