Yahiya 17:11 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹¹ Batnaa tu, yaꞌ na ku hallom taꞌ junyaꞌ tuu batan song pilu na ku pa mman nu. Sugaꞌ siga mulit ku, tamban na jaꞌ ntuu. Sangkon Maꞌ, kau Mahasutsiꞌ, tabangan nu sa sila supaya sila kanaalla ni awon nu yana awon ma bay dean nu aku. Meꞌ naa ina, meꞌ kita na du sila dambuwaꞌ atay.

Yahiya 17:11 ပူးပေါင်းရင်းမြစ်များ

Matiyu 10:16

“Paayad-ayad kam batan sohoꞌ ta na kam patabbaꞌ pa jawom jama jahat. Sibuꞌ du sina mintu karuha bi ka siga bili-bili njawom baanan idoꞌ tawun ma doman jaꞌ nokob. Sangkon pakoyun bi honaꞌ-honaꞌ bi meꞌ ndang tabiat jama halul-akka maka subay lammaꞌ jaꞌ pangatayan bi ni jama.

Matiyu 5:48

Sangkon, subay mahap gi man mahap arat-tabiat bi meꞌ karuha arat-tabiat Mmaꞌ bi Tuhan.”

Matiyu 6:9

Bila kam maku duwaa pa Tuhan, meꞌ tuu hantang na, yuk bi, ‘Tuhan, Mmaꞌ kami ni sulgaꞌ, kamura-murahan pinaehe na pin awon nu meꞌ jama sikamimon.

Yahiya 13:1

Na tapit jaꞌ siꞌ paballangan Ngalingkaꞌ, ndang katoonan si Isa na tapit na waktu man na ngambanan junyaꞌ sampay pabeleng pa mman Mmaꞌ na. Na iya siꞌ tu, labba man sibuwa ngabut sampay pa katapusan, ndang maaseꞌ ya ni siga mulit na ntuu ni junyaꞌ.

Yahiya 13:3

Pus da siꞌ mangan, lay doꞌ si Isa nangge boꞌ na ngurusan juba na. Pag-anu, boꞌ na basahan ka tuwala. Na iya siꞌ tu, katoonan na du lay na dean Mmaꞌ na niiya kawasa-kapatut njataꞌ mimon-mimon. Maka katoonan na du iya lakka man Tuhan, damikiyan, Tuhan du polean na. Sugaꞌ san meꞌ looy, lay gi ya magpadiyoꞌ ni siga mulit na.

Yahiya 14:20

Ni waktu looy ilay mintu, bohoꞌ tabistu bi na kami ka Mmaꞌ ku tibuuk, maka kaam pun ka aku tibuuk du.

Yahiya 16:28

Boꞌ bana du aku bay pitu pa junyaꞌ lakka man Mmaꞌ ku. Pag batnaa, lakka na baw ku man junyaꞌ beleng pa mman na.”

Yahiya 16:33

Ni junyaꞌ tuu tu, mastiꞌ lumingkaꞌ jaꞌ sina kam ni jinisan kamalasahiyan. Sugaꞌ pagakun bi jaꞌ atay bi batan lay na situ ku tumanjataꞌ man mimon kasusahan njawom junyaꞌ. Aku ilay bay maan kaam ilooy siꞌ labbasakayi supaya sannang na atay bi man sabapan pagkatibuuk bi ka aku.”

Yahiya 17:23

Kainagon ku tibuuk na sila meꞌ karuha pagkatibuuk ku ka sila atawa meꞌ karuha pagkatibuuk nu ka aku. Kamura-murahan dambuwaꞌ atay na sila banahan supaya tumatandaꞌ ni manusiyaꞌ kau bay mapitu aku. Meꞌ looy ilay, tabista jama na aseꞌ nu ni siga sukuꞌ ku sibuꞌ du ka aseꞌ nu niyaku.

Yahiya 17:25

“Maꞌ, kau ma intong gi man intong, minsan ko yaꞌ kinatoonan meꞌ sagannap ma yaꞌ pitsayaꞌ niyaku, bong aku, mastiꞌ katoonan ta jaꞌ ko. Maka siga mulit ku pun itu, katoonan da na du kau bay mapitu aku.

Yahiya 17:6

“Lay na du situ ku bay malahil arat-tabiat nu ni siga jama ma bay hinalap meꞌ nu niyaku. Meꞌ sila ndang sukuꞌ nu ma bay pa-ntan nu niyaku, lay na du kinanna meꞌ da palman nu.

Yahiya 7:33

Pag-anu, yuk si Isa ni baanan jama ndooy, “Aku tu, yaꞌ na ku humallom ntuu mman bi. Song pabeleng na situ ku pa mman ilooy ma bay mapitu aku.

Salsila siga Rasul 3:21

Batnaa ndooy na doꞌ ya ni sulgaꞌ ngkod-ngkoran yaꞌ gi taabut masa man Tuhan mabahauwan mimon-mimon meꞌ ndang bay tinunaꞌ meꞌ kanabi-nabihan mattoꞌ.

Suwat si Pol pa mman Baanan Sukuꞌ si Isa ndooy ni Rom 12:5

Damikiyan, meꞌ kitabi itu binilang baran Almasi, san kitabi meka, tibuuk du kitabi. Maka siguna-guna sina kitabi saliꞌ-saliꞌ.

Suwat si Pol pa mman Baanan Sukuꞌ si Isa ndooy ni Rom 9:17

Mamintang kam ni suwat njawom kitab pasal Pir-awun, sultan bangsa Ejip mattoꞌ. Yuk Tuhan niiya, “Aku bay nganggantaꞌ buwat kau sultan mehe supaya man sabapan nu nulang aku, tapōꞌ ku ehe kawasa ku mari tanyag awon ku ni sikaliput junyaꞌ.”

1 Korin 1:10

Na siga danganakan, kalnaꞌ awon Papuꞌ tabi si Isa Almasi, junjung ku na ningkaam, subay kam dambuwaꞌ pamiki. Yaꞌ sikatuwaꞌ bong magsulemaꞌ pamiki bi dambaanan. Subay kam dambuwaꞌ atay sampay dambuwaꞌ angan-angan.

Galatiya 3:28

Sangkon yaꞌ na kitabi magsitingka jama bong sila Yahudi atawa ssaꞌ, bong sila ata atawa ssaꞌ, bong sila danda atawa lalla. Sibuꞌ-sibuꞌ na kitabi sabap tibuuk na du kitabi saliꞌ-saliꞌ ka si Isa Almasi.

Epesus 4:4

Batan mimon itu kitabi ma tibuuk ka si Isa binilang disu baran sa. Maka disu du Rū magmundaan kitabi saliꞌ-saliꞌ, yana Rū Sutsiꞌ. Maka sibuꞌ du kasongan ayad hinolat meꞌ tabi sabap meꞌ tabi saliꞌ-saliꞌ lay na lliyun pa jawom okoman Tuhan.

Pilipi 2:9

Sangkon, lay na ya pinatingkat meꞌ Tuhan man sikamimon. Maka lay gi ya binuwanan gallahan hagaan man mimon gallahan.

Hibrani 1:3

Maka njataꞌ Anak na, takita tabi na kawasa ka kaayaran Mmaꞌ na Tuhan, batan iya sabana-bana limbagan arat-tabiat Tuhan. Pooy-pooy kadari Tuhan, meꞌ naa du sina Anak na. Boꞌ Anak na ina magbayaan mimon-mimon ni sikaliput alam man kawasa palman na mari yaꞌ pulak-palik. Maka iya ilay bay muwasan dusa tabi mari kitabi sutsiꞌ na pa Tuhan. Pus meꞌ looy, lay na ya pabeleng pa sulgaꞌ boꞌ na ningkōꞌ ni bihing Tuhan Sangat Kawasa huwin pa kawnan.

Hibrani 9:24

Sangkon na ilay lahaꞌ Almasi na bay tumpa. Pag-anu, lay na ya paasok pa jawom sulgaꞌ. Pag batnaa, ndooy na ya ni awpan Tuhan kalnaꞌ kitabi. Yaꞌ na ya bay paasok ni langga bay pinatangge meꞌ manusiyaꞌ meꞌ ilooy ma bay asok panghuluꞌ imam mattoꞌ. Batan langga looy ilay sipat sadjaꞌ ni Lugar Pinakasutsiꞌ ni sulgaꞌ.

Yaꞌkub 4:4

Bong ina pakaradjaan meꞌ naa paabak bi, yaꞌ kam magkanaalla pa Tuhan. Ilooy ya meꞌ punu njawom atay bi hāl junyaꞌ. Bong yaꞌ katoonan bi, tiyap-tiyap ina pakaradjaan junyaꞌ inisbat meꞌ bi, malaingkan nikutan kam Tuhan maka sibuꞌ du kam ka manta iya.

1 Pitel 1:5

Maka man sabapan pangando bi ni si Isa, agpangan Tuhan na pin sina kam ni kaehe kawasa na ngkod-ngkoran yaꞌ gi bay takoleꞌ bi kasalamatan ma song pinalahil ni llaw dambuli.

1 Yahiya 3:12

Daa na kitabi mmeꞌ meꞌ uwahan jaman si Kain. Iya ilay sukuꞌ Ibilis, boꞌ tumatandaꞌ du ni buwatan na bay mapatoy ariꞌ na si Habil. Kon na ilay bay buwat meꞌ looy sabap nabiat ya buwat kalaatan, boꞌ dugahan ya ni ariꞌ na buwat kaintongan.

1 Yahiya 5:19

Maka katoonan tabi du san mimon manusiyaꞌ ma yaꞌ pitsayaꞌ ni si Isa lay na takawum leꞌ Ibilis, bong kitabi, niyaꞌ na, batan sukuꞌ Tuhan na kitabi.

Suwat Lakka man si Jūd 1:1

Aku itu si Jūd, disu ata si Isa Almasi. Maka aku itu danganakan si Yaꞌkub. Itu suwat ku pa mman bi, sagannap ma bay lliyun meꞌ Mmaꞌ tabi Tuhan binuwat sukuꞌ na, yana kaam ma kinaasean meꞌ na sampay inayaran meꞌ si Isa Almasi.

Suwat Lakka man si Jūd 1:24

Pudji tabi Tuhan. Iya na sina katabang ningkitabi supaya yaꞌ na kitabi taboo-boo buwat dusa. Damikiyan, iya na du sina kapuwasan dusa tabi supaya yaꞌ na luu sutsutan njataꞌ tabi pag mintu taabut tabi nangge ni awpan sahayaꞌ na. Ndooy ilay mintu ni pag-awpan na, tud gāk na kitabi saꞌ alang-alang.

Siga Pakaradjaan bay Pinalahil 15:4

Papuꞌ, soy yaꞌ ngisbat kau ka maehe awon nu meꞌ naa na isu-isu kau sutsiꞌ. Manusiyaꞌ man mimon kabangsa-bangsahan kumpo-kumpo sina mintu numba kau sabap katoonan da intong jaꞌ mimon ma pabuwat nu.”

Siga Pakaradjaan bay Pinalahil 19:12

Mata na, meꞌ api noleyab maka meka karuna taꞌ kōk na. Boꞌ luu gi awon bay sinuwatan taꞌ tundun na, sugaꞌ yaꞌ luu toon bong oy hatiyan na sarī man dī na.

Siga Pakaradjaan bay Pinalahil 4:8

Ga balnyawa looy siꞌ sika-mpat, saliꞌ-saliꞌ luu ka pikpik da nnom lapat meꞌ mata pa jawom pa poan. Bbuwatan da mudji Tuhan sangom-llaw. Yaꞌ luu hognaꞌ da halling, “Sutsiꞌ, sutsiꞌ, sutsiꞌ Tuhan Sangat Kawasa, yana Papuꞌ ma ndang luu na maruhuꞌ-ruhuꞌ ngabut batnaa sampay saumu ni sinōng.”