Yahiya 13:1 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹ Na tapit jaꞌ siꞌ paballangan Ngalingkaꞌ, ndang katoonan si Isa na tapit na waktu man na ngambanan junyaꞌ sampay pabeleng pa mman Mmaꞌ na. Na iya siꞌ tu, labba man sibuwa ngabut sampay pa katapusan, ndang maaseꞌ ya ni siga mulit na ntuu ni junyaꞌ.

Yahiya 13:1 ပူးပေါင်းရင်းမြစ်များ

Matiyu 26:45

Pag beleng na pabalik pa mman siga mulit na, yuk na ninsila, “Uy! Ongoy doꞌ kam ina amu-amu tuli? Saꞌ bitu ituu waktu man pahali-hali. Taabut na situ waktu Anak Manusiyaꞌ tinipu, boꞌ pina-ntan pa mman siga baldusa.

Matiyu 28:20

Pabadjahun bi na sila mmeꞌ ni mimon bay panohoan ku ningkaam. Intomun bi, luu na pin sina ku ngunungan kaam ngabut sampay llaw dambuli.”

Lukas 22:53

Aku bitu, llaw pa dangallaw na ku bay maglamud ka kaam ni langga mehe. Ongoy taggahaꞌ yaꞌ gi ku bay sungkuban bi ndooy? Kamasaꞌ, ndang ituu na baw situ waktu bay ginantaꞌ meꞌ Tuhan man bi buwat kahandak bi njawom lindom. Maka ituu na du situ masa man Ibilis, yana panghuluꞌ kalindoman, pinabiya madara kahandak na.”

Lukas 9:51

Na tapit jaꞌ siꞌ waktu man si Isa pabeleng pa sulgaꞌ, katobtoban pamiki na, subay ya pilay na pa Jerusalem.

Yahiya 11:55

Na song hallom, tapit na baw pabalik paballangan bangsa Yahudi, yana paballangan Ngalingkaꞌ. Dari meka jama man kadilehan luꞌ pilay pa Jerusalem yaꞌ gi bay nagnaꞌ paballangan looy. Bbuwatan da siꞌ ngikut arat agama da mandi doꞌ duhuꞌ supaya sila sutsiꞌ ni paballangan looy.

Yahiya 12:23

Yuk si Isa ninsila, “Tapit banahan na situ waktu ehe kabantugan Anak Manusiyaꞌ pinalahil.

Yahiya 13:29

Sangka kasohean pagka si Judas tukang ngantanan sīn da, bay jaꞌ ya sohoꞌ si Isa malli barang halliꞌ ni paballangan da atawa nohoꞌ muwanan jama miskin sīn.

Yahiya 13:3

Pus da siꞌ mangan, lay doꞌ si Isa nangge boꞌ na ngurusan juba na. Pag-anu, boꞌ na basahan ka tuwala. Na iya siꞌ tu, katoonan na du lay na dean Mmaꞌ na niiya kawasa-kapatut njataꞌ mimon-mimon. Maka katoonan na du iya lakka man Tuhan, damikiyan, Tuhan du polean na. Sugaꞌ san meꞌ looy, lay gi ya magpadiyoꞌ ni siga mulit na.

Yahiya 13:34

Batnaa mbanan ta na kam panohoan bahau: Subay kam sikaaseꞌ-kaaseꞌ. Yana meꞌ ku maaseꞌ ningkaam, subay meꞌ naa du meꞌ bi maaseꞌ ni pagkahi bi.

Yahiya 14:28

“Na meꞌ halling sambat ku na nsiniꞌ, palakka na doꞌ ku boꞌ bi sa beleng ku. Na bong ina kam maaseꞌ du niyaku, mastiꞌ gāk jaꞌ sina kam song pilay na ku pa mman Mmaꞌ ku batan patingkat ya man aku.

Yahiya 14:31

Ilooy ya asip ku, mimon ma sohoꞌ Mmaꞌ ku pinabuwat niyaku mari katoonan mimon manusiyaꞌ bong pooy basag aseꞌ ku ni Mmaꞌ ku. Sūng bi na, pilay na kitabi.”

Yahiya 16:28

Boꞌ bana du aku bay pitu pa junyaꞌ lakka man Mmaꞌ ku. Pag batnaa, lakka na baw ku man junyaꞌ beleng pa mman na.”

Yahiya 17:1

Lupus si Isa siꞌ bay mitsala meꞌ looy, lay na ya pahangad pa taꞌ langit sambayan na halling, “Maꞌ, taabut na waktu bay gantaꞌ nu niyaku. Mōꞌ na ko kabantugan ni Anak nu mari ku kaboo kabantugan ningkau.

Yahiya 17:16

Sila itu meꞌ aku na du, saꞌ sukuꞌ junyaꞌ tuu.

Yahiya 17:26

Lay na ku malahil arat-tabiat nu ninsila. Boꞌ darahan ku na pin situ supaya aseꞌ da ni pagkahi da meꞌ aseꞌ nu du niyaku, maka supaya luu na pin ku njawom atay da.”

Yahiya 17:5

Sangkon batnaa Maꞌ, bong anu, pabalikun na niyaku kabantugan ma ndang bay luu na mman ku bay jaman ku nnaa mman nu yaꞌ gi luu junyaꞌ.

Yahiya 18:4

Kuwan si Isa siꞌ tu, ndang tasayu na na du bong oy song katuwaꞌ niiya. Sugaꞌ takka jaꞌ siꞌ siga sundalu looy, lay gi ya pasōng nilaw, yuk na, “Soy tu piha bi?”

Yahiya 19:28

Na si Isa siꞌ tu, katoonan na lupus na mimon pabuwatan ma bay sinukuꞌ niiya. Pag-anu yuk na, “Tohoꞌ la kallong ku.” Pag takale meꞌ siga sundalu halling na, lay sila ngingkotan sammek ni tōng kayu-kayu boꞌ tinalloban pa jawom pangannaan pannoꞌ leꞌ tubaꞌ anggul bahal. Pag-anu, boꞌ inangkat pa behe si Isa. Dari sabap meꞌ looy, lay na binakbul tunaꞌ njawom kitab pasal tubaꞌ anggul bahal ndean iya taabut na katohoan kallong.

Yahiya 2:13

Na pagka tapit na paballangan bangsa Yahudi inawnan Ngalingkaꞌ lay na ga si Isa patukad pa Jerusalem mmeꞌ ballang.

Yahiya 6:4

Jaman looy siꞌ, tapit na baw balik paballangan bangsa Yahudi, yana paballangan Ngalingkaꞌ.

Yahiya 7:30

Pus si Isa halling meꞌ looy, magdaruhun na dawom siga pa-mmean ndooy nungkuban iya, sugaꞌ yaꞌ luu tapabuwat da sabap yaꞌ gi bay ngabut waktu bay ginantaꞌ niiya.

Yahiya 7:6

Dari yuk si Isa ninsila, “Yaꞌ gi bitu taabut waktu bay ginantaꞌ man ku magpakita ndooy. Gam kaam ina, sumunsayaꞌ jaꞌ kam pilay sumilan-sumilan

Yahiya 8:20

Si Isa siꞌ bay mitsala meꞌ looy sasang na ndooy ni langga mehe nōꞌ ni tagan pangannaan man ngalabuꞌ saraka. Kasohean baw siꞌ tu, san sila doman nungkuban iya, yaꞌ gi du bay luu dapat da sabap yaꞌ gi bay taabut waktu bay ginantaꞌ niiya.

Suwat si Pol pa mman Baanan Sukuꞌ si Isa ndooy ni Rom 8:37

Sugaꞌ san gi oy katuwaꞌ ningkitabi, mastiꞌ tumanjataꞌ jaꞌ kitabi, batan luu na pin tabang ilooy ma maasean kitabi, yana si Isa Almasi.

1 Korin 1:8

Maka ginaosan na pin sina kam meꞌ Tuhan mmeꞌ ni kahandak na ngabut sampay pa katapusan supaya yaꞌ luu susunan njataꞌ bi pag beleng Papuꞌ tabi si Isa Almasi.

Hibrani 3:14

Basta ina yaꞌ jaꞌ labbahan tabi pangando tabi ni Almasi ngabut sampay pa katapusan, mastiꞌ hampit jaꞌ kitabi ni mimon supaat na.

Hibrani 3:6

Boꞌ Almasi baw ilay, saꞌ ya tindog meꞌ karuha Nabi Musa, arapun iya ilay tud Anak Tuhan mismu kanaalla magtakōk ni siga jama lumaꞌ Mmaꞌ na. Boꞌ kitabi na situ initung jama lumaꞌ Tuhan basta tattap jaꞌ pangando tabi ni Almasi, maka basta yaꞌ jaꞌ kitabi jamu ngagad ni mimon ma bay njanjiꞌ meꞌ Tuhan ni siga sukuꞌ na.

Hibrani 6:11

Kainagon kami itu tiggohan bi na pin buwat meꞌ naa halloman bi llum supaya tantu takoleꞌ bi mimon ma hinolat meꞌ bi man Tuhan.

1 Pitel 1:13

Dari pagka lay na kam sinalamat leꞌ Tuhan, patattogun bi na pamiki bi makutuꞌ kahandak na, maka agakun bi dī bi. Maka daa kam jamu ngaholat ni supaat ma ndean kaam pag beleng si Isa Almasi.

1 Yahiya 4:19

Kitabi itu maaseꞌ sabap Tuhan bay duhuꞌ maasean kitabi.

Siga Pakaradjaan bay Pinalahil 1:5

Maka kamura-murahan binuwanan na pin kam kasannangan ka barakat meꞌ si Isa Almasi, ilooy ma kanaalla masampay kabanahan pasal Tuhan. Iya ilay bay duhuꞌ pinakallum pabalik ka baran ma yaꞌ na kuhi matoy. Maka iya du marintahan mimon panghuluꞌ ni sikaliput junyaꞌ. Ni kaehe aseꞌ na ningkitabi, atas na man lahaꞌ na bay tumpa supaya tapaddusan na kitabi man hisab ni dusa tabi.