Yahiya 14:21 - Sabahagiꞌ Kitab Tawrat: Panagnaan ni Awwal Jaman maka Kitab Injil

²¹ Soysoy ina nganna sampay mean siga panohoan ku, iya na maaseꞌ niyaku. Maka sagannap ma maaseꞌ niyaku kinaasean du meꞌ Mmaꞌ ku. Aku pun maaseꞌ du ninsila sampay malahil gi ku ninsila hāl pasal dī ku.”

Yahiya 14:21 ပူးပေါင်းရင်းမြစ်များ

Lukas 11:28

Sugaꞌ yuk si Isa, “Labi na baw bilay Daꞌ saꞌ sinupaatan sagannap ma pakale sampay ngasip ni palman Tuhan.”

Yahiya 14:15

Maka yuk si Isa, “Bong kam maaseꞌ du niyaku, mastiꞌ bean bi jaꞌ sina siga panohoan ku.

Yahiya 14:18

“Na san ku ina lakka, yaꞌ du sina kam mbanan ku meꞌ saparati siga anak iluꞌ-iluꞌ iyatin. Basta beleng ta du kam sina.

Yahiya 15:14

Boꞌ kaam na sina kabagayan ku bong bean bi jaꞌ siga panohoan ku.

Yahiya 16:14

Moo gi sina ya mintu kabantugan mehe niyaku sabap malahil ya ningkaam kabanahan lakka man aku.

Yahiya 16:27

Ndang-ndang, kinaasean du kam meꞌ Mmaꞌ ku sabap meꞌ bi maaseꞌ niyaku maka sabap meꞌ bi pitsayaꞌ aku bay pitu lakka man iya.

Yahiya 17:23

Kainagon ku tibuuk na sila meꞌ karuha pagkatibuuk ku ka sila atawa meꞌ karuha pagkatibuuk nu ka aku. Kamura-murahan dambuwaꞌ atay na sila banahan supaya tumatandaꞌ ni manusiyaꞌ kau bay mapitu aku. Meꞌ looy ilay, tabista jama na aseꞌ nu ni siga sukuꞌ ku sibuꞌ du ka aseꞌ nu niyaku.

Salsila siga Rasul 22:18

Njawom pandapat ku, luu Papuꞌ Isa takita ku mitsala niyaku, yuk na, ‘Lakka na ko deꞌ-dēꞌ man Jerusalem mari ko yaꞌ kongoy-kongoy sabap siga jama ntuu yaꞌ ngahasi umanat nu pasal aku.’

2 Korin 12:8

Min tallu na situ bay njunjung meꞌ ku nohoꞌ llakkahan ni Papuꞌ.

2 Korin 3:18

Dari kitabi itu batnaa, pagka lai na kinaddoan tambun ni pamiki tabi, tumampak na ningkitabi ehe kaayaran Papuꞌ. Maka hangat kinanna meꞌ tabi kaayaran na, hinalin na pin sina pagkajama tabi leꞌ Rū na ngabut sampay sumibuꞌ na kitabi ka arat-tabiat na.

2 Korin 4:6

Na jaman junyaꞌ ilay bay pinapayak, lay Tuhan nohoꞌ dantaꞌ ninag njawom lindom. Pag batnaa, sibuꞌ du ka lay balikan na batan lay na baw ya marantaan pamiki tabi. Dari tahati tabi na ehe kaayaran na man sabapan pabuwatan na bay mapitu si Isa Almasi pa junyaꞌ.

2 Tesaloneka 2:16

Na siga danganakan, kakasi Tuhan, kamura-murahan pinagamgaman na pin atay bi meꞌ Mmaꞌ tabi Tuhan ka Papuꞌ tabi si Isa Almasi. Kamura-murahan ginaosan na pin kam meꞌ Tuhan mari mahap jaꞌ mimon tangge-tingkōꞌ bi ka bitsala bi. Batnaa, sabap Tuhan poonan tabang mehe ningkitabi, luu na kagakan njawom atay tabi saumu sampay holat ayad saꞌ alang-alang.

2 Timuti 4:22

Katapusan bitsala ku, kamura-murahan inunungan na pin ko meꞌ Papuꞌ sampay binuwanan barakat. Wassalam

1 Yahiya 2:5

Sugaꞌ soysoy ngasip ni siga panohoan Tuhan, tumatandaꞌ tattap aseꞌ na pa Tuhan. Maka sabap meꞌ tabi ngasip, inaa na man tabi katantu tibuuk kitabi ka Tuhan.

1 Yahiya 3:1

Bistahun bi doꞌ ehe aseꞌ Mmaꞌ tabi Tuhan njataꞌ tabi. Lay na ga tabi awnan na anak na. Boꞌ tud bana du baw situ kitabi anak na. Sugaꞌ kuwan siga jama ma mandang jaꞌ hāl junyaꞌ, yaꞌ tahati da ga anak Tuhan na kitabi batan yaꞌ katoonan da Tuhan.

1 Yahiya 5:3

Meꞌ tabi makitahan Tuhan aseꞌ tabi niiya, bean tabi jaꞌ siga panohoan na. Boꞌ siga panohoan na ina yaꞌ du bohat binogbogan

2 Yahiya 1:6

Bong ina kitabi maaseꞌ ni Tuhan ka siga pagkahi tabi manusiyaꞌ, mastiꞌ bean tabi jaꞌ oy-oy sohoꞌ Tuhan ningkitabi. Boꞌ man maruhuꞌ lagi, ndang bay na kitabi sohoꞌ na sikaaseꞌ-kaaseꞌ.

Siga Pakaradjaan bay Pinalahil 2:17

“Na kaam ma pakale, kannahun bi paayad halling Rū Tuhan ningkaam siga baanan sukuꞌ ku. “Na soysoy ina kanaalla mmeꞌ niyaku tanne-pasuꞌ, malaingkan buwanan ku ya kinakan man sulgaꞌ inawnan manna. Maka buwanan ku ya disu batu poteꞌ man bay nuwatan awon na bahau ma yaꞌ luu toon sarī man iya ma binuwanan.”

Siga Pakaradjaan bay Pinalahil 22:14

“Njawom supaat sina sagannap ma mopoan juba da mari yaꞌ na luu tamak na, batan binuwanan sila kapatut pingkaꞌ man siga lawang paasok pa jawom daira looy. Maka binuwanan du sila kapatut mangan buwaꞌ kayu looy ma muwan kaallum ma yaꞌ luu katapusan na.

Siga Pakaradjaan bay Pinalahil 3:20

“Aku itu meꞌ sapantun jama nangge ni poan lawang bi nugtug kawu-kawu binukisan. Na soysoy ina bay kale suwara ku sampay nohoꞌ aku paasok, malaingkan paasok du ku pa mman na sampay mmeꞌ na ku pasawu mangan niiya.