Yahiya 15:15 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁵ Na meꞌ kaam ina ngawnan aku Papuꞌ bi, subay ga kam ata ku. Sugaꞌ bong inawnan ata ina, yaꞌ katoonan da bong oy garaꞌ papuꞌ da. Sangkon yaꞌ na kam awnan ku ata ku. Arapun awnan ta na kam bagay, batan lay na kam baan ku mimon ma bay takale ku man Mmaꞌ ku.

Yahiya 15:15 ပူးပေါင်းရင်းမြစ်များ

Matiyu 13:11

Tampung si Isa, “Kon meꞌ looy sabap pangahati pasal pamarinta Tuhan ma yaꞌ gi bay lahil maruhuꞌ, ndean na ningkaam, saꞌ ninsila.

Lukas 10:23

Pag-anu, ilooy ma paawop na baw si Isa pa mman ga mulit na, boꞌ na māꞌ ninsila sadjaꞌ, yuk na, “Njawom supaat kam sabapan siga pakaradjaan ma takita bi ni masa batnaa.

Yahiya 12:26

Soysoy doman buwat kahandak ku, subay du nūs lān ku supaya nnoy-nnoy mman ku, ndooy du ya. Maka sagannap ma buwat kahandak ku, mastiꞌ pinaehe sina mintu meꞌ Mmaꞌ ku.”

Yahiya 13:16

Na pagka Papuꞌ bi lay magpadiyoꞌ, sapatut na, kaam pun iyadu. Batan baan ta kam banahan, yaꞌ sina luu ata patingkat gi man papuꞌ na. Damikiyan yaꞌ du luu sosohoan patingkat gi man ilooy ma bay nohoꞌ iya.

Yahiya 15:20

Ingatun bi meꞌ halling sambat ku na siꞌ, ‘Yaꞌ sina luu ata patingkat labi gi man papuꞌ na.’ Sangkon, pagka aku bay nilaugan meꞌ da, kaam pun ina mastiꞌ nilaugan du. Bong siꞌ ilay ndang bay kinanna meꞌ da tōꞌ ku, malaingkan ningkaam pun ina, kinanna du.

Yahiya 16:12

“Meka gi situ karomanan ku pinamāꞌ ningkaam, sugaꞌ ddong na doꞌ sabap katoonan ku yaꞌ gi tahati bi.

Yahiya 17:26

Lay na ku malahil arat-tabiat nu ninsila. Boꞌ darahan ku na pin situ supaya aseꞌ da ni pagkahi da meꞌ aseꞌ nu du niyaku, maka supaya luu na pin ku njawom atay da.”

Yahiya 20:17

Yuk si Isa niiya, “Daa ku kuwangkutan nu. Pawus gi situ ku pa jataꞌ pa mman Mmaꞌ ku. Sugaꞌ tugun ku ningkau, pilay na ko pa mman siga danganakan ta. Baan nu sila pilay na ku pa jataꞌ pa mman Mmaꞌ ku, yana Mmaꞌ bi, pa mman Tuhan ku, yana Tuhan bi.”

Yahiya 4:19

Yuk danda looy, “Tuwan, bohoꞌ la tabista ku kau disu nabi.

Yahiya 8:26

Baan ta kam banahan, meka situ bitsala tapōꞌ ku man nusunan kaam, sugaꞌ daa na. Ituu jaꞌ pamāꞌ ku siga pakaradjaan ma bay takale ku man ilooy ma bay mapitu aku, ma sabana-bana bonto.”

Salsila siga Rasul 20:27

Batan yaꞌ ku bay paalang masampay ningkaam mimon ma katoonan ku pasal kahandak Tuhan.”

Suwat si Pol pa mman Baanan Sukuꞌ si Isa ndooy ni Rom 7:15

Yaꞌ tahati ku dī ku sabap san ku doman buwat kaintongan, yaꞌ baw pabuwat ku. Boꞌ na, gam pin pabuwat ku lagi kalaatan ma sinukang meꞌ ku.

1 Korin 2:16

Meꞌ halling sambat njawom kitab, “Soy toon njawom pamiki Tuhan? Soy kapagpandoyan iya?” Boꞌ kitabi itu, katoonan tabi bong oy njawom pamiki na batan sabapan Rū Sutsiꞌ, luu na ningkitabi pamiki Almasi.

Galatiya 4:6

Dari pagka anak Tuhan na kitabi, lay na kitabi pinaasokan leꞌ Tuhan Rū Anak na pa jawom atay tabi. Maka ilooy na poonan tabi dari na ngawnan Tuhan Mmaꞌ tabi.

Epesus 1:9

Boꞌ garaꞌ na ilay, ndang bay ginantaꞌ pinajatu njataꞌ si Isa Almasi, batan ndang inaa nulut ni kahandak na. Kamaatunan garaꞌ na ilay yaꞌ gi bay tasayu meꞌ manusiyaꞌ maruhuꞌ. Sakayi na pinalahil noy ningkitabi na ni timpu batnaa.

Epesus 3:5

Meꞌ halling sambat ku na siꞌ, kamaatunan garaꞌ Tuhan ina bay llimbuhan ni siga angkat-angkatan maruhuꞌ. Noy batnaa na boꞌ lay na pinalahil meꞌ Rū Sutsiꞌ ni siga rasul si Isa ka ga jama ma kaladjikian masampay siga umanat man Tuhan.

Kolossa 1:26

Umanat Tuhan ina, yana pasal ladjikiꞌ ma bay llimbuhan man manusiyaꞌ ni siga angkat-angkatan maruhuꞌ. Sugaꞌ pag batnaa, luu na bay pinalahil ni sukuꞌ Tuhan.

Pilimun 1:16

Maruhuꞌ ilay, ata nu jaꞌ ya. Pag batnaa, hagaan na ya man ata sabap lay na ya dari danganakan nu. Tud kinaasean sina ya meꞌ ku, sugaꞌ bistahan ku labi na kau saꞌ maaseꞌ niiya batan lay na halin arat-tabiat na. Batnaa ina, taasahan nu na ya. Boꞌ na, lay na ya dari danganakan nu tibuuk du ka Papuꞌ.

Yaꞌkub 1:1

Ituu itu aku, si Yaꞌkub, disu ata Tuhan ka Papuꞌ tabi si Isa Almasi. Itu suwat ku pa mman bi siga sukuꞌ Tuhan ma magkanatan ni kalahat-lahatan, yana kaam ma meꞌ aku du tabeꞌ ni panubuꞌ siga anak Nabi Yaꞌkub sikasapu-duwa. Salam duwaa ningkaam sikamimon.

Yaꞌkub 2:23

Ilooy ilay siꞌ hatiyan suwat looy njawom kitab, ilooy ma yuk na, “Lay pitsayaꞌ si Ibrahim ni palman Tuhan sampay ilooy na man na bay initung meꞌ Tuhan intong.” Boꞌ lay gi ya ginalla bagay Tuhan.

1 Pitel 1:11

Bana na, ndang bay silay tahati da luu tukang nalamat lakka man Tuhan takka bbos-bbos. Sugaꞌ papiha-piha na pin baw sila bong soy ilooy ma bay tinunaꞌ meꞌ da maka sumilan ya lahil. Bay baw pinalahil ninsila meꞌ Rū Almasi, pag pōꞌ tukang nalamat looy bbos-bbos, duhuꞌ doꞌ ya lumingkaꞌ njawom kabinsanaan boꞌ na koleꞌ kabantugan mehe.

2 Pitel 1:1

Ituu itu aku, si Saymon Pitel, disu ata si Isa Almasi. Maka aku itu disu rasul na. Itu suwat ku pa mman bi ma pitsayaꞌ na du ni si Isa Almasi, yana Tuhan tabi ka tukang nalamat kitabi. Ni kaintong na, yaꞌ ya minig jama, batan kaam pun ina, meꞌ kami na du, bay kaladjikian saliꞌ-saliꞌ buwatan hagaan, yana pangando tabi niiya.

Suwat Lakka man si Jūd 1:1

Aku itu si Jūd, disu ata si Isa Almasi. Maka aku itu danganakan si Yaꞌkub. Itu suwat ku pa mman bi, sagannap ma bay lliyun meꞌ Mmaꞌ tabi Tuhan binuwat sukuꞌ na, yana kaam ma kinaasean meꞌ na sampay inayaran meꞌ si Isa Almasi.

Siga Pakaradjaan bay Pinalahil 1:1

Isi kitab tuu yana siga pakaradjaan ma bay pinalahil meꞌ si Isa Almasi, yana hāl ma yaꞌ na hallom talpaksaꞌ tinakdil. Labbasakayi lay na bay pinamāꞌ meꞌ Tuhan ni si Isa supaya tapalahil na meꞌ na ni siga sosohoan na. Meꞌ si Isa bay malahil, lay ya bay nohoꞌ malaikat na pa mman sosohoan na si Yahiya, yana aku.