Yahiya 14:9 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁹ Pag tampung si Isa, “Uy Pilip, meꞌ looy na bay hallom tabi lungbid, masi gi ku yaꞌ katoonan nu? Bong bina jama bay na ngita aku, malaingkan bay du ya ngita Mmaꞌ ku. Ongoy taggahaꞌ nohoꞌ gi ko pinakitahan Mmaꞌ ku?

Yahiya 14:9 ပူးပေါင်းရင်းမြစ်များ

Panagnaan 26:9

Dari ilooy ma tinawag meꞌ na si Isahak. Luu jaꞌ siꞌ, yuk Sultan Abimalik niiya, “Nda nu bilay hati danda looy! Ongoy taggahaꞌ yuk nu danganakan nu ya?” Pag tampung si Isahak, “Ilooy baw ba la kahanggawan ku taggahaꞌ pinapatoy ku leꞌ jama pin takoleꞌ da jaꞌ nda ku sabap mahap ya danda.”

Malkus 9:19

Yuk si Isa, “Uy la, angkat-angkatan batnaa tud kulang bitu pangando da pa Tuhan! Meꞌ noy na pin doꞌ tu hallom ku dambuwaꞌ ka kaam natasan arat bi boꞌ bi pitsayaꞌ?” Pag-anu, yuk na ni lalla looy siꞌ, “Bōn na pitu anak nu.”

Lukas 12:56

Pandoy baw kam mindogahan kaadaan lahat, sugaꞌ ongoy baw taggahaꞌ yaꞌ san tabistu bi bong oy pabuwat Tuhan ni batnaa? Mag-awam-awaman jaꞌ bitu kam.

Yahiya 1:14

Na Palman ilay bay dari manusiyaꞌ sampay lay gi pingkaꞌ magdambuwaꞌ ka kami. Biddaꞌ na ehe aseꞌ na maka bana sadjaꞌ mimon bitsala na. Kami mismu bay kasakup ehe kaayaran na, yana kaayaran Anak tungga ma bay pitu lakka man Mmaꞌ na Tuhan.

Yahiya 10:30

Kami tu ka Mmaꞌ ku tibuuk.”

Yahiya 12:45

Damikiyan, soysoy ngita aku, takita na du ilooy ma bay mapitu aku.

Yahiya 14:20

Ni waktu looy ilay mintu, bohoꞌ tabistu bi na kami ka Mmaꞌ ku tibuuk, maka kaam pun ka aku tibuuk du.

Yahiya 14:7

Bong sabana-bana katoonan bi ku, malaingkan katoonan bi du Mmaꞌ ku. Ni sabana na, labba man batnaa, katoonan bi na Mmaꞌ ku maka ndang lay na ya takita bi.”

Yahiya 8:19

Tilaw da baw siꞌ tu niiya, “Ninggai man Mmaꞌ nu?” Pag tampung si Isa, “Kaam ina, yaꞌ ku katoonan bi maka yaꞌ du katoonan bi Mmaꞌ ku. Batan bong siꞌ ilay ndang bay ku katoonan bi, mastiꞌ katoonan bi jaꞌ du Mmaꞌ ku.”

1 Korin 15:12

Na jaman kami bay masaplag umanat mahap pasal Almasi ningkaam, saꞌ ba, bay halling kami, pus Papuꞌ Isa bay pinapatoy, lay na ya pinakallum pabalik? Pagka meꞌ looy, ongoy baw taggahaꞌ luu gi kasohean kam nnaa māꞌ yaꞌ luu masa jama ma lay na matoy pinakallum pabalik?

Pilipi 2:6

Bistahun bi doꞌ, minsan sibuꞌ pagkaTuhan na ka Mmaꞌ na, yaꞌ du ya bay palogos nohoꞌ pinaehe.

Kolossa 1:15

Na Tuhan ina yaꞌ takita, sugaꞌ man sabapan si Isa Almasi, sibuꞌ na du ka takita tabi arat-tabiat Tuhan ka kawasa na. Batan si Isa ina pulnaꞌ limbagan Tuhan. Maka ginalla du ya Anak Siyaka sabap iya ngantanan kawasa-kapatut njataꞌ mimon ma bay pinapayak.

Hibrani 1:3

Maka njataꞌ Anak na, takita tabi na kawasa ka kaayaran Mmaꞌ na Tuhan, batan iya sabana-bana limbagan arat-tabiat Tuhan. Pooy-pooy kadari Tuhan, meꞌ naa du sina Anak na. Boꞌ Anak na ina magbayaan mimon-mimon ni sikaliput alam man kawasa palman na mari yaꞌ pulak-palik. Maka iya ilay bay muwasan dusa tabi mari kitabi sutsiꞌ na pa Tuhan. Pus meꞌ looy, lay na ya pabeleng pa sulgaꞌ boꞌ na ningkōꞌ ni bihing Tuhan Sangat Kawasa huwin pa kawnan.

1 Yahiya 5:20

Damikiyan, katoonan tabi na du luu na bay pitu Anak Tuhan pa junyaꞌ. Maka lay na ya muwanan kitabi pangahati supaya dari na kitabi lungbid ka Tuhan sabanna. Pag batnaa tibuuk na kitabi ka Tuhan sabanna sabap meꞌ tabi tibuuk na ka Anak na si Isa Almasi. Iya ina Tuhan sabanna maka poonan kasampulnaan nyawa ma yaꞌ luu katapusan na.