Yahiya 17:6 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁶ “Lay na du situ ku bay malahil arat-tabiat nu ni siga jama ma bay hinalap meꞌ nu niyaku. Meꞌ sila ndang sukuꞌ nu ma bay pa-ntan nu niyaku, lay na du kinanna meꞌ da palman nu.

Yahiya 17:6 ပူးပေါင်းရင်းမြစ်များ

Yahiya 1:18

Na inawnan Tuhan, yaꞌ bay pingkaꞌ takita leꞌ manusiyaꞌ. Sugaꞌ lay na baw ya pinalahil ningkitabi meꞌ Anak tungga na, yana Tuhan du ma tattap njawom atay Mmaꞌ na.

Yahiya 12:28

Dari yuk na pa Tuhan, “Maꞌ, ilooy jaꞌ pabuwatun niyaku ma moo kabantugan ni awon nu.” Pag-anu siꞌ, ilooy ma pōꞌ suwara man sulgaꞌ nampungan iya, yuk na, “Ndang lay na situ ku koleꞌ kabantugan njataꞌ nu. Boꞌ koleꞌ gi ku sina mintu kabantugan njataꞌ nu pabalik.”

Yahiya 15:19

Bong siꞌ baw kam ina masi dambuwaꞌ mukalnaꞌ ka sila, malaingkan kinaasean kam meꞌ da. Sugaꞌ pagka lay na kam pasakkat sabap meꞌ bi bay pineneꞌ meꞌ ku binuwat sukuꞌ ku, inaa na poonan man da lammis ningkaam.

Yahiya 15:3

Na kuwan siga engas looy ilay siꞌ ma bay pingkaꞌ llassahan, tuwaꞌ pa kaam. Kon meꞌ looy batan sutsiꞌ na kam sabap lay na kam pitsayaꞌ ni umanat ma bay bāꞌ ku ningkaam.

Yahiya 15:7

Sugaꞌ basta kam langkit ka aku boꞌ kanna bi du bitsala ku, oy-oy paku bi man Mmaꞌ ku, basta nduwan jaꞌ du sina kam.

Yahiya 17:12

Halloman ku dambuwaꞌ ka sila, bay sila tabangan ku supaya sila kanaalla ni awon nu, yana awon ma bay dean nu aku. Lay sila jagahan ku paayad supaya yaꞌ luu ninsila hilang man jawom okoman ku sarī man ilooy disu ma bahagiꞌ nalkaꞌ. Kamasaꞌ, talpaksaꞌ jaꞌ silay magkadarihan meꞌ looy supaya binakbul bay suwat njawom kitab.

Yahiya 17:14

Umanat nu lay na pasampay ku ninsila. Dari batnaa, kinalammisan na sila meꞌ sagannap ma yaꞌ pitsayaꞌ niyaku. Kon meꞌ looy batan meꞌ aku na du sila, saꞌ sukuꞌ junyaꞌ tuu.

Yahiya 17:16

Sila itu meꞌ aku na du, saꞌ sukuꞌ junyaꞌ tuu.

Yahiya 17:2

Lay na ku buwanan nu kapatut ni jataꞌ mimon manusiyaꞌ supaya ku kabuwan kasampulnaan nyawa ma yaꞌ luu katapusan na ni sagannap ma bay hinalap meꞌ nu niyaku.

Yahiya 17:24

“Maꞌ, kainagon ku sila ma bay halap nu niyaku wā dambuwaꞌ ka aku. Meꞌ looy ilay, takita da na ehe kabantugan ku, yana kabantugan bay pamuwan nu niyaku sabap ndang kakasi nu ku yaꞌ gi bay pinapayak junyaꞌ.

Yahiya 17:26

Lay na ku malahil arat-tabiat nu ninsila. Boꞌ darahan ku na pin situ supaya aseꞌ da ni pagkahi da meꞌ aseꞌ nu du niyaku, maka supaya luu na pin ku njawom atay da.”

Yahiya 17:7

Dari pag batnaa katoonan da na mimon pabuwatan ku ka tōꞌ ku lakka mman nu.

Yahiya 18:9

Dari pagka lay sila kuhi, lay na binakbul bay bitsala si Isa pa Tuhan, ilooy ma yuk na, “Sagannap ma bay hinalap meꞌ nu niyaku, yaꞌ luu bay hilang.”

Yahiya 6:37

Sugaꞌ sagannap ma bay sinukuꞌ leꞌ Mmaꞌ ku niyaku, mastiꞌ mmeꞌ jaꞌ sina niyaku. Boꞌ na, sagannap ma mmeꞌ niyaku, yaꞌ sina luu tuwak ku.

Yahiya 6:39

Kahandak na ina, subay ayaran ku sagannap ma bay sinukuꞌ meꞌ na niyaku mari yaꞌ hilang san disu man jawom okoman ku. Batan kahandak Mmaꞌ ku subay mimon ma pitsayaꞌ sampay mangando ni Anak na binuwanan kasampulnaan nyawa ma yaꞌ luu katapusan na. Dari san sila matoy, pag taabut llaw dambuli, pakallum ku du sila pabalik.”

Yahiya 8:51

Baan ta kam banahan, soysoy ina bay nganna bitsala ku, yaꞌ na sina sitammu ka kapatoy.”

Yahiya 8:52

Dari yuk siga Yahudi, “Oy na ko na? Batnaa mangkin bohoꞌ na bina tumatandaꞌ ningkami tud sineytan du ko! San baw bay jaman Nabi Ibrahim sampay na ga kanabi-nabihan bay du pingkaꞌ matoy. Boꞌ kau baw tu, magsambatan gi ko basta jama bay nganna bitsala nu, niyaꞌ na sitammu ka kapatoy!

Salsila siga Rasul 13:48

Na pag takale jaꞌ meꞌ sagannap ma saꞌ Yahudi bitsala si Pol, tud bay gāk sila sampay lay na ga sila mudji Tuhan. Dari sagannap ma ndang bay pineneꞌ meꞌ Tuhan binuwanan kasampulnaan nyawa ma yaꞌ luu katapusan na, lay na du pitsayaꞌ ni si Isa.

Suwat si Pol pa mman Baanan Sukuꞌ si Isa ndooy ni Rom 11:2

Sangkon tumatandaꞌ na Tuhan yaꞌ bay nikutan bangsa ma bay peneꞌ na sukuꞌ na maruhuꞌ. Intomun bi doꞌ ilooy ma bay sinuwatan njawom kitab meꞌ bay jaman Nabi Eliyas. Lay ya masamba pa Tuhan kalaatan siga pagkahi na bangsa Israil, yuk na,

2 Korin 4:6

Na jaman junyaꞌ ilay bay pinapayak, lay Tuhan nohoꞌ dantaꞌ ninag njawom lindom. Pag batnaa, sibuꞌ du ka lay balikan na batan lay na baw ya marantaan pamiki tabi. Dari tahati tabi na ehe kaayaran na man sabapan pabuwatan na bay mapitu si Isa Almasi pa junyaꞌ.

Kolossa 3:16

Kannahun bi banahan mimon tōꞌ Almasi. Maka pakoyun bi na pangahati ma bay dean Tuhan ningkaam man bi sitoꞌ-tōꞌ atawa pun sipaintom-paintom. Maka ngalang kam siga kalangan pudji pa Tuhan meꞌ sapantun kalangan man jawom Kitab Jabul atawa kalangan sarī ma kasulut ni Tuhan tandaꞌ mehe meꞌ bi magsuku niiya.

2 Timuti 1:13

Na Timuti, bila ko noan jama, amay-amay daa sihinan nu san dangkitiꞌ tōꞌ sabanna ma bay takoleꞌ nu man ku. Maka meꞌ kau tibuuk na ka si Isa Almasi, subay tattap pangando nu niiya. Maka subay du tattap aseꞌ nu ni siga pagkahi nu manusiyaꞌ.

Hibrani 2:12

Buktiꞌ na, luu njawom kitab bay halling na ni Mmaꞌ na, ilooy ma yuk na, “Baan ku siga danganakan ku pasal ehe kaayaran nu. Bila kami kumpo-kumpo, ngalang ku siga kalangan pudji ningkau.”

Hibrani 3:6

Boꞌ Almasi baw ilay, saꞌ ya tindog meꞌ karuha Nabi Musa, arapun iya ilay tud Anak Tuhan mismu kanaalla magtakōk ni siga jama lumaꞌ Mmaꞌ na. Boꞌ kitabi na situ initung jama lumaꞌ Tuhan basta tattap jaꞌ pangando tabi ni Almasi, maka basta yaꞌ jaꞌ kitabi jamu ngagad ni mimon ma bay njanjiꞌ meꞌ Tuhan ni siga sukuꞌ na.

1 Pitel 1:1

Ituu itu aku, si Pitel, disu rasul si Isa Almasi. Itu suwat ku pa mman bi ma bay pineneꞌ meꞌ Tuhan, yana kaam ma sampi ni junyaꞌ tuu magkanatan nnaa ni Pontus, ni Galatiya, ni Kapadosiya, ni Asiya sampay ni Bitiniya.

1 Yahiya 5:20

Damikiyan, katoonan tabi na du luu na bay pitu Anak Tuhan pa junyaꞌ. Maka lay na ya muwanan kitabi pangahati supaya dari na kitabi lungbid ka Tuhan sabanna. Pag batnaa tibuuk na kitabi ka Tuhan sabanna sabap meꞌ tabi tibuuk na ka Anak na si Isa Almasi. Iya ina Tuhan sabanna maka poonan kasampulnaan nyawa ma yaꞌ luu katapusan na.

Siga Pakaradjaan bay Pinalahil 2:13

“Kaam ina, katoonan ku du maglahat kam ni lahat ma pinagbayaan meꞌ Ibilis. Sugaꞌ tumatandaꞌ masi gi du baw kam tattap mmeꞌ niyaku. Yaꞌ du bay labbahan bi pangando bi niyaku san lay na tasakup bi si Antipas, yana sosohoan ku ma kanaalla, bay pinapatoy nnaa ni daira bi ma kinomkoman meꞌ Ibilis.

Siga Pakaradjaan bay Pinalahil 3:10

Pagka kam tattap mean bitsala ku nohoꞌ natasan kabinsanaan kalnaꞌ awon ku, agpangan ta sa kam mintu pag taabut luu katiksaan ni mimon kalahat-lahatan. Batan song takka na sina katiksaan mehe ma nuwayan iman mimon manusiyaꞌ taꞌ babaw junyaꞌ.

Siga Pakaradjaan bay Pinalahil 3:8

“Kaam ina, katoonan ku du yaꞌ meꞌ noy gaos bi, sugaꞌ masi gi du kam tattap ngasip ni bitsala ku. Maka tuktuk jama māꞌ sukuꞌ ta kam, yaꞌ du kam bay maylu. Sangkon lay na sina kam bukisan ku lawang ma yaꞌ luu katambo.