Yahiya 15:4 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁴ “Yaꞌ sina luu dapat engas anggul buwaꞌ bong yaꞌ langkit ka poon na. Damikiyan kaam pun, bong kam yaꞌ langkit ka aku, yaꞌ du luu dapat bi buwat kaayaran ma sinukuꞌ meꞌ Tuhan ningkaam. Sangkon subay kam tattog langkit ka aku. Basta meꞌ naa, aku pun tattog du langkit ka kaam.

Yahiya 15:4 ပူးပေါင်းရင်းမြစ်များ

Matiyu 12:33

Yuk si Isa lagi ninsila, “Manusiyaꞌ ina meꞌ karuha poon kayu. Tiyap-tiyap poon kayu mahap, mastiꞌ buwaꞌ na ina mahap du. Sugaꞌ bong ina poon kayu maat, mastiꞌ buwaꞌ na maat du. Sangkon ni buwaꞌ na takila bi jaꞌ sina bong poon kayu mahap atawa maat.

Lukas 8:15

Boꞌ tanaꞌ looy ma mahap man bani looy bay sinaburan, tuwaꞌ pa sagannap ma bay kale umanat Tuhan, boꞌ kinanna meꞌ da ni kahilas atay da. Wā sila mean umanat looy san gi oy katuwaꞌ ninsila. Sangkon jinisan kaayaran na takita ni kaallum da. Kaayaran da ina, bong dalil ta pa tinanom, yaꞌ luu hantiꞌ da buwaꞌ, boꞌ ayad jaꞌ buwaꞌ da.”

Yahiya 14:20

Ni waktu looy ilay mintu, bohoꞌ tabistu bi na kami ka Mmaꞌ ku tibuuk, maka kaam pun ka aku tibuuk du.

Yahiya 17:23

Kainagon ku tibuuk na sila meꞌ karuha pagkatibuuk ku ka sila atawa meꞌ karuha pagkatibuuk nu ka aku. Kamura-murahan dambuwaꞌ atay na sila banahan supaya tumatandaꞌ ni manusiyaꞌ kau bay mapitu aku. Meꞌ looy ilay, tabista jama na aseꞌ nu ni siga sukuꞌ ku sibuꞌ du ka aseꞌ nu niyaku.

Yahiya 6:56

Soysoy mangan isi ku sampay nginum lahaꞌ ku, malaingkan tibuuk ka aku.

Yahiya 8:31

Pag-anu, yuk si Isa ni siga Yahudi ndooy ma pitsayaꞌ niiya, “Bong ina kam tattap mmeꞌ ni tōꞌ ku, malaingkan kaam na mulit ku sabanna

Salsila siga Rasul 11:23

Si Balnabas siꞌ tu jama mahap maka sukup pangando. Boꞌ na, ssob na ya meꞌ Rū Sutsiꞌ. Pag takka na pilay, tud bay gāk ya batan ni lilingan na luu na pin supaat Tuhan ni jataꞌ siga sukuꞌ si Isa ndooy. Dari lay ya muwansangan sila nohoꞌ magkanaalla ngisbat Papuꞌ ni mimon hilas atay da. Labba mandooy, tud bay meka na jama pasampun mmeꞌ ni Papuꞌ Isa ni daira looy.

Salsila siga Rasul 14:22

Ni siga daira looy siꞌ, bbuwatan da mataggu iman siga sukuꞌ si Isa sampay muwansangan sila yaꞌ nohoꞌ ngalabbahan pangando da ni Papuꞌ Isa. Maka lay gi sila maintoman sila ndooy, yuk da, “Mastiꞌ luu jaꞌ sina jinisan katiksaan talingkaꞌ tabi boꞌ tabi nakka pa jawom pamarinta Tuhan ni sulgaꞌ.”

2 Korin 13:5

Sangkon na ina, pindogahan bi bana kawul-piil bi bong sikatuwaꞌ du ka umanat mahap ma kinapitsayaan meꞌ bi. Bong ina tud bana-bana du si Isa Almasi patannaꞌ njawom atay bi, mastiꞌ tumatandaꞌ jaꞌ sina ni ayad kawul-piil bi. Bong ina niyaꞌ, saꞌ ga bina oy, meꞌ bi pitsayaꞌ ni kuwit tōng bi sadjaꞌ.

Galatiya 2:20

Pag batnaa, Almasi na llum ni baran ku, saꞌ na aku. Sangkon kahandak na jaꞌ bean ku, saꞌ na kahandak ku. Maka batnaa, halloman ku llum, mangando jaꞌ ku ni Anak Tuhan. Batan maaseꞌ ya niyaku sampay lay na ga paglillaꞌ na dī na pinapatoy kalnaꞌ aku.

Epesus 3:17

Maka kamura-murahan luu na pin Almasi patannaꞌ njawom atay bi man sabapan pangando bi niiya. Maka kamura-murahan tattog na pin aseꞌ bi pa Tuhan sampay pa manusiyaꞌ meꞌ karuha kayu nganggamut palawom njawom tanaꞌ.

Pilipi 1:11

Kamura-murahan tattap na pin kam buwat kaintongan man tabang si Isa Almasi ni jataꞌ bi, pamaehe sanglit ka kabantugan pa Tuhan.

Kolossa 1:23

basta kam tattap jaꞌ pitsayaꞌ ni umanat mahap pasal si Isa. Sangkon daa na kam kuhi pinagsian man kabanahan njawom umanat mahap ma bay takale bi. Maka daa kam jamu ngaholat Tuhan numan mimon janjiꞌ na njawom umanat mahap. Umanat mahap ina, liput na junyaꞌ man na pinasaplag. Na ni sagannap ma bay pineneꞌ masaplag, kuwan disu, yana aku na situ.

Kolossa 1:27

Umanat Tuhan ina, yana pasal garaꞌ na matabeꞌ kaam ma saꞌ Yahudi ni ladjikiꞌ lakka man iya. Ladjikiꞌ looy ilay yana Almasi patannaꞌ njawom baran bi. Boꞌ iya na sina poonan bi ngaholat ngabut arat-tabiat na.

Kolossa 2:6

Siga danganakan, pagka lay na kam mangando ni Papuꞌ tabi si Isa Almasi sibuwa bi bay pitsayaꞌ niiya, subay du kam mangando niiya ni mimon kahalan bi llaw pa dangallaw.

1 Tesaloneka 3:5

Sangkon, pagka yaꞌ na bay tasaggaꞌ ku gampang ku ningkaam, lay na bay sohoꞌ ku si Timuti pilu ngandaꞌ bong masi hallot pangando bi ni Papuꞌ. Ilooy kagampangan kami, taggahaꞌ senseng jaꞌ bay hulas-sangsāꞌ kami bong mintu lay na baw kam patatak sabapan sasat Ibilis.

Hibrani 10:39

Kahapan kuwan kitabi baw itu, yaꞌ tabeꞌ ni sagannap ma patatak. Jama meꞌ sila ilay, song hallom minulkaan du. Boꞌ kitabi itu tabeꞌ ni sagannap ma salamat sabap takkoꞌ pangando tabi.

1 Yahiya 2:6

Na soysoy mangaku tibuuk ka Tuhan, subay nabiat mōꞌ arat-tabiat meꞌ kadari ni si Isa Almasi.

2 Yahiya 1:9

Batan soysoy yaꞌ tattap mmeꞌ ni tōꞌ Almasi, boꞌ magsiꞌ lagi, mastiꞌ yaꞌ ya tibuuk ka Tuhan. Sugaꞌ soysoy tattap mmeꞌ ni tōꞌ Almasi, malaingkan tibuuk ya ka Tuhan sampay Anak na.