Yahiya 15:16 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁶ Na kitabi itu bagay, saꞌ man kaam bay meneꞌ aku. Arapun aku ya bay meneꞌ kaam. Sampay bay gi kam inuwakilan meꞌ ku ngalataan lahat buwat kaayaran ka masaplag pasal aku. Meꞌ looy ilay, sibuꞌ du karuha bi ka kayu mahap jaꞌ buwaꞌ na. Boꞌ buwaꞌ bi ina natas sampay pa ahirat. Sangkon oy-oy paku bi man Mmaꞌ ku ni awon ku, nduwan jaꞌ sina kam.

Yahiya 15:16 ပူးပေါင်းရင်းမြစ်များ

Panagnaan 18:18

Ndang-ndang iya du sina mintu poonan disu bangsa mehe kawasa na ma tanyag bbos-bbos. Maka iya na sina mintu poonan man mimon kabangsa-bangsahan sinupaatan.

Matiyu 21:22

Oy-oy paku bi njawom duwaa bi pa Tuhan, nduwan jaꞌ sina kam basta kam pitsayaꞌ jaꞌ.”

Matiyu 7:7

“Oy-oy kulang bi, maku jaꞌ kam pa Tuhan. Binuwanan jaꞌ sina kam. Oy-oy gunahan ningkaam, miha kam pa Tuhan. Nammu jaꞌ sina kam. Tuktuk gunahan ningkaam tulung, tugtugun bi jaꞌ lawang Tuhan, boꞌ bi binukisan.

Lukas 6:13

Pag kallat llaw, lay linganan na sagannap ma mmeꞌ niiya boꞌ na meneꞌ sapu-duwa binuwat rasul na.

Yahiya 13:18

Yuk si Isa lagi, “Kaam ina ma bay peneꞌ ku, saliꞌ-saliꞌ katoonan ku arat-tabiat bi. Sangkon ku kabāꞌ luu situ kam disu niyaꞌ koleꞌ supaat ma bay awnan ku siꞌ. Batan binakbul na sina mintu njataꞌ na tunaꞌ looy njawom kitab, ilooy ma yuk na, ‘Lalla ma soheꞌ ku sawu mangan song nipu aku.’

Yahiya 15:19

Bong siꞌ baw kam ina masi dambuwaꞌ mukalnaꞌ ka sila, malaingkan kinaasean kam meꞌ da. Sugaꞌ pagka lay na kam pasakkat sabap meꞌ bi bay pineneꞌ meꞌ ku binuwat sukuꞌ ku, inaa na poonan man da lammis ningkaam.

Yahiya 15:5

“Na meꞌ halling sambat ku na siꞌ, aku na situ poon anggul sabanna. Kuwan kaam, yana siga engas ku. Basta kam langkit ka aku, maka aku pun langkit ka kaam, malaingkan sibuꞌ du karuha bi ka engas ma buwaꞌ paeka. Sugaꞌ bong ina kam pasakkat mman ku, malaingkan yaꞌ luu tapabuwat bi ma kaboo kabantugan pa Tuhan.

Yahiya 6:70

Pag-anu yuk si Isa, “Saꞌ ba, luu kam sapu-duwa bay peneꞌ ku? Sugaꞌ luu situ disu ningkaam sineytan.”

Salsila siga Rasul 1:24

Pag-anu siꞌ, lay na doꞌ si Pitel ka ga soheꞌ na maku duwaa, yuk da, “Papuꞌ, isu-isu kau toon pangatayan manusiyaꞌ sikamimon. Bong anu, pakitahan nu doꞌ kami bong mamooy peneꞌ nu ni antaraꞌ ga lalla tuu ma duwa

Salsila siga Rasul 1:8

Sugaꞌ subay katoonan bi, binuwanan du sina kam kawasa pag mintu kam pinatannaan na Rū Sutsiꞌ. Dari masaplag na sina kam mintu pasal aku ni Jerusalem sampay ni sikaliput Yahudiya ka Samariya, maka sampay pa sika-mpat pidju alam.”

Salsila siga Rasul 10:41

Sugaꞌ yaꞌ na ya bay magpakita ni mimon Yahudi, isu-isu ningkami ma ndang bay pineneꞌ meꞌ Tuhan masampay kabanahan pasal iya. Boꞌ lay gi kami siharung-harung nginum-mangan ka iya pag lay jaꞌ ya pinakallum.

Salsila siga Rasul 22:14

“Yuk si Ananiyas niyaku, ‘Kau na sina bay pineneꞌ meꞌ Tuhan kabboꞌ-bboan ta man na makitau bong oy kahandak na. Sangkon lay na silay pinalahil ningkau Ilooy ma Intong, yana si Isa Almasi, sampay lay na takale nu suwara na.

Salsila siga Rasul 9:15

Sugaꞌ yuk Papuꞌ Isa ni si Ananiyas, “San na ko, subay sina ko pilay. Lalla looy ilay bay peneꞌ ku tukang masaplag pasal aku ni kabangsa-bangsahan saꞌ Yahudi sampay ni ga sultan da maka ni siga pagkahi nu bangsa Israil.

Suwat si Pol pa mman Baanan Sukuꞌ si Isa ndooy ni Rom 1:13

Siga danganakan, daa kam mista siga noy batnaa na bohoꞌ ku bay kapiki pilu pa mman bi. Min meka na ku situ bay maru pilu. Sugaꞌ ngabut sampay batnaa, yaꞌ gi ku bay tabawus batan luu na pin jinisan kasanggalang niyaku. Kainagon ku bong ku mintu takka pilu, luu gi nnaa jama taboo ku mmeꞌ ni si Isa meꞌ karuha ni kalahat-lahatan kasohean.

Suwat si Pol pa mman Baanan Sukuꞌ si Isa ndooy ni Rom 1:5

Boꞌ iya na silay bay nguwakilan kami binuwat siga rasul na. Lay kami buwanan na kapatut masaplagan kabangsa-bangsahan nohoꞌ pitsayaꞌ sampay ngasip niiya, pamaehe bantug ni awon na.

Suwat si Pol pa mman Baanan Sukuꞌ si Isa ndooy ni Rom 15:4

Na mimon ina ma bay sinuwatan njawom kitab man noan kitabi kabanahan. Man sabapan tōꞌ njawom kitab, pataggu na pin iman tabi. Maka ilooy na muwansangan kitabi natas njawom katiksaan. Maka sabapan kitab, yaꞌ maglumba holat tabi ni tabang Tuhan.

Suwat si Pol pa mman Baanan Sukuꞌ si Isa ndooy ni Rom 9:21

Mamintang kam ni tukang buwat kibut. Saꞌ ba, luu kapatut na magbayaꞌ bong oy karomanan na pinabuwat? Bong ina karomanan na subay tongaꞌ addunan na binuwat kibut lingkatan para siga llaw mulliya, boꞌ tongaꞌ binuwat kibut basaanan sadjaꞌ, iya du magbayaꞌ.

1 Korin 10:11

Na ilooy ilay ma bay katuwaꞌ ni kabboꞌ-bboan kami bay sinuwatan man mandaan kitabi ni timpu batnaa na, yana timpu man siga tunaꞌ njawom kitab pasal Almasi binakbul.

Galatiya 1:15

Sugaꞌ pag taabut gantaan Tuhan, lay na ku lliyun meꞌ na binuwat sosohoan na ni kaehe timbang na niyaku. Boꞌ ko hati, niyaꞌ gi san ku bay pōꞌ man jawom kūn induꞌ ku, ndang lay na ku peneꞌ Tuhan.

Epesus 2:10

Sugaꞌ saꞌ baw ina ga yaꞌ na puntukan hāl meꞌ buwat mahap. Arapun Tuhan bay muwanan kitabi kaallum bahau njawman si Isa Almasi supaya tabi buwat siga pabuwatan mahap. Batan ndang inaa bay garaꞌ na ningkitabi.

Kolossa 1:23

basta kam tattap jaꞌ pitsayaꞌ ni umanat mahap pasal si Isa. Sangkon daa na kam kuhi pinagsian man kabanahan njawom umanat mahap ma bay takale bi. Maka daa kam jamu ngaholat Tuhan numan mimon janjiꞌ na njawom umanat mahap. Umanat mahap ina, liput na junyaꞌ man na pinasaplag. Na ni sagannap ma bay pineneꞌ masaplag, kuwan disu, yana aku na situ.

Kolossa 1:6

Umanat mahap ina, liput na junyaꞌ man na pinasaplag sampay meka na jama pitsayaꞌ. Dari magsasōng na pin hāp kawul-piil da meꞌ karuha kaam na du. Batan saliꞌ-saliꞌ na du kam lay kale sampay kahati kabanahan pasal aseꞌ Tuhan.

1 Timuti 2:7

Ituu situ kon ku bay pineneꞌ meꞌ Tuhan binuwat rasul na nohoꞌ masaplag umanat mahap ni siga bangsa saꞌ Yahudi. Toan ku sila supaya sila mangando ni si Isa Almasi ka pitsayaꞌ ni tōꞌ sabanna. Na pitsayaꞌ jama atawa niyaꞌ, basta kanaalla jaꞌ baw situ bitsala ku. Yaꞌ ku pandoy ngandustaꞌ.

2 Timuti 1:11

Kuwan aku, lay na ku peneꞌ Tuhan binuwat disu rasul ka guru supaya tapasaplag ku umanat mahap.

2 Timuti 2:2

Siga tōꞌ ma bay takale nu man ku, yana tōꞌ ma bay pasaplag ku ni pag-awpan siga baanan jama, pasampayun na ni kalallahan ma taasahan nu, ma pandoy noan jama sarī.

Taytus 1:5

Na kau ina ndang katoonan nu na du, ngkon nu bay sohoꞌ ku pasangkod nnaa ni Krit supaya tapupus nu pabuwatan ma bay tagnaan ta. Boꞌ lay gi ko bay sohoꞌ ku nguwakilan jama binuwat siga pa-mmean ga baanan sukuꞌ si Isa ni mimon daira nnaa.

Hibrani 11:4

Pamintangan bi na si Habil ni awwal jaman. Sabapan pangando na pa Tuhan, kuwan ilooy ma bay songan na pa Tuhan mas mahap man ilooy ma bay songan kakaꞌ na si Kayin. Man tabi tau sabap ilooy bay songan si Habil bay hinasi meꞌ Tuhan. Maka sabapan pangando na, lay na ya awnan Tuhan jama intong. Sangkon minsan hallom na si Habil lay matoy, luu na pin pamintangan lay mbanan na ningkitabi sabapan pangando na.

Yaꞌkub 3:18

Boꞌ na, jama meꞌ looy ilay ma tiggo ngulihal kasalassayan, bong dalil ta pa pahuhuma, pagka sila bay naburan kasalassayan, pag toklas na, meka du kaintongan tomoꞌ ni paglahat da.

1 Pitel 3:15

Arapun ituu ya kannahun bi: Almasi yana Papuꞌ bi. Sangkon isbatun bi ya. Maka bila luu nilaw kaam bong oy kamumpaatan hinolat meꞌ bi taggahaꞌ ilu na kam mmeꞌ ni Almasi, subay kam ndang wā saddiya ka tampung ayad.

1 Pitel 3:2

pag takita da na hāp arat bi maka ehe maltabat bi pa Tuhan.

1 Yahiya 4:10

Na inawnan aseꞌ sabanna, saꞌ ga aseꞌ tabi pa Tuhan, arapun aseꞌ Tuhan ningkitabi. Batan atas na bay mapitu Anak na nohoꞌ nanggung mulkaꞌ ma subay siꞌ bay labuꞌ pa jataꞌ tabi. Dari puwas na dusa tabi maka lay na kitabi inampun meꞌ Tuhan.

1 Yahiya 4:19

Kitabi itu maaseꞌ sabap Tuhan bay duhuꞌ maasean kitabi.