Yahiya 15:11 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹¹ Ngkon kam ilay siꞌ ndang lay na baan ku meꞌ looy supaya kam kapatabeꞌ ni kagakan ku maka supaya yaꞌ na luu kulang kagakan bi.

Yahiya 15:11 ပူးပေါင်းရင်းမြစ်များ

Lukas 15:23

Maka kaddoun bi sapiꞌ baddung looy ma bay pinalammok, boꞌ sumbaliun bi man tabi maglami-lami.

Lukas 15:32

Pasal ariꞌ nu ina, pataꞌ subay paglami-lamihan ta ka ballang mehe sabap iya ina, sibuꞌ du kadari na ka jama bay na matoy llum na pabalik. Bay na ya lungay, pag batnaa luu na tatammu.’ ”

Lukas 15:5

Na pag ilay mintu tatammu bi, tud gāk sina kam sampay panangkit bi na binoo moleꞌ.

Lukas 15:9

Pag lay jaꞌ ilay mintu tatammu na, bbuwatan na ngaddoꞌ ga kabagayan na ka ga jama bihing lumaꞌ na binoo nginum-mangan. Yuk na, ‘Maglami-lami doꞌ kitabi sabap luu na tatammu ku dublun ku ma bay lungay!’

Yahiya 16:24

Halloman tabi dambuwaꞌ, yaꞌ gi luu bay paku bi niiya ni awon ku. Sugaꞌ batnaa, maku jaꞌ kam niiya. Mastiꞌ nduwan jaꞌ sina kam supaya pannoꞌ na atay bi leꞌ kagakan.”

Yahiya 16:33

Ni junyaꞌ tuu tu, mastiꞌ lumingkaꞌ jaꞌ sina kam ni jinisan kamalasahiyan. Sugaꞌ pagakun bi jaꞌ atay bi batan lay na situ ku tumanjataꞌ man mimon kasusahan njawom junyaꞌ. Aku ilay bay maan kaam ilooy siꞌ labbasakayi supaya sannang na atay bi man sabapan pagkatibuuk bi ka aku.”

Yahiya 17:13

“Batnaa tu Maꞌ, song moleꞌ na ku pa mman nu. Sugaꞌ pakalehan ku doꞌ siga mulit ku bitsala ku meꞌ tuu padpad ku masi ni junyaꞌ tuu. Kon meꞌ looy supaya meꞌ aku na du sila pannoꞌ na atay da leꞌ kagakan.

Yahiya 3:29

Ndang katoonan ku du pag luu jaꞌ Almasi, talpaksaꞌ pasōng kabantugan na, boꞌ niyaku tu, talpaksaꞌ pakulang. Iya ilay meꞌ sapantun disu pangantin ma lalla, boꞌ sagannap ma mmeꞌ niiya meꞌ sapantun pangantin ma danda. Sangkon bong sikamimon bahuklud pa mman na, malaingkan biddaꞌ na ehe kagakan ku, batan inawnan pangantin ma danda, ndang sukuꞌ na. Boꞌ aku tu meꞌ sapantun bagay pangantin ma lalla sadjaꞌ nangge ni bihing na. Maka gāk ku pakale ni bitsala na.

Suwat si Pol pa mman Baanan Sukuꞌ si Isa ndooy ni Rom 15:13

Na meꞌ Tuhan ina pag-asa tabi, kamura-murahan buwanan na du kam kagakan mehe maka kasannangan njawom atay bi sabap meꞌ bi pitsayaꞌ ni Papuꞌ Isa. Kamura-murahan sabap meꞌ bi pitsayaꞌ, ginaosan du kam meꞌ kawasa Rū Sutsiꞌ supaya pabasag na pin holat bi pa Tuhan.

2 Korin 1:24

Kamasaꞌ, yaꞌ du baw tu ga subay na pin kam pastul kami ni hāl pangando bi ni Almasi. Ndang katoonan kami na du hallot na pangando bi niiya. Kami tu, doman jaꞌ nabangan kaam supaya yaꞌ maglumba kagakan bi.

Epesus 5:18

Daa kam maglangohan batan inaa na sina poonan jama buwat jinisan kasabuhan. Arapun lillaꞌ jaꞌ kam pinagbayaan meꞌ Rū Sutsiꞌ.

Pilipi 1:25

Sangkon tatantu ku humallom gi situ ku ntuu ni junyaꞌ. Meꞌ looy ilay, katabang na pin ku ningkaam supaya magsasōng na pin kagakan bi ka pangando bi ni Almasi.

1 Tesaloneka 5:16

Ni mimon kahalan bi, pagakun bi atay bi.

1 Pitel 1:8

Minsan ina kam yaꞌ bay pingkaꞌ ngita si Isa ngabut sampay batnaa, maaseꞌ du kam niiya maka tattap du pangando bi niiya. Sangkon pannoꞌ atay bi meꞌ kagakan saꞌ alang-alang,

1 Yahiya 1:4

Maka kon ku itu nuwatan kaam supaya pannoꞌ na atay tabi leꞌ kagakan saliꞌ-saliꞌ.

2 Yahiya 1:12

Meka gi situ karomanan ku pinamāꞌ ningkaam, sugaꞌ yaꞌ na doꞌ patabeꞌ ku ni suwat tuu. Bong yaꞌ luu baya-baya, pilu sa ku ngandaꞌ-ngandaꞌ kaam, boꞌ tabi kapagbitsala balharapan mari pannoꞌ na atay tabi leꞌ kagakan saliꞌ-saliꞌ.