Yahiya 16:1 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹ Maka yuk si Isa, “Ngkon ku ilay siꞌ bay maan kaam pasal laug ma song takka ningkaam supaya pag taabut bi mintu tuwaꞌ meꞌ looy, yaꞌ kam ngalabbahan pangando bi niyaku.

Yahiya 16:1 ပူးပေါင်းရင်းမြစ်များ

Matiyu 11:6

Maka baan bi ya, njawom supaat sina soysoy yaꞌ paalang pitsayaꞌ niyaku.”

Matiyu 13:21

Sugaꞌ pagka yaꞌ bay nganggamut pa lawom umanat looy njawom atay da, yaꞌ du hallom tatasan da pitsayaꞌ. Pag luu jaꞌ kabinsanaan atawa laug tuwaꞌ njataꞌ da sabap meꞌ da pitsayaꞌ ni umanat Tuhan, siglaꞌ du sila patatak.

Matiyu 13:57

Dari labba man waktu looy na siꞌ, sarī na jaꞌ parasahan da niiya. Pag-anu, ilooy ma yuk si Isa ninsila, “Bong inawnan nabi, mastiꞌ binantug jaꞌ sina paninggai-paninggai jaꞌ ya. Sugaꞌ bong kinawnan jama ni daira man na bay sulig, minsan paglūng na mismu, yaꞌ du mag-arat niiya.”

Matiyu 24:10

Pag ina mintu taabut meꞌ looy, meka na sina jama patatak mmeꞌ niyaku. Atas da na sina mintu nipu pagkahi da ma masi pitsayaꞌ niyaku sampay lammis ninsila.

Yahiya 15:11

Ngkon kam ilay siꞌ ndang lay na baan ku meꞌ looy supaya kam kapatabeꞌ ni kagakan ku maka supaya yaꞌ na luu kulang kagakan bi.

Yahiya 16:4

Na ngkon kam tu ndang baan ku na duhuꞌ supaya pag taabut mintu kam pinabuwat meꞌ looy, yaꞌ na kam jayip. Batan taintom bi na ndang lay na kam baan ku. Sibuwa san kam yaꞌ na bay baan ku batan aku du tiluꞌ jama pinakaat, saꞌ du kaam. Sugaꞌ yaꞌ jaꞌ ina ku mintu luu, kaam na baw sina llān meꞌ da.

Suwat si Pol pa mman Baanan Sukuꞌ si Isa ndooy ni Rom 14:21

Sangkon, bong inawnan mangan lawuk, nginum tubaꞌ anggul, atawa buwat oy maka oy na, bong gantaꞌ man danganakan tabi ndusa, gam na yaꞌ pabuwat tabi.

Pilipi 1:10

mari kam pandoy meneꞌ bong oy pataꞌ subay pabuwat bi llaw pa dangallaw. Batan bong ina mahap pabuwatan bi, mastiꞌ sutsiꞌ jaꞌ kawul-piil bi sampay yaꞌ na luu sutsutan njataꞌ bi pag taabut llaw Almasi pabeleng.

1 Pitel 2:8

Maka luu gi suwat njawom kitab pasal Almasi, ilooy ma yuk na, “Iya na sina batu man jama sumantuk sampay habbaꞌ.” Na ngkon da ilay binilang sumantuk niiya sabap yaꞌ sila kuhi pitsayaꞌ ni umanat mahap pasal iya. Mingkan man maruhuꞌ lagi, ndang ilooy na bay ginantaꞌ ni soysoy yaꞌ pitsayaꞌ.