Yahiya 14:3 - Sabahagiꞌ Kitab Tawrat: Panagnaan ni Awwal Jaman maka Kitab Injil

³ Pus ku mintu manyapan kaam, boꞌ ku sa pabeleng ngokoman kaam supaya nnoy-nnoy mman ku, ndooy du mman bi.

Yahiya 14:3 ပူးပေါင်းရင်းမြစ်များ

Yahiya 12:26

Soysoy doman buwat kahandak ku, subay du nūs lān ku supaya nnoy-nnoy mman ku, ndooy du ya. Maka sagannap ma buwat kahandak ku, mastiꞌ pinaehe sina mintu meꞌ Mmaꞌ ku.”

Yahiya 14:28

“Na meꞌ halling sambat ku na nsiniꞌ, palakka na doꞌ ku boꞌ bi sa beleng ku. Na bong ina kam maaseꞌ du niyaku, mastiꞌ gāk jaꞌ sina kam song pilay na ku pa mman Mmaꞌ ku batan patingkat ya man aku.

Yahiya 14:4

Kaam ina, katoonan bi na du lān pa lahat ma tiluꞌ ku.”

Yahiya 17:24

“Maꞌ, kainagon ku sila ma bay halap nu niyaku wā dambuwaꞌ ka aku. Meꞌ looy ilay, takita da na ehe kabantugan ku, yana kabantugan bay pamuwan nu niyaku sabap ndang kakasi nu ku yaꞌ gi bay pinapayak junyaꞌ.

Salsila siga Rasul 1:11

Yuk da, “Kaam, jama Jalil, ongoy tu amu-amu kam ngahangad langit? Si Isa ilay siꞌ ma bay takita bi inangkat pa sulgaꞌ, luu du sina masa na pabeleng. Pag duwai na ina bbos-bbos, sibuꞌ du hantang na ka waktu na siꞌ bay dutai.”

Suwat si Pol pa mman Baanan Sukuꞌ si Isa ndooy ni Rom 8:17

Maka pagka anak Tuhan na kitabi, mastiꞌ mimon supaat ma dean Tuhan ni Almasi, dean na du sina ningkitabi. Maka hampit na du sina mintu tabi ni kabantugan Almasi basta kitabi mangatas jaꞌ natasan jinisan kabinsanaan meꞌ niiya.

Pilipi 1:23

Kaawran ku mamiki. Bong siꞌ aku kabean, doman na ku ngambanan junyaꞌ tuu batan mas mahap gi niyaku kapagdambuwaꞌ na ka Almasi.

2 Tesaloneka 1:12

Meꞌ looy ilay mintu, koleꞌ na Papuꞌ tabi si Isa kabantugan man sabapan bi. Damikiyan kaam pun, koleꞌ na du kabantugan man sabapan na. Na ituu itu siꞌ, binakbul jaꞌ sina mintu man sabapan aseꞌ-tabang Tuhan tabi ka Papuꞌ tabi si Isa Almasi ni jataꞌ bi.

2 Timuti 2:12

Bong itu kitabi natas na pin njawom kamalasahiyan kalnaꞌ iya, mastiꞌ kapatabeꞌ du kitabi niiya magsultan ni sinōng. Sugaꞌ bong kitabi yaꞌ kuhi mangaku sukuꞌ na kitabi, malaingkan yaꞌ du kitabi aku na sukuꞌ na.

Hibrani 9:28

Damikiyan Almasi pun, sakayi du bay matoy mari tatanggung na dusa manusiyaꞌ. Pabeleng gi du ya ni sinōng, sugaꞌ saꞌ na maksud na mintu nanggung dusa. Arapun ilooy sa kon na lahil pabalik supaya tasalamat na sagannap ma ngagad ni katakka na.

Siga Pakaradjaan bay Pinalahil 3:21

“Na soysoy ina kanaalla mmeꞌ niyaku tanne-pasuꞌ, malaingkan buwanan ku sina mintu kapatut ningkōꞌ ni bihing ku mmeꞌ marinta niyaku. Aku pun itu, lay du ku magkanaalla mmeꞌ ni Mmaꞌ ku tanne-pasuꞌ sampay luu na pin ku ningkōꞌ ni bihing na mmeꞌ marinta.