Yahiya 17:22 - Sabahagiꞌ Kitab Tawrat: Panagnaan ni Awwal Jaman maka Kitab Injil

²² “Kawasa-kapatut ma bay dean nu aku, lay na pasayin ku pajataꞌ siga mulit ku supaya meꞌ kita na du sila dambuwaꞌ atay.

Yahiya 17:22 ပူးပေါင်းရင်းမြစ်များ

Malkus 6:7

Na disu llaw, lay linganan si Isa ga mulit na sikasapu-duwa pa bihing na. Luu jaꞌ siꞌ, lay sila sohoꞌ na ngalataan lahat masaplag duwa-duwa maglimbang paninggai-paninggai jaꞌ tiluꞌ da. Maka lay gi sila buwanan na kawasa-kapatut malakka siga seytan.

Lukas 22:30

Dari kaam ina mintu siharung-harung na du nginum-mangan ka aku njawom pamarinta ku. Maka pinatingkōꞌ na du sina kam mintu ni siga tingkoan sultan marintahan siga panubuꞌ lakka man siga anak si Israil sikasapu-duwa.”

Yahiya 1:14

Na Palman ilay bay dari manusiyaꞌ sampay lay gi pingkaꞌ magdambuwaꞌ ka kami. Biddaꞌ na ehe aseꞌ na maka bana sadjaꞌ mimon bitsala na. Kami mismu bay kasakup ehe kaayaran na, yana kaayaran Anak tungga ma bay pitu lakka man Mmaꞌ na Tuhan.

Yahiya 1:16

Na sabap biddaꞌ na ehe aseꞌ Anak Tuhan, tinggi-maninggi na supaat bay takoleꞌ tabi sikamimon ma pitsayaꞌ niiya.

Yahiya 14:20

Ni waktu looy ilay mintu, bohoꞌ tabistu bi na kami ka Mmaꞌ ku tibuuk, maka kaam pun ka aku tibuuk du.

Yahiya 17:24

“Maꞌ, kainagon ku sila ma bay halap nu niyaku wā dambuwaꞌ ka aku. Meꞌ looy ilay, takita da na ehe kabantugan ku, yana kabantugan bay pamuwan nu niyaku sabap ndang kakasi nu ku yaꞌ gi bay pinapayak junyaꞌ.

Salsila siga Rasul 5:41

Pag lakka ga rasul looy man baanan Sanhidrin, tud bay gāk sila batan kabantugan mehe ninsila bay natas pinakiyaꞌ kalnaꞌ awon si Isa.

Suwat si Pol pa mman Baanan Sukuꞌ si Isa ndooy ni Rom 8:30

Na sagannap ma bay pineneꞌ meꞌ Tuhan binuwat sukuꞌ na, lay doꞌ silay sila duhuꞌ lliyun meꞌ Tuhan. Lay jaꞌ sila takoleꞌ lliyun, lay na pinuwasan dusa da. Puwas jaꞌ siꞌ dusa da, lay na baw sila pinatabeꞌ meꞌ Tuhan ni kabantugan na labba man junyaꞌ sampay pa ahirat.

2 Korin 3:18

Dari kitabi itu batnaa, pagka lai na kinaddoan tambun ni pamiki tabi, tumampak na ningkitabi ehe kaayaran Papuꞌ. Maka hangat kinanna meꞌ tabi kaayaran na, hinalin na pin sina pagkajama tabi leꞌ Rū na ngabut sampay sumibuꞌ na kitabi ka arat-tabiat na.

2 Korin 5:20

Kitabi itu yana siga wakil Almasi. Sangkon bila kitabi mitsalahan jama, sibuꞌ du karuha tabi ka Tuhan mitsalahan sila. Halling tabi ninsila, “Junjung kami na ningkaam kalnaꞌ si Isa Almasi, tusun bi na lān man bi mahap na pa Tuhan.

2 Korin 6:1

Na meꞌ kitabi tu saliꞌ-saliꞌ limbang Tuhan ngaliyun manusiyaꞌ pa mman na, junjung kami na ningkaam, daa na pasensengan bi aseꞌ Tuhan ningkaam.

Epesus 2:20

Na kitabi itu sukuꞌ Almasi tadalil pa siga kalangkapan lumaꞌ pinatangge meꞌ Tuhan man Rū na patannaꞌ. Kuwan si Isa Almasi, yana batu pepan luha man lumaꞌ looy pinatangge mari pagon. Sangkon iya patingkat hagaan man mimon kalangkapan lumaꞌ looy. Kuwan tōꞌ siga rasul si Isa ka ga kanabi-nabihan, yana siga tehang lumaꞌ looy.

Pilipi 1:29

Daa kam tawu batan lay na sina kam sinupaatan meꞌ Tuhan. Boꞌ supaat ma awnan ku ina saꞌ sat pangando bi ni Almasi, arapun sampay hāl meꞌ bi bay pineneꞌ meꞌ Tuhan natasan kabinsanaan kalnaꞌ Almasi.

Kolossa 1:24

Na san ku tu batnaa tiksaꞌ sabap meꞌ ku wā masaplag, yaꞌ du tu lungay kagakan ku. Kon meꞌ looy batan lay jaꞌ du bay pa kaayaran ningkaam. San pun Almasi, bay du lumingkaꞌ njawom jinisan kamalasahiyan kalnaꞌ siga sukuꞌ na. Pag batnaa, aku na baw pagantiꞌ niiya ngissahan kamalasahiyan kalnaꞌ sagannap ma pitsayaꞌ niiya, yana kitabi ma binilang baran na.

1 Yahiya 1:3

Dari tuntutan kami na kam ilooy ma bay tasakup kami niiya supaya dambuwaꞌ atay na kitabi maka supaya saliꞌ-saliꞌ na kitabi dambuwaꞌ atay ka Tuhan sampay Anak na si Isa Almasi.

1 Yahiya 3:24

Soysoy ngasip ni siga panohoan Tuhan, tattog ya ni Tuhan maka Tuhan pun tattog du niiya. Man tabi toon tattog Tuhan ningkitabi man sabapan Rū na ma bay patannaꞌ na njawom atay tabi.

1 Yahiya 4:17

Bong ina tattap aseꞌ tabi ni manusiyaꞌ, tumatandaꞌ du tattap aseꞌ tabi pa Tuhan. Maka tatantu tabi na pag mintu taabut llaw hukuman, yaꞌ na luu katawuhan tabi sabap lay na taakig tabi tabiat si Isa ntuu ni junyaꞌ.

Siga Pakaradjaan bay Pinalahil 21:14

Pananggehan kutaꞌ daira looy siꞌ batu mehe, sapu-duwa eka na. Boꞌ siga batu looy siꞌ, saliꞌ-saliꞌ bay sinuwatan ka awon siga rasul sikasapu-duwa ma bay pineneꞌ meꞌ Bili-bili looy.