Yahiya 13:18 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁸ Yuk si Isa lagi, “Kaam ina ma bay peneꞌ ku, saliꞌ-saliꞌ katoonan ku arat-tabiat bi. Sangkon ku kabāꞌ luu situ kam disu niyaꞌ koleꞌ supaat ma bay awnan ku siꞌ. Batan binakbul na sina mintu njataꞌ na tunaꞌ looy njawom kitab, ilooy ma yuk na, ‘Lalla ma soheꞌ ku sawu mangan song nipu aku.’

Yahiya 13:18 ပူးပေါင်းရင်းမြစ်များ

Matiyu 26:21

Sasang da mangan, yuk si Isa, “Baan ta kam banahan, luu situ kam mintu disu nipu aku.”

Matiyu 26:23

Tampung si Isa, “Ilooy ma soheꞌ ku sawu mangan, iya na sina nipu aku.

Malkus 14:17

Pag taabut sangom, sasang ga si Isa ka ga mulit na sikasapu-duwa mangan, yuk si Isa, “Baan ta kam banahan, kaam ntuu ma soheꞌ ku mangan, luu situ kam mintu disu nipu aku.”

Malkus 14:20

Pag tampung si Isa, “Awnan ku ilay siꞌ disu ningkaam sikasapu-duwa ma soheꞌ ku sawu mangan.

Lukas 22:21

Sugaꞌ pakale kam. Luu situ ntuu batnaa disu soheꞌ tabi siharung-harung mangan song nipu aku.

Yahiya 13:21

Lupus jaꞌ siꞌ si Isa bay halling meꞌ looy, takka na baw susa atay na. Dari yuk na, “Baan ta kam banahan, luu sina kam mintu disu nipu aku.”

Yahiya 13:22

Kuwan siga mulit na siꞌ tu, bbuwatan da si-ndaꞌ-ndaꞌ sampay papiha-piha na ga bong soy awnan na.

Yahiya 13:26

Tampung si Isa, “Jama man ku ngandean tinapay tuu pus na tinalloban njawom lohoꞌ, inaa na sina bay awnan ku siꞌ.” Pag-anu, lay na talloban na tinapay looy boꞌ ndean si Judas, anak si Saymon Iskariyut.

Yahiya 15:16

Na kitabi itu bagay, saꞌ man kaam bay meneꞌ aku. Arapun aku ya bay meneꞌ kaam. Sampay bay gi kam inuwakilan meꞌ ku ngalataan lahat buwat kaayaran ka masaplag pasal aku. Meꞌ looy ilay, sibuꞌ du karuha bi ka kayu mahap jaꞌ buwaꞌ na. Boꞌ buwaꞌ bi ina natas sampay pa ahirat. Sangkon oy-oy paku bi man Mmaꞌ ku ni awon ku, nduwan jaꞌ sina kam.

Yahiya 15:19

Bong siꞌ baw kam ina masi dambuwaꞌ mukalnaꞌ ka sila, malaingkan kinaasean kam meꞌ da. Sugaꞌ pagka lay na kam pasakkat sabap meꞌ bi bay pineneꞌ meꞌ ku binuwat sukuꞌ ku, inaa na poonan man da lammis ningkaam.

Yahiya 15:25

Dari lay na binakbul tunaꞌ looy njawom kitab, ilooy ma yuk na, “Lammis sila niyaku san yaꞌ luu pataꞌ poon sabap na.”

Yahiya 17:12

Halloman ku dambuwaꞌ ka sila, bay sila tabangan ku supaya sila kanaalla ni awon nu, yana awon ma bay dean nu aku. Lay sila jagahan ku paayad supaya yaꞌ luu ninsila hilang man jawom okoman ku sarī man ilooy disu ma bahagiꞌ nalkaꞌ. Kamasaꞌ, talpaksaꞌ jaꞌ silay magkadarihan meꞌ looy supaya binakbul bay suwat njawom kitab.

Yahiya 18:32

Dari sabap meꞌ looy siꞌ, song binakbul na bay tunaꞌ si Isa pasal jalan man na matoy.

Yahiya 19:24

Dari yuk dangan pa dangan, “Ituu ba, daa na salik tabi. Pagkimbuan tabi na jaꞌ. Soysoy bay katuwaꞌ, iya na dapu.” Dari sabap meꞌ looy meꞌ da bay buwat, lay na bana binakbul ilooy ma bay tinunaꞌ jawom kitab, ilooy ma yuk na, “Lay pagbahagiꞌ-bahagian da pamakoy ku, sampay lay gi pinagkimbuan meꞌ da juba ku.”

Yahiya 19:36

Na sabapan bay kahalan si Isa meꞌ looy siꞌ, lay na binakbul tunaꞌ njawom kitab, ilooy ma yuk na, “Yaꞌ luu pōng san disu towang na.”

Yahiya 21:17

Pag-anu siꞌ, lay gi pinamintallu meꞌ si Isa nilaw, yuk na, “Saymon, anak si Yahiya, tud kaasean nu du ku kina?” Si Pitel siꞌ tu, tud bay susa pagka min tallu na ya bay tinilaw. Dari yuk na, “Papuꞌ, katoonan nu du bina mimon-mimon. Maka katoonan nu du bina kaasean ta ko.” Yuk si Isa, “Bong meꞌ naa, basta pakanun sa siga bili-bili ku.

Yahiya 6:70

Pag-anu yuk si Isa, “Saꞌ ba, luu kam sapu-duwa bay peneꞌ ku? Sugaꞌ luu situ disu ningkaam sineytan.”

Salsila siga Rasul 1:16

“Siga danganakan, subay situ kitabi isun bong soy peneꞌ tabi gantiꞌ ni si Judas. Ndang katoonan bi na du, si Judas pun lay du pineneꞌ meꞌ si Isa binuwat rasul na sibuꞌ du ka kami. Boꞌ lay du ya tabeꞌ ni pabuwatan ma bay sinukuꞌ ningkami saliꞌ-saliꞌ. Sugaꞌ ndang katoonan bi na du, maruhuꞌ-ruhuꞌ Nabi Daud bay nunaꞌ njawom kitab man kapandoyan Rū Sutsiꞌ pasal disu lalla ma nipu Almasi ni sinōng. Na tiyap-tiyap tunaꞌ nabi ina, mastiꞌ binakbul jaꞌ. Boꞌ lai na du bana binakbul tunaꞌ looy siꞌ njataꞌ si Judas waktu na bay moo jama nungkuban si Isa.

Salsila siga Rasul 1:2

ngabut sampay na bay inangkat pa sulgaꞌ. Na yaꞌ gi siꞌ ngabut waktu na bay inangkat pa sulgaꞌ, katoonan nu na du, lay ya pinapatoy llansang taꞌ tehang. Sugaꞌ pag patoy na, lay du baw ya pinakallum meꞌ Tuhan. Llum jaꞌ siꞌ ya pabalik, luu gi mpatpūꞌ ngallaw halloman na daran gi nammuhan siga rasul na ma bay peneꞌ na man tabang Rū Sutsiꞌ. Boꞌ meka gi buktiꞌ bay pakitahan na sila mari tatantu da tud lay na ya llum pabalik. Maka lay gi sampunan na pangahati da pasal pamarinta Tuhan. Na tapit jaꞌ siꞌ waktu man na inangkat pa sulgaꞌ, luu siga panohoan bay sohoꞌ na binean ni siga rasul na.

2 Korin 4:5

Na kami tu masaplag, saꞌ ga man kami maehe dī kami, arapun man kami maehe si Isa Almasi. Sangkon pinasaplag meꞌ kami iya yana Papuꞌ. Maka kami tu, tukang ngintu kaam sadjaꞌ sabapan aseꞌ kami ni si Isa.

Hibrani 4:13

Tuhan ina yaꞌ talimbuhan. Mimon-mimon mastiꞌ takita na jaꞌ. Boꞌ na, iya na sina mintu man tabi paawop magsabanna ni mimon bay pabuwat tabi.

Siga Pakaradjaan bay Pinalahil 2:23

Mimon ma mmeꞌ meꞌ uwahan na, papatoy ku du sina. Dari pag mintu meꞌ looy, tabista na sina meꞌ mimon baanan sukuꞌ ku, mastiꞌ tasayu ku jaꞌ bong oy njawom atay manusiyaꞌ ka pamiki da. Maka aku du nungbasan sila saliꞌ-saliꞌ magbēꞌ ka pabuwatan da mahap-maat.