Yahiya 13:13 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹³ Pahatiyan ta doꞌ kam. Saꞌ ba, meꞌ bi ngawnan aku, ‘Tuwan Guru’ maka ‘Papuꞌ’? Katuwaꞌ du silay kam sabap bana du.

Yahiya 13:13 ပူးပေါင်းရင်းမြစ်များ

Matiyu 20:28

Minsan aku, Anak Manusiyaꞌ, yaꞌ du ga kon ku bay pitu muhung inintu. Arapun kon ku itu bay pitu mari ku kaintu manusiyaꞌ sampay nongan umu ku mari meka na jama pinaddusan man hukuman ni dusa da.”

Lukas 10:28

Yuk si Isa niiya, “Katuwaꞌ ko. Basta inaa na bogbogan nu, sampulnaꞌ nyawa nu saumu-umu.”

Lukas 6:46

Pag-anu, yuk si Isa lagi, “Kannahun bi bitsala ku. Yaꞌ sina sikatuwaꞌ bong kam ngawnan aku ‘Papuꞌ,’ boꞌ yaꞌ baw kam mmeꞌ ni tōꞌ ku.

Lukas 7:43

Yuk si Saymon, “Bong aku mista, ilooy ma mehe utang na.” Yuk si Isa, “Tuwaꞌ bana bandingan nu.”

Yahiya 11:2

Si Mariyam siꞌ tu, ilooy na danda ma bay numpahan insallan hamut ni battis Papuꞌ Isa boꞌ na muusan battis na maka dūn kōk na. Dari pagka saki si Lasarus,

Yahiya 11:28

Pus si Malta halling meꞌ looy, lay na ya pabeleng pa lumaꞌ, boꞌ na ngambay danganakan na si Mariyam pa bihing na. Pag-anu, yuk na ni si Mariyam, “Luu na la Tuwan Guru nilaw kau gi siꞌ.”

Yahiya 11:3

lay ga danganakan na nugun pa mman Papuꞌ Isa nohoꞌ binaan saki paya bagay na ma kinaasean meꞌ na.

1 Korin 12:3

Dari meꞌ tuu meꞌ bi mindoga bong guru pataꞌ binean atawa niyaꞌ. Soysoy ina malaat Papuꞌ Isa, malaingkan bitsala na yaꞌ lakka man Rū Sutsiꞌ. Sugaꞌ soysoy ina māꞌ si Isa yana Papuꞌ, malaingkan pinagmundaan ya meꞌ Rū Sutsiꞌ.

1 Korin 8:6

Sugaꞌ bong baw ningkitabi, basta disu du Tuhan, yana Mmaꞌ tabi ma bay mapayak mimon-mimon. Maka danan tabi itu llum kalnaꞌ iya. Damikiyan, disu du Papuꞌ tabi, yana si Isa Almasi ma bay man Tuhan mapayak mimon-mimon. Maka njataꞌ na du sina man tabi koleꞌ kaallum bahau.

Epesus 6:9

Na kaam pun baw siga papuꞌ, subay du mahap meꞌ bi ka ata bi. Daa sila pasuan bi batan Papuꞌ da ina ni sulgaꞌ yana Papuꞌ bi du. Boꞌ yaꞌ du sina ya magsitingka manusiyaꞌ.

Pilipi 2:11

Boꞌ da mangaku na si Isa Almasi yana Papuꞌ, pamaehe sanglit ni Mmaꞌ tabi Tuhan.

Pilipi 3:8

Sampay mimon-mimon, bilang ku na du yaꞌ na luu hagaꞌ na bong bista ku ka ehe hagaꞌ pagkalungbid ku ka Papuꞌ ku si Isa Almasi. Kalnaꞌ iya, lay na labbahan ku mimon ma bay hagaan niyaku maruhuꞌ. Meꞌ ku ngingat, mimon ilooy siꞌ boboꞌ jaꞌ. Kon meꞌ looy batan ituu na batnaa hagaan niyaku pasal meꞌ ku madara pagkalungbid ku ka Almasi.

Yaꞌkub 2:19

Maka baan ku ya, “Bong ina sat pitsayaꞌ, yaꞌ sukup. Pamikihan doꞌ paayad. Saꞌ ba, pitsayaꞌ ko disu du Tuhan? Mahap sina. Sugaꞌ minsan ina siga seytan, pitsayaꞌ du meꞌ looy sampay mipig na sila ni katawu da minulkaan bbos-bbos.”