Yahiya 15:25 - Sabahagiꞌ Kitab Tawrat: Panagnaan ni Awwal Jaman maka Kitab Injil

²⁵ Dari lay na binakbul tunaꞌ looy njawom kitab, ilooy ma yuk na, “Lammis sila niyaku san yaꞌ luu pataꞌ poon sabap na.”

Yahiya 15:25 ပူးပေါင်းရင်းမြစ်များ

Matiyu 10:8

Kuwan sagannap ma saki, ulian bi, ma lay na matoy, pakallumun bi, ma inipu, pangannoun bi na kuwit da, ma sineytan, papoun bi na seytan da. Maka intomun bi, kawasa bay dean ku kaam libre jaꞌ. Sangkon subay du libre tabang bi ni jama.

Lukas 24:44

Pag lupus, yuk na, “Bay waktu tabi dambuwaꞌ, ndang bay kam baan ku meꞌ tuu: Saꞌ ba, yuk ku, mimon ma bay sinuwatan meꞌ Nabi Musa ka ga kanabi-nabihan ilooy kasohean sampay na njawom Kitab Jabul pasal aku talpaksaꞌ binakbul jaꞌ?”

Yahiya 10:34

Pag tampung si Isa, “Minsan njawom kitab bi, Tuhan mismu bay magpalman ni siga pa-mmean kabboꞌ-bboan tabi, yuk na, ‘Kaam ina siga tuhan.’

Yahiya 13:18

Yuk si Isa lagi, “Kaam ina ma bay peneꞌ ku, saliꞌ-saliꞌ katoonan ku arat-tabiat bi. Sangkon ku kabāꞌ luu situ kam disu niyaꞌ koleꞌ supaat ma bay awnan ku siꞌ. Batan binakbul na sina mintu njataꞌ na tunaꞌ looy njawom kitab, ilooy ma yuk na, ‘Lalla ma soheꞌ ku sawu mangan song nipu aku.’

Yahiya 19:36

Na sabapan bay kahalan si Isa meꞌ looy siꞌ, lay na binakbul tunaꞌ njawom kitab, ilooy ma yuk na, “Yaꞌ luu pōng san disu towang na.”

Suwat si Pol pa mman Baanan Sukuꞌ si Isa ndooy ni Rom 3:19

Na hantak bitsala looy ilay siꞌ njawom kitab, tumatandaꞌ na mimon manusiyaꞌ dusahan pa Tuhan. Tud yaꞌ luu san disu nammu daawa man da nangkisan hukuman Tuhan, awla na bangsa Yahudi ma bay pina-ntanan saraꞌ, boꞌ langga da lagi. Sangkon mimon manusiyaꞌ pataꞌ kalabuan hukuman.

Suwat si Pol pa mman Baanan Sukuꞌ si Isa ndooy ni Rom 3:24

Lipara ni kaehe aseꞌ Tuhan, lay na kitabi kaladjikian initung meꞌ na intong man sabapan pabuwatan si Isa Almasi bay muwasan dusa tabi.

2 Korin 11:7

Bay jaman ku noan kaam nnaa umanat mahap pasal Almasi, yaꞌ ku bay pingkaꞌ maku hasil. Bay jaꞌ ku magpadiyoꞌ para kaayaran ningkaam. Bong ningkaam, dari dusa kilay niyaku sukat ku yaꞌ bay maku hasil?

Galatiya 2:21

Sangkon bong itu ku mangasa na baw ni hulas-sangsāꞌ ku mogbogan saraꞌ man ku initung intong, sibuꞌ na du ka bay tuwak ku aseꞌ Tuhan niyaku. Batan sat ku saꞌ māꞌ yaꞌ luu kapuspusan kapatoy si Isa.”

2 Tesaloneka 3:8

Man kami bay magbalanjaꞌ, yaꞌ kami bay pingkaꞌ mangasa ni hulas-sangsāꞌ jama. Sangom-llaw na kami bay magtuyuꞌ buwat bong pin yaꞌ jaꞌ kam paya malanjaan kami.

Siga Pakaradjaan bay Pinalahil 21:6

Maka yuk na lagi, “Magjatu na situ mimon ma bay ginantaꞌ meꞌ ku. Aku itu Alpa ka Omega, yana panagnaan ka katapusan mimon-mimon. Soysoy tohoꞌ kallong na, painum ku boheꞌ man poon boheꞌ looy ma muwan kaallum ma yaꞌ luu katapusan na. Boꞌ boheꞌ looy ilay libre jaꞌ, san yaꞌ na luu bayad na.

Siga Pakaradjaan bay Pinalahil 22:17

Pag-anu, yuk Rū Tuhan ka sagannap ma ginalla pangantin ma danda, yana mimon sukuꞌ Papuꞌ Isa, “Pitu na ko.” Damikiyan sagannap ma pakale ni bitsala njawom kitab tuu siꞌ halling du, “Pitu na ko.” Na soysoy tohoꞌ kallong bi, pitu na kam nginum boheꞌ ma muwan kaallum. Libre jaꞌ sina ni soysoy doman nginum.