Yahiya 13:34 - Sabahagiꞌ Kitab Tawrat: Panagnaan ni Awwal Jaman maka Kitab Injil

³⁴ Batnaa mbanan ta na kam panohoan bahau: Subay kam sikaaseꞌ-kaaseꞌ. Yana meꞌ ku maaseꞌ ningkaam, subay meꞌ naa du meꞌ bi maaseꞌ ni pagkahi bi.

Yahiya 13:34 ပူးပေါင်းရင်းမြစ်များ

Matiyu 5:44

Sugaꞌ ituu jaꞌ meꞌ ku ka kaam: Kaasean bi sagannap ma manta kaam maka pakuhan bi duwaa sagannap ma ngalaugan kaam.

Yahiya 15:17

Pagsibalik-balik ku na bay panohoan ku siꞌ ningkaam: Subay kam sikaaseꞌ-kaaseꞌ.”

Yahiya 17:21

Maꞌ, paku ku batnaa, pagsidambuwaun sa atay da sikamimon. Yana meꞌ kita dambuwaꞌ atay, kamura-murahan sila pun dambuwaꞌ atay du ka kita supaya pitsayaꞌ na manusiyaꞌ tud kau bay mapitu aku.

Suwat si Pol pa mman Baanan Sukuꞌ si Isa ndooy ni Rom 12:10

Subay kitabi sikaaseꞌ-kaaseꞌ meꞌ kadari jama danganakan. Maka subay kitabi tinagi magmaltabat ni mimon pagkahi tabi sukuꞌ si Isa.

Suwat si Pol pa mman Baanan Sukuꞌ si Isa ndooy ni Rom 13:10

Sagannap ma maaseꞌ, yaꞌ sina buwat maat ni pagkahi da manusiyaꞌ. Sangkon bong jama maaseꞌ, san yaꞌ na luu saraꞌ. Batan mimon saraꞌ lay na tinikmod njataꞌ aseꞌ.

Suwat si Pol pa mman Baanan Sukuꞌ si Isa ndooy ni Rom 13:8

Siga danganakan, yaꞌ sina mahap bong kita utangan ni jama. Sugaꞌ bong ni hāl aseꞌ, subay kita ngingat dī ta wā utangan ni jama. Intong na, subay kitabi wā maaseꞌ. Soysoy ina maaseꞌ, sibuꞌ du ya ka bay mogbogan mimon saraꞌ Tuhan.

Galatiya 5:22

Boꞌ jama ma pinagbayaan meꞌ Rū Sutsiꞌ ina, sibuꞌ karuha da ka poon kayu ayad jaꞌ buwaꞌ na. Batan jinisan kahapan takita ni kawul-piil da, yana aseꞌ, kagakan, sannang atay, pasensiya, bbuwatan ayad ni pagkahi da ka arat mahap. Tapangandohan sila

Galatiya 5:6

Dari meꞌ kitabi itu tibuuk na ka si Isa Almasi, katoonan tabi na yaꞌ luu pagbiddaan pa Tuhan bong jama bay inislam atawa niyaꞌ. Ilooy du puntukan banahan yana pangando tabi niiya ma takita ni aseꞌ tabi ni pagkahi tabi manusiyaꞌ.

Galatiya 6:10

Sangkon na, bong luu dapat bi buwat mahap ni jama awla na ni siga danganakan bi sukuꞌ si Isa, daa kam paagak.

Galatiya 6:2

Pakutuun bi meꞌ bi sitabang-tabang mari tumatandaꞌ ngasip na kam ni panohoan Almasi sikaaseꞌ-kaaseꞌ.

Epesus 5:2

Subay kitabi wā maasean pagkahi tabi manusiyaꞌ meꞌ karuha Almasi bay maasean kitabi. Tandaꞌ aseꞌ na, lay na ga ya nongan umu na kalnaꞌ kitabi. Yana meꞌ jama bay numbaliꞌ bili-bili man ngulban maruhuꞌ, Almasi pun lay na du bay pinapatoy binuwat kulban kalnaꞌ kitabi. Bay pabuwatan Almasi ilay nulut ni kahandak Tuhan. Bong ibaratan bawu, tud kahamutan ya.

Kolossa 1:4

Batan lay situ kami kaakahan pasal pangando bi ni si Isa Almasi ka aseꞌ bi ni mimon sukuꞌ Tuhan.

1 Tesaloneka 3:12

Maka kamura-murahan pinabasag na pin meꞌ Papuꞌ aseꞌ bi ni pagkahi bi sukuꞌ si Isa sampay ni jama mimon meꞌ karuha basag aseꞌ kami ningkaam.

2 Tesaloneka 1:3

Siga danganakan, pataꞌ na du situ kami wā muwan pagsukuhan pa Tuhan sabapan bi, batan pabasag na pin pangando bi ni si Isa maka magsasōng na pin meꞌ bi sikaaseꞌ-kaaseꞌ.

Hibrani 13:1

Na meꞌ kaam ina magdanganakan pitsayaꞌ ni si Isa, daa maglumba meꞌ bi sikaaseꞌ-kaaseꞌ.

Yaꞌkub 2:8

Sangkon sapatut na subay bogbogan bi na panohoan Tuhan njawom kitab ma puntukan banahan, ilooy ma yuk na, “Kaasean bi pagkahi bi manusiyaꞌ sibuꞌ ka aseꞌ bi ni dī bi.” Na bong siꞌ ina tabogbog bi meꞌ naa, katuwaꞌ na kam.

1 Pitel 1:22

Na pagka lay na du kam mmeꞌ ni tōꞌ sabanna, pasutsiꞌ na pin sina pangatayan bi. Sangkon pakutuun bi na meꞌ bi sikaaseꞌ-kaaseꞌ. Maka subay hilas aseꞌ bi meꞌ karuha jama magdanganakan.

2 Pitel 1:7

Njawom bi ngikut arat-tabiat Tuhan, kaasean bi du siga pagkahi bi sukuꞌ si Isa sampay na mimon manusiyaꞌ.

1 Yahiya 3:11

Na pagka anak Tuhan na kam, yaꞌ dari yaꞌ bean bi panohoan njawom umanat bay takale tabi labba man sibuwa. Panohoan ma awnan ku ilay siꞌ yana subay kitabi sikaaseꞌ-kaaseꞌ.

1 Yahiya 3:23

Ga panohoan na ina meꞌ tuu: Subay kitabi pitsayaꞌ ni Anak na si Isa Almasi. Maka subay kitabi sikaaseꞌ-kaaseꞌ batan ndang inaa bay sohoꞌ si Isa ningkitabi.

1 Yahiya 4:21

Sangkon na, luu panohoan Almasi ningkitabi meꞌ tuu: Bong ina jama bana-bana maaseꞌ pa Tuhan, subay du ya maasean pagkahi na manusiyaꞌ.

2 Yahiya 1:5

Na kuwan kau Nang, paku ku ningkau subay kitabi sikaaseꞌ-kaaseꞌ. Inaa ina saꞌ panohoan bahau, batan ndang bay na takale tabi man maruhuꞌ lagi, jaman tabi bohoꞌ bay mmeꞌ ni si Isa.