Yahiya 14:10 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁰ Marean ta yaꞌ lagi ko pitsayaꞌ kami ka Mmaꞌ ku tibuuk. Ndang bay na kam baan ku, mimon bay bitsala ku ningkaam saꞌ lakka man dī ku, arapun lakka man Mmaꞌ ku. Damikiyan, mimon pabuwatan kahaylan-haylan bay pōꞌ ku, lakka man kawasa Mmaꞌ ku du ma tibuuk ka aku.

Yahiya 14:10 ပူးပေါင်းရင်းမြစ်များ

Yahiya 10:30

Kami tu ka Mmaꞌ ku tibuuk.”

Yahiya 10:38

Sugaꞌ pagka lai, minsan kam yaꞌ doman pitsayaꞌ ni bitsala ku, subay siꞌ pitsayaꞌ na kam niyaku sabapan siga pabuwatan meꞌ looy. Bong siꞌ ilay kam bay mindoga ni siga pabuwatan looy, tahati bi jaꞌ sampay tatantu bi na tibuuk kami ka Mmaꞌ ku.”

Yahiya 11:26

Maka sagannap ma llum, hati na, sagannap ma pitsayaꞌ niyaku, ni sabana na, yaꞌ na sila matoy saumu.” Pag-anu, yuk na ni si Malta, “Pooy bong kau? Pitsayaꞌ du ko?”

Yahiya 12:49

Batan tōꞌ ku tu, yaꞌ lakka man pamiki ku dī ku, arapun lakka man Mmaꞌ ku ma bay mapitu aku. Iya nohoꞌ aku bong oy subay tinōꞌ meꞌ ku.

Yahiya 14:11

Pitsayaꞌ na kam ba ni bitsala ku. Kami bitu ka Mmaꞌ ku tibuuk. Bong sawpama masi gi kam kaawran pitsayaꞌ ni bitsala ku, subay siꞌ pitsayaꞌ na kam sabapan siga pabuwatan kahaylan-haylan bay pōꞌ ku.

Yahiya 14:20

Ni waktu looy ilay mintu, bohoꞌ tabistu bi na kami ka Mmaꞌ ku tibuuk, maka kaam pun ka aku tibuuk du.

Yahiya 14:24

Boꞌ jama ina ma yaꞌ maaseꞌ niyaku, mastiꞌ yaꞌ du mmeꞌ ni bitsala ku. Subay siꞌ saꞌ meꞌ naa batan umanat ma takale bi man ku lakka man Mmaꞌ ku ma bay mapitu aku, saꞌ lakka man dī ku.

Yahiya 17:8

Mimon bay sohoꞌ nu pinamāꞌ niyaku, lay na pasampay ku ninsila, sampay lay na du bay kinapitsayaan meꞌ da. Katoonan da na bana aku lakka mman nu. Pitsayaꞌ na sila kau bay mapitu aku.

Yahiya 3:2

Disu sangom, lay ya pilay pa mman si Isa. Takka ndooy yuk na, “Tuwan, katoonan kami kau guru lakka man Tuhan. Yaꞌ sina ko kapōꞌ siga pakaradjaan kahaylan-haylan meꞌ ilooy ma bay pabuwat nu bong yaꞌ luu kawasa Tuhan njataꞌ nu.”

Yahiya 5:17

Sugaꞌ yuk si Isa ninsila, “Mmaꞌ ku ina buwat na pin llaw-llaw ngabut sampay batnaa. Aku pun mastiꞌ buwat jaꞌ du.”

Yahiya 5:19

Dari yuk si Isa lagi ninsila, “Baan ta kam banahan, bong itu dangan-dangan ku sadjaꞌ, yaꞌ situ luu tapabuwat ku, batan ilooy du pabuwat ku ma takita ku pinabuwat meꞌ Mmaꞌ ku. Dari oy-oy pinabuwat meꞌ Mmaꞌ ku, damikiyan meꞌ aku Anak na, inaa du pabuwat ku.

Yahiya 7:16

Pag takale meꞌ si Isa halling da, yuk na, “Tōꞌ ku bitu lakka man Tuhan ma bay mapitu aku, saꞌ ga man dī ku.

Yahiya 8:28

Dari yuk si Isa ninsila, “Pag ina mintu taabut na Anak Manusiyaꞌ inangkat meꞌ bi taꞌ tehang, ndooy na sina mintu bohoꞌ tasayu bi aku na Almasi. Maka ndooy na du bohoꞌ tabista bi yaꞌ ku buwat oy maka oy na lakka man pamiki ku dī ku, arapun bean ku jaꞌ sohoꞌ Mmaꞌ ku. Damikiyan, iya du maan aku bong oy bitsala subay pōꞌ ku.

Yahiya 8:38

Mingkan ilooy ma tinōꞌ meꞌ ku siga pakaradjaan bay pinakitahan meꞌ Mmaꞌ ku niyaku. Kaam pun ina, oy-oy pakaradjaan bay takale bi man mmaꞌ bi, mastiꞌ pabuwat bi du.”

Yahiya 8:40

Boꞌ kaam baw itu, amu-amu ngulihal meꞌ mapatoy aku san yaꞌ luu bay pabuwat ku sarī man noan kaam kabanahan ma bay takale ku man Tuhan. Nabi Ibrahim ilay yaꞌ bay pingkaꞌ buwat meꞌ kadari bbuwatan bi.

2 Korin 5:19

Dari meꞌ tuu situ umanat bay sohoꞌ Tuhan pinasampay ningkitabi: Njataꞌ kapatoy Almasi, ilooy na man Tuhan muwanan sikamimon manusiyaꞌ lawang man da mahap na niiya sampay yaꞌ na initung meꞌ na dusa da.

Kolossa 1:19

Batan ndang bay silay ginaraꞌ meꞌ Tuhan subay mimon arat-tabiat na ka kawasa pagkaTuhan na takita njataꞌ Anak na.

Kolossa 2:9

Mingkan, isu-isu Almasi subay binean, batan minsan ilay ya bay lahil pitu magbaran manusiyaꞌ, mimon pagkaTuhan Mmaꞌ na ndang luu na njataꞌ na.

1 Yahiya 5:7

Dari luu tallu buktiꞌ si Isa yana Anak Tuhan.