Yahiya 17:2 - Sabahagiꞌ Kitab Tawrat: Panagnaan ni Awwal Jaman maka Kitab Injil

² Lay na ku buwanan nu kapatut ni jataꞌ mimon manusiyaꞌ supaya ku kabuwan kasampulnaan nyawa ma yaꞌ luu katapusan na ni sagannap ma bay hinalap meꞌ nu niyaku.

Yahiya 17:2 ပူးပေါင်းရင်းမြစ်များ

Matiyu 11:27

Pag-anu, yuk si Isa na baw ni baanan jama ndooy, “Mimon-mimon lay na hinalap meꞌ Mmaꞌ ku niyaku. Yaꞌ luu toon njawom atay ku sarī man Mmaꞌ ku. Damikiyan, yaꞌ du luu toon njawom atay Mmaꞌ ku sarī man aku ka sagannap ma karomanan ku baan ku.

Matiyu 25:46

Pag-anu, yuk si Isa, “Na siga jama meꞌ looy ilay ma bay sabbut ku siꞌ dambuli, llakkahan na silay mintu sampay minulkaan saumu-umu. Boꞌ siga jama looy ma intong, binuwanan na kasampulnaan nyawa njawom okoman Tuhan saumu-umu.”

Matiyu 28:18

Pag-anu, yuk si Isa ninsila, “Sikamimon kapatut ni sulgaꞌ sampay ni junyaꞌ lay na ndean aku.

Yahiya 17:24

“Maꞌ, kainagon ku sila ma bay halap nu niyaku wā dambuwaꞌ ka aku. Meꞌ looy ilay, takita da na ehe kabantugan ku, yana kabantugan bay pamuwan nu niyaku sabap ndang kakasi nu ku yaꞌ gi bay pinapayak junyaꞌ.

Yahiya 17:6

“Lay na du situ ku bay malahil arat-tabiat nu ni siga jama ma bay hinalap meꞌ nu niyaku. Meꞌ sila ndang sukuꞌ nu ma bay pa-ntan nu niyaku, lay na du kinanna meꞌ da palman nu.

Yahiya 17:9

“Batnaa pakuhan ku na sila duwaa ningkau. Yaꞌ na ku ngalapis jama sarī. Ituu jaꞌ pakuhan ku sagannap ma bay hinalap meꞌ nu niyaku sabap sila sukuꞌ nu.

Yahiya 3:35

Biddaꞌ na sina aseꞌ Tuhan ni Anak na sampay lay na pa-ntan na mimon-mimon niiya.

Yahiya 4:14

Boꞌ boheꞌ ma pamuwan ku, bong jama bay kainum, yaꞌ na tohoꞌ kallong na pabalik. Batan boheꞌ ma pamuwan ku padari meꞌ karuha poon boheꞌ njawom atay jama. Niyaꞌ sina kuhi kumattaꞌ, boꞌ muwanan manusiyaꞌ lagi kasampulnaan nyawa saumu-umu.”

Yahiya 6:27

Sugaꞌ tinapay meꞌ looy ilay yaꞌ natas. Gam na balanjaꞌ ma natas saumu pagtuyuan bi, ma kasampulnaꞌ ni nyawa bi labba man junyaꞌ sampay pa ahirat. Balanjaꞌ looy ilay dari ndean meꞌ ku, yana Anak Manusiyaꞌ, ningkaam batan aku bay binuwanan kapatut meꞌ Mmaꞌ ku Tuhan.”

Yahiya 6:37

Sugaꞌ sagannap ma bay sinukuꞌ leꞌ Mmaꞌ ku niyaku, mastiꞌ mmeꞌ jaꞌ sina niyaku. Boꞌ na, sagannap ma mmeꞌ niyaku, yaꞌ sina luu tuwak ku.

Yahiya 6:39

Kahandak na ina, subay ayaran ku sagannap ma bay sinukuꞌ meꞌ na niyaku mari yaꞌ hilang san disu man jawom okoman ku. Batan kahandak Mmaꞌ ku subay mimon ma pitsayaꞌ sampay mangando ni Anak na binuwanan kasampulnaan nyawa ma yaꞌ luu katapusan na. Dari san sila matoy, pag taabut llaw dambuli, pakallum ku du sila pabalik.”

Suwat si Pol pa mman Baanan Sukuꞌ si Isa ndooy ni Rom 6:23

Dan jinis meꞌ halling, bong ina jama buwat dusa, mastiꞌ luu jaꞌ ka hisab na, yana katiksaan nyawa labba man junyaꞌ sampay pa ahirat. Boꞌ sagannap ma tibuuk ka Papuꞌ tabi si Isa Almasi, mastiꞌ binuwanan jaꞌ sina meꞌ Tuhan ladjikiꞌ, yana kasampulnaan nyawa saumu-umu.

1 Korin 15:25

Batan ndang bay ginantaꞌ meꞌ Tuhan subay Almasi marinta ngkod-ngkoran yaꞌ gi katis inannaꞌ mimon banta na ndiyoꞌ pāt battis na.

Epesus 1:20

lay na tumatandaꞌ njataꞌ Almasi jaman na bay pinakallum sampay inangkat pa sulgaꞌ. Pag-anu, boꞌ na pinatingkōꞌ ni bihing Tuhan huwin pa kawnan.

Pilipi 2:10

Kon ilay Tuhan bay buwat meꞌ looy supaya sikamimon ni sulgaꞌ ka taꞌ babaw junyaꞌ sampay ni tahanan jama matoy nujud si Isa na bbos-bbos.

1 Timuti 1:16

San meꞌ looy, lay gi baw ku bay pinanimbangan meꞌ Tuhan. Dari man sabapan bay kadarihan ku, luu na pamintangan mehe ni jama man da mindoga bong pooy tahaꞌ pasensiya si Isa Almasi ni siga baldusa. Kamura-murahan ilooy na poonan da pitsayaꞌ na niiya sampay koleꞌ kasampulnaan nyawa ma yaꞌ luu katapusan na.

Hibrani 1:2

Sugaꞌ ni masa batnaa, yana ni ahil jaman, Anak na na mismu man Tuhan bay masampay umanat na ningkitabi. Anak na ilay, ilooy na man Tuhan bay mapayak alam sikamimon. Damikiyan man gantaan Tuhan, Anak na du dapu mimon-mimon.

1 Pitel 3:22

Na si Isa ilay, lay na inangkat pa sulgaꞌ sampay luu na ya ni bihing Tuhan huwin pa kawnan. Ndooy ilay, iya magbayaan mimon malaikat ka mimon ma ngantanan kawasa-kapatut mahap-maat.

1 Yahiya 2:25

Maka kannahun bi na pin janjiꞌ Anak Tuhan muwanan sagannap ma pitsayaꞌ niiya kasampulnaan nyawa saumu-umu.

1 Yahiya 5:20

Damikiyan, katoonan tabi na du luu na bay pitu Anak Tuhan pa junyaꞌ. Maka lay na ya muwanan kitabi pangahati supaya dari na kitabi lungbid ka Tuhan sabanna. Pag batnaa tibuuk na kitabi ka Tuhan sabanna sabap meꞌ tabi tibuuk na ka Anak na si Isa Almasi. Iya ina Tuhan sabanna maka poonan kasampulnaan nyawa ma yaꞌ luu katapusan na.

Suwat Lakka man si Jūd 1:21

Maka subay kam sēng ni aseꞌ Tuhan ningkaam sasang bi ngagad timbang Papuꞌ tabi si Isa Almasi moo kaam pa jawom kasampulnaan nyawa ma yaꞌ luu katapusan na.