Yahiya 15:19 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁹ Bong siꞌ baw kam ina masi dambuwaꞌ mukalnaꞌ ka sila, malaingkan kinaasean kam meꞌ da. Sugaꞌ pagka lay na kam pasakkat sabap meꞌ bi bay pineneꞌ meꞌ ku binuwat sukuꞌ ku, inaa na poonan man da lammis ningkaam.

Yahiya 15:19 ပူးပေါင်းရင်းမြစ်များ

Matiyu 10:22

Kaam ina mintu kinalammisan meꞌ jama ni mimon kalahat-lahatan sabap mmeꞌ kam niyaku. Sugaꞌ soysoy ina natas pangando na ngabut sampay pa katapusan, salamat jaꞌ ya.

Matiyu 24:9

“Masa looy ilay mintu, kuwan kaam, kinagigitan meꞌ sikamimon bangsa sabapan ku. Sinungkuban du sina kam boꞌ bi pina-ntan ni jama supaya kam bininsanaꞌ sampay pinapatoy.

Lukas 6:32

“Bong ya du sat kaasean bi sagannap ma maaseꞌ ningkaam, yaꞌ du ina man bi sinanglitan. Minsan ina siga baldusa, maaseꞌ du ni sagannap ma maaseꞌ ninsila.

Yahiya 13:18

Yuk si Isa lagi, “Kaam ina ma bay peneꞌ ku, saliꞌ-saliꞌ katoonan ku arat-tabiat bi. Sangkon ku kabāꞌ luu situ kam disu niyaꞌ koleꞌ supaat ma bay awnan ku siꞌ. Batan binakbul na sina mintu njataꞌ na tunaꞌ looy njawom kitab, ilooy ma yuk na, ‘Lalla ma soheꞌ ku sawu mangan song nipu aku.’

Yahiya 15:16

Na kitabi itu bagay, saꞌ man kaam bay meneꞌ aku. Arapun aku ya bay meneꞌ kaam. Sampay bay gi kam inuwakilan meꞌ ku ngalataan lahat buwat kaayaran ka masaplag pasal aku. Meꞌ looy ilay, sibuꞌ du karuha bi ka kayu mahap jaꞌ buwaꞌ na. Boꞌ buwaꞌ bi ina natas sampay pa ahirat. Sangkon oy-oy paku bi man Mmaꞌ ku ni awon ku, nduwan jaꞌ sina kam.

Yahiya 6:70

Pag-anu yuk si Isa, “Saꞌ ba, luu kam sapu-duwa bay peneꞌ ku? Sugaꞌ luu situ disu ningkaam sineytan.”

Yaꞌkub 4:4

Bong ina pakaradjaan meꞌ naa paabak bi, yaꞌ kam magkanaalla pa Tuhan. Ilooy ya meꞌ punu njawom atay bi hāl junyaꞌ. Bong yaꞌ katoonan bi, tiyap-tiyap ina pakaradjaan junyaꞌ inisbat meꞌ bi, malaingkan nikutan kam Tuhan maka sibuꞌ du kam ka manta iya.

1 Pitel 4:3

Sangkon kuwan kaam, ddong na kam malātan waktu bi ngakig uwahan jama ma yaꞌ ngisbat Tuhan. Sila ina maabak jinisan kalaatan meꞌ sapantun magjina, maka nganduwan oy-oy napsu ma maat sampay maglangohan. Boꞌ mmeꞌ gi sila ni baanan danda ka lalla buwat kasabuhan. Maka luu gi sarī pabuwat da ma tagga pa Tuhan meꞌ sapantun numba siga tuhan-tuhan.

1 Yahiya 3:12

Daa na kitabi mmeꞌ meꞌ uwahan jaman si Kain. Iya ilay sukuꞌ Ibilis, boꞌ tumatandaꞌ du ni buwatan na bay mapatoy ariꞌ na si Habil. Kon na ilay bay buwat meꞌ looy sabap nabiat ya buwat kalaatan, boꞌ dugahan ya ni ariꞌ na buwat kaintongan.

Siga Pakaradjaan bay Pinalahil 12:17

Pag ndaꞌ naga looy yaꞌ luu dapat na, tud bay dugahan ya ni danda looy. Dari lay ya lakka mandooy ngalān siga anak danda looy ilooy kasohean. Siga anak na ilay, yana sagannap manusiyaꞌ ma mean panohoan Tuhan ka magkanaalla ngantanan tōꞌ si Isa.

Siga Pakaradjaan bay Pinalahil 12:9

Sampay lay na sila hiniyakan pa junyaꞌ. Na naga mehe looy ilay siꞌ, yana sō looy na ni awwal jaman ma pinag-awnan Ibilis atawa panghuluꞌ seytan. Iya ilay tukang magsian manusiyaꞌ ni sikaliput junyaꞌ.