Yahiya 15:21 - Sabahagiꞌ Kitab Tawrat: Panagnaan ni Awwal Jaman maka Kitab Injil

²¹ Boꞌ na, ngkon da ilay mintu ngalaugan kaam sabap sukuꞌ ta kam maka yaꞌ katoonan da ilooy ma bay mapitu aku.

Yahiya 15:21 ပူးပေါင်းရင်းမြစ်များ

Matiyu 10:18

Kasohean ina kam binoo gi pa awpan siga gubnul ka ga sultan nohoꞌ hinukum sabap meꞌ bi mmeꞌ niyaku. Sugaꞌ ingatun bi inaa na sina lawang man bi masaplag umanat mahap ninsila sampay ni siga jinisan bangsa kapil.

Matiyu 10:22

Kaam ina mintu kinalammisan meꞌ jama ni mimon kalahat-lahatan sabap mmeꞌ kam niyaku. Sugaꞌ soysoy ina natas pangando na ngabut sampay pa katapusan, salamat jaꞌ ya.

Matiyu 10:39

Soysoy ina numbul satu niiya meꞌ na nulut dī na halloman na ntuu ni junyaꞌ, mastiꞌ tiksaꞌ jaꞌ nyawa na saumu. Sugaꞌ soysoy ina yaꞌ mean kahandak na bong pin tabean na kahandak ku, sampulnaꞌ nyawa na labba man junyaꞌ sampay pa ahirat.”

Matiyu 24:9

“Masa looy ilay mintu, kuwan kaam, kinagigitan meꞌ sikamimon bangsa sabapan ku. Sinungkuban du sina kam boꞌ bi pina-ntan ni jama supaya kam bininsanaꞌ sampay pinapatoy.

Matiyu 5:11

“Njawom supaat sina kaam ma pinadiyoꞌ, nilaugan sampay pinitnahan sabap meꞌ bi mmeꞌ niyaku.

Malkus 13:13

Kaam ina kinalammisan jaꞌ sina mintu meꞌ jama sikamimon sabap mmeꞌ kam niyaku. Sugaꞌ soysoy ina natas pangando na ngabut sampay pa katapusan, salamat jaꞌ ya.”

Lukas 21:12

“Sugaꞌ halloman ilay mintu yaꞌ gi bay binakbul mimon meꞌ looy siꞌ, ndang nilaugan na kam. Sinungkuban lagi kam sampay binoo pa langga nohoꞌ hinukum boꞌ njīl. Kasohean ina kam binoo gi pa awpan siga sultan ka siga gubnul nohoꞌ hinukum ninsila sabap meꞌ bi mmeꞌ niyaku.

Lukas 21:17

Kinalammisan sina kam mintu meꞌ jama sikamimon sabap meꞌ bi mmeꞌ niyaku.

Lukas 6:22

“Bong ina kam kinalammisan, tinuwak, pinadiyoꞌ sampay pinitnahan sabap meꞌ bi mmeꞌ niyaku, yana Anak Manusiyaꞌ, njawom supaat du sina kam.

Yahiya 16:3

Kon da ilay buwat meꞌ looy sabap yaꞌ katoonan da Mmaꞌ ku atawa pun aku.

Yahiya 17:25

“Maꞌ, kau ma intong gi man intong, minsan ko yaꞌ kinatoonan meꞌ sagannap ma yaꞌ pitsayaꞌ niyaku, bong aku, mastiꞌ katoonan ta jaꞌ ko. Maka siga mulit ku pun itu, katoonan da na du kau bay mapitu aku.

Yahiya 8:19

Tilaw da baw siꞌ tu niiya, “Ninggai man Mmaꞌ nu?” Pag tampung si Isa, “Kaam ina, yaꞌ ku katoonan bi maka yaꞌ du katoonan bi Mmaꞌ ku. Batan bong siꞌ ilay ndang bay ku katoonan bi, mastiꞌ katoonan bi jaꞌ du Mmaꞌ ku.”

Yahiya 8:54

Pag tampung si Isa, “Bong aku mantug dī ku, yaꞌ du luu pūs na. Sugaꞌ luu muwanan aku kabantugan, yana Mmaꞌ ku ma inaku meꞌ bi Tuhan bi.

Yahiya 8:55

Salla na, yaꞌ san ya katoonan bi. Boꞌ aku tu, katoonan ku ya. Bong baw tu ku halling niyaꞌ ya katoonan ku, malaingkan meꞌ kaam du ku pangandustaꞌ. Sugaꞌ ndang katoonan ku ya, maka mmeꞌ ku ni palman na.

Salsila siga Rasul 17:23

Batan sasang ku bay maglanan ni daira bi, lay ku ngita jinisan jama-jama ma sinumba meꞌ bi. Maka lay gi ku bay pingkaꞌ ngita disu batu mehe, yana pangulbanan. Njataꞌ na, luu kabtangan bay llukisan, yuk na, ‘Para Tuhan Ma Yaꞌ Kinatoonan.’ Na Tuhan looy ilay siꞌ ma sinumba meꞌ bi san yaꞌ katoonan bi, iya na situ pinasaplag meꞌ ku ningkaam.

Salsila siga Rasul 26:9

“Maruhuꞌ ilay, minsan aku mismu, kanna ku kahandak Tuhan subay ku naggaꞌ sagannap ma pitsayaꞌ ni si Isa, lalla looy man Nasaret.

Salsila siga Rasul 3:17

Yuk si Pitel lagi, “Siga mbuwaꞌ danganakan, katoonan ku du kaam ina ka ga pa-mmean bi bay mapatoy si Isa ni kaawam bi. Yaꞌ san bay taingat bi ga tud iya na Almasi, tukang nalamat bay pinapitu meꞌ Tuhan.

Salsila siga Rasul 4:17

Sugaꞌ mari yaꞌ na song patanyag umanat da, bandaan tabi na sila yaꞌ nohoꞌ nabbut awon si Isa pabalik ni soysoy jaꞌ.”

Salsila siga Rasul 5:41

Pag lakka ga rasul looy man baanan Sanhidrin, tud bay gāk sila batan kabantugan mehe ninsila bay natas pinakiyaꞌ kalnaꞌ awon si Isa.

Salsila siga Rasul 9:14

Sarī gi, lay na konoꞌ ya binuwanan meꞌ panghuluꞌ imam kapatut luꞌ pitu nungkuban sagannap ma ngawnan kau Papuꞌ da.”

Salsila siga Rasul 9:16

Baan ku sa ya, mastiꞌ lumingkaꞌ jaꞌ sina ya mintu njawom jinisan kabinsanaan sabap meꞌ na masaplag pasal aku.”

Suwat si Pol pa mman Baanan Sukuꞌ si Isa ndooy ni Rom 1:28

Pagka bistahan da yaꞌ luu pūs na bong kita ngisbat Tuhan, pinabiya na sina sila meꞌ Tuhan pinagmundaan meꞌ pamiki bingkok buwat kajinisan ma yaꞌ pataꞌ pinabuwat.

1 Korin 15:34

Sangkon, mamiki doꞌ kam paayad. Pakutuun bi na kaintongan maka tagongan bi na meꞌ bi buwat dusa. Batan kaam ina nnaa ma amu-amu buwat dusa, tumatandaꞌ na masi gi kam awam pasal Tuhan. Kon ku halling meꞌ tuu mari kam iyaꞌ.

1 Korin 2:8

Sugaꞌ kuwan siga pa-mmean ma ngantanan kapatut ni junyaꞌ tuu, ndang awam sila ni garaꞌ Tuhan. Bong siꞌ ilay sila bay kasayu, yaꞌ bay sohoꞌ da nilansang taꞌ tehang Papuꞌ tabi ma yaꞌ luu sibuꞌ sabanding na.

2 Tesaloneka 1:8

Iya ina mintu duwai ddas ka api noleyab man na midjalaꞌ sagannap ma nuwak Tuhan ka sagannap ma yaꞌ mmeꞌ ni umanat mahap pasal Papuꞌ tabi si Isa.

1 Yahiya 3:1

Bistahun bi doꞌ ehe aseꞌ Mmaꞌ tabi Tuhan njataꞌ tabi. Lay na ga tabi awnan na anak na. Boꞌ tud bana du baw situ kitabi anak na. Sugaꞌ kuwan siga jama ma mandang jaꞌ hāl junyaꞌ, yaꞌ tahati da ga anak Tuhan na kitabi batan yaꞌ katoonan da Tuhan.

Siga Pakaradjaan bay Pinalahil 2:3

Damikiyan, katoonan ku du basag kam natasan jinisan laug kalnaꞌ awon ku. Maka ndaꞌ ku, yaꞌ kam jamu nanggehan aku.