Yahiya 14:15 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁵ Maka yuk si Isa, “Bong kam maaseꞌ du niyaku, mastiꞌ bean bi jaꞌ sina siga panohoan ku.

Yahiya 14:15 ပူးပေါင်းရင်းမြစ်များ

Matiyu 10:37

“Soysoy maaseꞌ ni induꞌ mmaꞌ na labi man aku, yaꞌ ya tawop inawnan sukuꞌ ku. Damikiyan, soysoy maaseꞌ ni ga anak na labi man aku, yaꞌ du ya tawop inawnan sukuꞌ ku.

Yahiya 8:42

Yuk si Isa baw siꞌ tu, “Bong siꞌ bay mattan Tuhan Mmaꞌ bi, mastiꞌ maaseꞌ jaꞌ kam niyaku batan aku tu bay pitu lakka mman na. Yaꞌ ku bay pitu ni pamiki ku dī ku, arapun iya mismu bay mapitu aku.

1 Korin 16:22

Kamura-murahan soysoy yaꞌ luu aseꞌ na ni Papuꞌ Isa sinumpaan du meꞌ Tuhan. Kamura-murahan takka na Papuꞌ deꞌ-dēꞌ.

Galatiya 5:6

Dari meꞌ kitabi itu tibuuk na ka si Isa Almasi, katoonan tabi na yaꞌ luu pagbiddaan pa Tuhan bong jama bay inislam atawa niyaꞌ. Ilooy du puntukan banahan yana pangando tabi niiya ma takita ni aseꞌ tabi ni pagkahi tabi manusiyaꞌ.

Epesus 6:24

Maka kamura-murahan luu na pin barakat man Tuhan ni jataꞌ sagannap ma yaꞌ kuhi maglumba aseꞌ da saumu-umu ni Papuꞌ tabi si Isa Almasi. Wassalam

1 Pitel 1:8

Minsan ina kam yaꞌ bay pingkaꞌ ngita si Isa ngabut sampay batnaa, maaseꞌ du kam niiya maka tattap du pangando bi niiya. Sangkon pannoꞌ atay bi meꞌ kagakan saꞌ alang-alang,

2 Yahiya 1:6

Bong ina kitabi maaseꞌ ni Tuhan ka siga pagkahi tabi manusiyaꞌ, mastiꞌ bean tabi jaꞌ oy-oy sohoꞌ Tuhan ningkitabi. Boꞌ man maruhuꞌ lagi, ndang bay na kitabi sohoꞌ na sikaaseꞌ-kaaseꞌ.