Yahiya 14:2 - Sabahagiꞌ Kitab Tawrat: Panagnaan ni Awwal Jaman maka Kitab Injil

² Ni okoman Mmaꞌ ku ilay, meka patannaan na. Boꞌ aku tu batnaa song pilay na manyap patannaan para ningkaam. Yaꞌ situ ku māꞌ meꞌ tuu ningkaam bong yaꞌ bana.

Yahiya 14:2 ပူးပေါင်းရင်းမြစ်များ

Lukas 14:22

Pag poleꞌ tindog na balik, yuk na, ‘Tuwan, lay na siꞌ ku ngasip panohoan nu, sugaꞌ masi gi du meka paningkoan yaꞌ magjama.’

Yahiya 13:33

Maka yuk si Isa lagi, “Siga anak, dangkitiꞌ sa situ waktu ku kapagdambuwaꞌ ka kaam. Pag yaꞌ jaꞌ ku ina mintu luu, piha bi du sina ku, sugaꞌ meꞌ bay halling sambat ku na siꞌ ni siga pagkahi tabi Yahudi, bong inawnan lahat ma tiluꞌ ku, yaꞌ kam kapilay.

Yahiya 13:36

Tilaw si Saymon Pitel baw, “Papuꞌ, paninggai lay la tiluꞌ nu?” Pag tampung si Isa, “Bong ni batnaa, yaꞌ gi kam kapa-mmeꞌ pa lahat ma tiluꞌ ku. Bbos-bbos boꞌ bi sa patuhut.”

Yahiya 14:28

“Na meꞌ halling sambat ku na nsiniꞌ, palakka na doꞌ ku boꞌ bi sa beleng ku. Na bong ina kam maaseꞌ du niyaku, mastiꞌ gāk jaꞌ sina kam song pilay na ku pa mman Mmaꞌ ku batan patingkat ya man aku.

Yahiya 16:4

Na ngkon kam tu ndang baan ku na duhuꞌ supaya pag taabut mintu kam pinabuwat meꞌ looy, yaꞌ na kam jayip. Batan taintom bi na ndang lay na kam baan ku. Sibuwa san kam yaꞌ na bay baan ku batan aku du tiluꞌ jama pinakaat, saꞌ du kaam. Sugaꞌ yaꞌ jaꞌ ina ku mintu luu, kaam na baw sina llān meꞌ da.

Yahiya 17:24

“Maꞌ, kainagon ku sila ma bay halap nu niyaku wā dambuwaꞌ ka aku. Meꞌ looy ilay, takita da na ehe kabantugan ku, yana kabantugan bay pamuwan nu niyaku sabap ndang kakasi nu ku yaꞌ gi bay pinapayak junyaꞌ.

Salsila siga Rasul 9:16

Baan ku sa ya, mastiꞌ lumingkaꞌ jaꞌ sina ya mintu njawom jinisan kabinsanaan sabap meꞌ na masaplag pasal aku.”

2 Korin 5:1

Na baran tabi itu meꞌ sapantun lumaꞌ sandaꞌ-sandaꞌ jaꞌ man tabi pahantiꞌ halloman tabi taꞌ junyaꞌ. Maka katoonan tabi du, bong lay na langkat, mastiꞌ luu du gantiꞌ na lumaꞌ bahau ndooy ni sulgaꞌ. Intong na, baran bahau. Boꞌ lumaꞌ looy ilay mintu saꞌ na meꞌ hantang lumaꞌ ma pinabuwat meꞌ manusiyaꞌ, batan lakka man Tuhan ka natas saumu-umu.

1 Tesaloneka 5:9

Boꞌ pataꞌ du silay ningkitabi ngaholat meꞌ looy batan ndang garaꞌ Tuhan ina nalamat kitabi. Inaa sina kon na bay mapitu Papuꞌ tabi si Isa Almasi pa junyaꞌ. Saꞌ kahandak na ngalabuan kitabi mulkaꞌ.

Hibrani 11:10

Sugaꞌ ni katuwaan na bana, ilooy ya agad ga Nabi Ibrahim yana daira kakka bay pinatangge meꞌ Tuhan mismu. Boꞌ yaꞌ na kuhi langkat saumu-umu.

Hibrani 13:14

Ndang-ndang, yaꞌ du luu daira tabi kakka ni junyaꞌ tuu. Ilooy ya agad tabi yana daira ma natas saumu lakka man sulgaꞌ.

Hibrani 9:8

Dari sabap meꞌ looy siꞌ, pinalahil na meꞌ Rū Sutsiꞌ ningkitabi inaa halloman jama njawman pagsulutan sibuwa, yaꞌ luu dapat da paasok pa jawom Lugar Pinakasutsiꞌ ni awpan Tuhan.

Siga Pakaradjaan bay Pinalahil 1:5

Maka kamura-murahan binuwanan na pin kam kasannangan ka barakat meꞌ si Isa Almasi, ilooy ma kanaalla masampay kabanahan pasal Tuhan. Iya ilay bay duhuꞌ pinakallum pabalik ka baran ma yaꞌ na kuhi matoy. Maka iya du marintahan mimon panghuluꞌ ni sikaliput junyaꞌ. Ni kaehe aseꞌ na ningkitabi, atas na man lahaꞌ na bay tumpa supaya tapaddusan na kitabi man hisab ni dusa tabi.

Siga Pakaradjaan bay Pinalahil 21:2

Maka luu gi takita ku duwai man sulgaꞌ daira sutsiꞌ, yana Jerusalem bahau lakka man Tuhan. Daira looy siꞌ tud dorogan. Bong nnaꞌ ta pa danda, subay ga disu pangantin danda ayad gamis na. Maka lakkop na ya meꞌ mmas man na magpalingkat banahan pag taabut na kinawin ka pangantin ma lalla.

Siga Pakaradjaan bay Pinalahil 3:12

“Na soysoy ina kanaalla mmeꞌ niyaku tanne-pasuꞌ, malaingkan pabuwat ku ya meꞌ karuha tehang pagon ni lumaꞌ Tuhan batan tattap ndooy na ya saumu-umu. Maka sāpan ku ya ka awon Tuhan sampay awon daira Tuhan, yana Jerusalem ma bahau ma pinaduwai man sulgaꞌ lakka man Tuhan. Damikiyan sāpan ku du ya ka awon ku ma bahau.

Siga Pakaradjaan bay Pinalahil 3:21

“Na soysoy ina kanaalla mmeꞌ niyaku tanne-pasuꞌ, malaingkan buwanan ku sina mintu kapatut ningkōꞌ ni bihing ku mmeꞌ marinta niyaku. Aku pun itu, lay du ku magkanaalla mmeꞌ ni Mmaꞌ ku tanne-pasuꞌ sampay luu na pin ku ningkōꞌ ni bihing na mmeꞌ marinta.