Yahiya 15:22 - Sabahagiꞌ Kitab Tawrat: Panagnaan ni Awwal Jaman maka Kitab Injil

²² “Sila ina, bong siꞌ ku ilay yaꞌ gi bay pitu mahatiyan sila kabanahan, yaꞌ gi bay tumampak dusa da. Sugaꞌ batnaa yaꞌ na luu dapat da maylu.

Yahiya 15:22 ပူးပေါင်းရင်းမြစ်များ

Lukas 12:46

Sugaꞌ hangat na buwat meꞌ looy, sakayi na kasayu, takka na papuꞌ na. Pag toklas na, pinidjalaꞌ ya saꞌ na gantaꞌ na meꞌ papuꞌ na, boꞌ na hiniyakan pa poan pinatabeꞌ ni mimon ma yaꞌ kanaalla ni papuꞌ da.

Yahiya 12:48

Sugaꞌ pag taabut llaw dambuli, mastiꞌ kalabuan jaꞌ sina hukuman sagannap ma bay nuwak aku ka tōꞌ ku. Boꞌ pindoga man da kalabuan hukuman, yana tōꞌ ku.

Yahiya 15:23

Bong siꞌ ku tu yaꞌ bay mōꞌ siga pabuwatan kahaylan-haylan ma yaꞌ bay pingkaꞌ tapabuwat meꞌ manusiyaꞌ, yaꞌ gi sila tasusunan pasal dusa da nuwak aku. Sugaꞌ batnaa, tumatandaꞌ na dusa da, batan san lay na takita da siga pabuwatan meꞌ looy, amu-amu sila yaꞌ kuhi pitsayaꞌ niyaku. Boꞌ na, gam pin kalammisan da lagi ku sampay Mmaꞌ ku. Batan soysoy ina lammis niyaku, sibuꞌ du ya ka lammis ni Mmaꞌ ku.”

Yahiya 16:9

Ni kapasal dusa, pinalahil meꞌ na kon jama masi dusahan sabap yaꞌ sila pitsayaꞌ niyaku.

Yahiya 19:11

Pag tampung si Isa, “Yaꞌ bina luu tapabuwat nu oy maka oy na niyaku bong siꞌ saꞌ Tuhan bay muwanan kau kapatut. Ni hāl aku pinakaat batnaa, saꞌ du kau bay bagaraꞌ. Sangkon siga jama ma bay ma-ntan aku pa mman nu, mas mehe gi dusa da man ningkau.”

Yahiya 9:41

Pag halling si Isa, “Bong siꞌ ina kam bay mangaku buta, luu na dapat man dusa bi puwas. Sugaꞌ pagka kam mangaku ngita, yaꞌ sina puwas dusa bi.”

Salsila siga Rasul 17:30

“Maruhuꞌ, ni kaawam manusiyaꞌ pasal Tuhan, lay gi pabiya na karupangan da. Sugaꞌ batnaa, sohoꞌ na na mimon jama ni sikaliput junyaꞌ nawbatan dusa da.

Suwat si Pol pa mman Baanan Sukuꞌ si Isa ndooy ni Rom 1:20

Bana na, Tuhan yaꞌ takita, sugaꞌ lay baw ya mōꞌ buktiꞌ ni pagkaTuhan na ka ehe kawasa na ma yaꞌ luu katapusan na. Buktiꞌ na ilay, yana mimon-mimon ma bay papayak na. Sangkon yaꞌ luu daawa man manusiyaꞌ yaꞌ ngisbat iya.

Suwat si Pol pa mman Baanan Sukuꞌ si Isa ndooy ni Rom 2:1

Na ga jama meꞌ looy ilay, ndang katoonan tabi du, mastiꞌ kalabuan jaꞌ hukuman Tuhan, batan Tuhan yana huwis intong. Na bong luu kam ngawnan jama dusahan meꞌ looy maat, ituu bāꞌ ku ningkaam: Kaam ina sibuꞌ du ka sila batan saꞌ ba, luu du kalaatan bi meꞌ ninsila? Dari bila kam ngawnan sila maat, sibuꞌ du kam ka bay matabeꞌ dī bi batan luu du kalaatan bi. Sangkon yaꞌ sina luu kapatut bi os-os manding jama meꞌ looy pa kalaatan.

Yaꞌkub 4:17

Indanan bi. Soysoy ina toon bong oy pataꞌ subay pabuwat na, boꞌ yaꞌ isbat na, ndusa sina ya.

1 Pitel 2:16

Kaam ina, lay na kam pinaddusan man mulkaꞌ Tuhan. Sugaꞌ daa jaꞌ buwatun bi kasumunsayaan bi subay ga katarangan man bi buwat kalaatan. Gam pin, bogbogan bi arat-tabiat ma ndang hinolat ni siga ata Tuhan.