Yahiya 16:20 - Sabahagiꞌ Kitab Tawrat: Panagnaan ni Awwal Jaman maka Kitab Injil

²⁰ Baan ta kam banahan, sagannap ma saꞌ sukuꞌ ku tud gāk sina mintu ni ilooy ma song katuwaꞌ niyaku. Boꞌ kaam ina, magtangisan na sina kam mintu ni kaehe lindu bi. Sugaꞌ yaꞌ du sina mintu hallom, dukka bi moleꞌ pa kagakan du.

Yahiya 16:20 ပူးပေါင်းရင်းမြစ်များ

Matiyu 21:38

Sugaꞌ pag takita leꞌ ga panungguꞌ kabbun looy, gam pin lay sila isun, yuk da, ‘Inaa na sina lalla kapusakahan kabbun tuu. Tu kam, papatoy tabi na mari kapakitabi na kabbun tuu.’

Matiyu 5:4

Njawom supaat sina sagannap ma magkasusahan ni bay dusa da batan pinagamgaman du sina sila meꞌ Tuhan.

Malkus 14:72

Pag-anu siꞌ, ilooy ma tingkauk ni kaminduwa na na manuk. Sampay taintom na meꞌ si Pitel bay tunaꞌ si Isa, ilooy ma yuk na, “Yaꞌ gi san ina mintu bay tingkauk kaminduwa na manuk, ndang min tallu na ko bay maylu bahasa yaꞌ ku takila nu.” Dari siꞌ, lassa hansu na atay na sampay lay na ga kapanangis.

Malkus 16:10

Pus si Mariyam siꞌ bay tinammuhan, lay na ya pilay pa mman siga mulit si Isa. Takka ndooy, ndaꞌ na, masi gi sila magkarukkaan sampay magtangisan na pin. Pag-anu siꞌ, lay na sila baan na lay ya tinammuhan meꞌ si Isa.

Lukas 22:45

Pag lupus na maku duwaa, lay na ya nangge boꞌ na pabeleng pa mman ga mulit na. Pag ndaꞌ na, tuli jaꞌ sila batan lungay na ga anggawtaꞌ da ni kasusa da.

Lukas 22:62

Pag-anu, lay magti pōꞌ si Pitel man jawom haman looy sampay tud bay ya nangis banahan ni kasasso na.

Lukas 23:27

Jama siꞌ tu, sakiyan patuhut ni si Isa, boꞌ meka du karandahan ni baanan looy magkarukkaan nangisan iya.

Lukas 24:17

Yuk si Isa ninsila, “Oy siꞌ tu la pagbitsalahan bi satahaꞌ-tahaꞌ lān?” Dari lay sila patagong lumān, boꞌ tumatandaꞌ na ni bantuk luwa da tud susa sila.

Lukas 24:21

Na kami ilay siꞌ, holat kami, iya na Almasi ma bay njanjiꞌ meꞌ Tuhan maddusan bangsa tabi Israil man komkoman siga banta tabi. Sugaꞌ lay na ya matoy, boꞌ ituu na situ ni katallu ngallaw na.

Lukas 6:21

Njawom supaat kaam ma lingantu, batan pinaasso du sina kam bbos-bbos. Njawom supaat kaam ma nangis ni batnaa, batan gāk du sina kam bbos-bbos.

Yahiya 16:33

Ni junyaꞌ tuu tu, mastiꞌ lumingkaꞌ jaꞌ sina kam ni jinisan kamalasahiyan. Sugaꞌ pagakun bi jaꞌ atay bi batan lay na situ ku tumanjataꞌ man mimon kasusahan njawom junyaꞌ. Aku ilay bay maan kaam ilooy siꞌ labbasakayi supaya sannang na atay bi man sabapan pagkatibuuk bi ka aku.”

Yahiya 16:6

Isu-isu kam sonyo sabapan bitsala ku siꞌ.

Yahiya 20:20

Pag-anu siꞌ, lay na sila pakitahan na ga limpaꞌ lansang ni tangan na sampay limpaꞌ budjak ni saddi na. Kuwan siga mulit na siꞌ tu, tud bay gāk pag ndaꞌ da luu na Papuꞌ da llum pabalik.

Salsila siga Rasul 5:41

Pag lakka ga rasul looy man baanan Sanhidrin, tud bay gāk sila batan kabantugan mehe ninsila bay natas pinakiyaꞌ kalnaꞌ awon si Isa.

Suwat si Pol pa mman Baanan Sukuꞌ si Isa ndooy ni Rom 5:11

Dari gāk na situ kitabi banahan batan lungbid na kitabi ka Tuhan sabapan pabuwatan Papuꞌ tabi si Isa Almasi. Isu-isu iya poonan man tabi mahap na pa Tuhan.

2 Korin 6:10

San yaꞌ taambat kamalasahiyan talingkaan kami, yaꞌ du baw bay maglumba kagakan njawom atay kami. San kami miskin, meka na baw jama magkadayahan meꞌ kami ka altaꞌ ma natas saumu-umu. San yaꞌ luu oy maka oy na ni junyaꞌ tuu ma taawnan kami dapu, pagka kami tibuuk na ka Almasi, mimon ma luu niiya, ningkami na du.

Galatiya 5:22

Boꞌ jama ma pinagbayaan meꞌ Rū Sutsiꞌ ina, sibuꞌ karuha da ka poon kayu ayad jaꞌ buwaꞌ na. Batan jinisan kahapan takita ni kawul-piil da, yana aseꞌ, kagakan, sannang atay, pasensiya, bbuwatan ayad ni pagkahi da ka arat mahap. Tapangandohan sila

1 Tesaloneka 1:6

Kaam ilay bay ngahasi umanat kami, tud gāk kam man sabapan Rū Sutsiꞌ san bay basag laug njataꞌ bi. Dari sabap meꞌ bi amu-amu natas ni laug ka kabinsanaan, tumatandaꞌ na lay na kam ngakig kadarihan kami ka Papuꞌ Isa.

Yaꞌkub 1:2

Siga danganakan, bila kam tumabbaꞌ njawom jinisan kasusahan, bilangun bi jaꞌ kagakan.

Suwat Lakka man si Jūd 1:24

Pudji tabi Tuhan. Iya na sina katabang ningkitabi supaya yaꞌ na kitabi taboo-boo buwat dusa. Damikiyan, iya na du sina kapuwasan dusa tabi supaya yaꞌ na luu sutsutan njataꞌ tabi pag mintu taabut tabi nangge ni awpan sahayaꞌ na. Ndooy ilay mintu ni pag-awpan na, tud gāk na kitabi saꞌ alang-alang.

Siga Pakaradjaan bay Pinalahil 11:10

Jama ni sikaliput junyaꞌ, mehe meꞌ da gāk pag mintu lay na matoy ga sosohoan looy sikaduwa ma masampay umanat Tuhan. Maglami-lami na silay mintu sila sampay sibuwan-buwan gīp sabap lay na pinapatoy ga sosohoan looy ma bay kalingog ninsila.

Siga Pakaradjaan bay Pinalahil 18:7

Babilon, kau ma induꞌ siga puta, bay jaꞌ ko ngumpohan dī nu altaꞌ sakiyan, boꞌ tud abbuhan lagi ko. Dari pooy-pooy eka altaꞌ nu ka ehe abbu nu, mastiꞌ meꞌ naa du eka kamalasahiyan ka ehe dukka labuꞌ pa jataꞌ nu. Batan ni kabasag abbu nu, halling njawom atay nu, ‘Aku bitu disu danda ma magpanghuluꞌ ngantanan kawasa mehe. Basta yaꞌ na bitu luu masa ku malasahi atawa maglindu meꞌ kadari bawu.’