Yahiya 17:26 - Sabahagiꞌ Kitab Tawrat: Panagnaan ni Awwal Jaman maka Kitab Injil

²⁶ Lay na ku malahil arat-tabiat nu ninsila. Boꞌ darahan ku na pin situ supaya aseꞌ da ni pagkahi da meꞌ aseꞌ nu du niyaku, maka supaya luu na pin ku njawom atay da.”

Yahiya 17:26 ပူးပေါင်းရင်းမြစ်များ

Yahiya 14:20

Ni waktu looy ilay mintu, bohoꞌ tabistu bi na kami ka Mmaꞌ ku tibuuk, maka kaam pun ka aku tibuuk du.

Yahiya 14:23

Pag tampung si Isa, “Bong jama maaseꞌ niyaku, bean na jaꞌ sina bitsala ku. Jama meꞌ looy ilay kinaasean meꞌ Mmaꞌ ku. Dari patiluꞌ sina kami ka Mmaꞌ ku pa mman na, boꞌ kami patannaꞌ njawom atay na.

Yahiya 15:15

Na meꞌ kaam ina ngawnan aku Papuꞌ bi, subay ga kam ata ku. Sugaꞌ bong inawnan ata ina, yaꞌ katoonan da bong oy garaꞌ papuꞌ da. Sangkon yaꞌ na kam awnan ku ata ku. Arapun awnan ta na kam bagay, batan lay na kam baan ku mimon ma bay takale ku man Mmaꞌ ku.

Yahiya 15:4

“Yaꞌ sina luu dapat engas anggul buwaꞌ bong yaꞌ langkit ka poon na. Damikiyan kaam pun, bong kam yaꞌ langkit ka aku, yaꞌ du luu dapat bi buwat kaayaran ma sinukuꞌ meꞌ Tuhan ningkaam. Sangkon subay kam tattog langkit ka aku. Basta meꞌ naa, aku pun tattog du langkit ka kaam.

Yahiya 15:9

“Yana meꞌ Mmaꞌ ku maaseꞌ niyaku, meꞌ naa du aseꞌ ku ningkaam. Sangkon, kasengan bi aseꞌ ku.

Yahiya 17:23

Kainagon ku tibuuk na sila meꞌ karuha pagkatibuuk ku ka sila atawa meꞌ karuha pagkatibuuk nu ka aku. Kamura-murahan dambuwaꞌ atay na sila banahan supaya tumatandaꞌ ni manusiyaꞌ kau bay mapitu aku. Meꞌ looy ilay, tabista jama na aseꞌ nu ni siga sukuꞌ ku sibuꞌ du ka aseꞌ nu niyaku.

Yahiya 17:6

“Lay na du situ ku bay malahil arat-tabiat nu ni siga jama ma bay hinalap meꞌ nu niyaku. Meꞌ sila ndang sukuꞌ nu ma bay pa-ntan nu niyaku, lay na du kinanna meꞌ da palman nu.

Yahiya 17:8

Mimon bay sohoꞌ nu pinamāꞌ niyaku, lay na pasampay ku ninsila, sampay lay na du bay kinapitsayaan meꞌ da. Katoonan da na bana aku lakka mman nu. Pitsayaꞌ na sila kau bay mapitu aku.

Yahiya 6:56

Soysoy mangan isi ku sampay nginum lahaꞌ ku, malaingkan tibuuk ka aku.

Yahiya 8:50

Sugaꞌ biyahun na luu, ndang-ndang yaꞌ du ku muhung sinanglitan meꞌ manusiyaꞌ. Sugaꞌ luu du situ Mmaꞌ ku doman aku sinanglitan. Iya sa ngalabuꞌ hukuman njataꞌ sagannap ma madiyoꞌ aku.

Suwat si Pol pa mman Baanan Sukuꞌ si Isa ndooy ni Rom 8:10

Sugaꞌ bong ina luu na Almasi patannaꞌ njawom atay bi, malaingkan baran bi ma bay pakoy bi man buwat dusa, meꞌ bi ngingat, lay na matoy. Maka luu na Rū Sutsiꞌ nampulnaꞌ nyawa bi sabap lay na kam initung meꞌ Tuhan intong.

1 Korin 1:30

Kahapan man kahandak Tuhan, tibuuk na kitabi ka si Isa Almasi, yana poonan man tabi koleꞌ kapandoyan man Tuhan. Lagiꞌ na, sabapan si Isa Almasi, lay na kitabi initung meꞌ Tuhan intong sampay lay na kitabi dari sukuꞌ Tuhan. Maka sabapan si Isa, lay na kitabi pinaddusan man hukuman ni mimon dusa tabi.

1 Korin 12:12

Na san yaꞌ sibuꞌ-sibuꞌ ladjikiꞌ bay ndean kitabi, masi du sina kitabi tibuuk. Mamintang kam ni baran jama. Tiyap-tiyap disu baran, san meka kalangkapan na, disu baran du ya masi. Damikiyan, kitabi pun itu, san kitabi meka, binilang disu baran du, batan ginalla kitabi baran Almasi.

Galatiya 2:20

Pag batnaa, Almasi na llum ni baran ku, saꞌ na aku. Sangkon kahandak na jaꞌ bean ku, saꞌ na kahandak ku. Maka batnaa, halloman ku llum, mangando jaꞌ ku ni Anak Tuhan. Batan maaseꞌ ya niyaku sampay lay na ga paglillaꞌ na dī na pinapatoy kalnaꞌ aku.

Epesus 1:6

Sangkon tud pataꞌ Tuhan pinudji. Biddaꞌ na ehe aseꞌ na njataꞌ tabi ma tibuuk ka kakasi na, yana si Isa Almasi.

Epesus 3:17

Maka kamura-murahan luu na pin Almasi patannaꞌ njawom atay bi man sabapan pangando bi niiya. Maka kamura-murahan tattog na pin aseꞌ bi pa Tuhan sampay pa manusiyaꞌ meꞌ karuha kayu nganggamut palawom njawom tanaꞌ.

Epesus 5:30

sabap kitabi itu yana siga kalangkapan baran na.

Epesus 5:32

Na suwat looy ilay siꞌ, luu gi kamaatunan na lawom ma yaꞌ gi bay kinatoonan maruhuꞌ. Batan ilooy ilay tuwaꞌ du pa Almasi ka kitabi sikamimon ma pitsayaꞌ niiya, batan tibuuk na kitabi ka iya meꞌ karuha jama sitampu.

Kolossa 1:27

Umanat Tuhan ina, yana pasal garaꞌ na matabeꞌ kaam ma saꞌ Yahudi ni ladjikiꞌ lakka man iya. Ladjikiꞌ looy ilay yana Almasi patannaꞌ njawom baran bi. Boꞌ iya na sina poonan bi ngaholat ngabut arat-tabiat na.

Kolossa 2:10

Almasi ina magbayaꞌ ni mimon ma ngantanan kawasa-kapatut sampay siga seytan ka malaikat. Sangkon kaam ina, langkap-samat na kam sabap tibuuk na kam ka iya.

Kolossa 3:11

Dari pagka tibuuk na kitabi ka Almasi saliꞌ-saliꞌ, yaꞌ na situ kitabi minig jama. Yaꞌ na kitabi magsibiddaꞌ bong jama bangsa Yahudi atawa ssaꞌ, bong jama bay inislam atawa niyaꞌ, iskulan atawa niyaꞌ, bong ata atawa ssaꞌ. Isu-isu Almasi pandang tabi. Boꞌ iya ina luu na patannaꞌ njawom atay tabi sikamimon ma pitsayaꞌ niiya.

2 Tesaloneka 2:16

Na siga danganakan, kakasi Tuhan, kamura-murahan pinagamgaman na pin atay bi meꞌ Mmaꞌ tabi Tuhan ka Papuꞌ tabi si Isa Almasi. Kamura-murahan ginaosan na pin kam meꞌ Tuhan mari mahap jaꞌ mimon tangge-tingkōꞌ bi ka bitsala bi. Batnaa, sabap Tuhan poonan tabang mehe ningkitabi, luu na kagakan njawom atay tabi saumu sampay holat ayad saꞌ alang-alang.

Hibrani 2:12

Buktiꞌ na, luu njawom kitab bay halling na ni Mmaꞌ na, ilooy ma yuk na, “Baan ku siga danganakan ku pasal ehe kaayaran nu. Bila kami kumpo-kumpo, ngalang ku siga kalangan pudji ningkau.”

1 Yahiya 3:24

Soysoy ngasip ni siga panohoan Tuhan, tattog ya ni Tuhan maka Tuhan pun tattog du niiya. Man tabi toon tattog Tuhan ningkitabi man sabapan Rū na ma bay patannaꞌ na njawom atay tabi.