Yahiya 12:40 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁴⁰ “Lay na sila pinabuta meꞌ Tuhan supaya sila yaꞌ ngita. Lay na pinalindoman meꞌ na pamiki da supaya sila yaꞌ kahati. Bong siꞌ saꞌ meꞌ looy, luu gi dapat da nawbat, boꞌ taulian ku pangatayan da.”

Yahiya 12:40 ပူးပေါင်းရင်းမြစ်များ

Matiyu 15:14

Sila ina guru awam noan jama awam. Sibuꞌ du sina karuha da ka jama buta nondaꞌ jama buta. Boꞌ jama buta ina, bong nondaꞌ pagkahi na buta, mastiꞌ labuꞌ pa jawom lowang jaꞌ sikaduwa.”

Malkus 4:12

Jama meꞌ sila ina, tuwaꞌ pa sila na bay halling njawom kitab, ilooy ma yuk na, ‘San ina sila ngandaꞌ, yaꞌ du sila kakila. San sila pakale, yaꞌ du sila kuhi kahati. Bong siꞌ ilay saꞌ meꞌ looy, mastiꞌ lay na bay tawbatan da dusa da boꞌ da inampun na meꞌ Tuhan.’ ”

Malkus 6:52

Batan ni kabilod da, masi yaꞌ tabistu da bong soy ya san bay na tasakup da ga tinapay looy bay pinaekahan meꞌ na.

Lukas 4:18

“Inassob na ku meꞌ Rū Sutsiꞌ batan lay ku pineneꞌ meꞌ na masaplag umanat mahap pa mman siga jama miskin. Sinohoꞌ ku meꞌ na mahati sagannap ma tapalisu njawom komkoman Ibilis, inaa, bukaꞌ na lawang man da pōꞌ. Maka sinohoꞌ ku pitu masaplag ni sagannap ma buta supaya sila ngita na maka ni sagannap ma tinakkon mari sila kapaddus na.

Lukas 8:10

Pag tampung si Isa, “Kaam, siga mulit ku, ndang sinukuꞌ sina ningkaam pinahatiyan hāl pamarinta Tuhan ma yaꞌ gi bay lahil maruhuꞌ. Sugaꞌ bong ni siga jama sarī ma yaꞌ pitsayaꞌ niyaku, ngkod ngandalil jaꞌ ku man ku noan sila. Kon ku buwat meꞌ looy supaya san sila ngita, sibuꞌ du sila ka yaꞌ ngita. Maka san sila kale, yaꞌ du sila kahati.

Yahiya 12:39

Na pagka amu-amu ga jama ndooy yaꞌ kuhi pitsayaꞌ ni si Isa, song hallom lay na tambo lawang man da pitsayaꞌ. Boꞌ magbēꞌ du ka disu ayat njawom kitab Nabi Isaya, ilooy ma yuk na,

Yahiya 9:39

Yuk si Isa, “Kon ku tu bay pitu pa junyaꞌ mari luu man mindoga bong soy kalabuan hukuman ka niyaꞌ. Sabapan ku, sagannap ma yaꞌ toon Tuhan, ma pinag-awnan buta, ngita na. Sugaꞌ sagannap ma mangaku ngita, magdaruhun gi sina buta da.”

Salsila siga Rasul 15:3

Na pag lakka da, lay na sila tinuhiyan meꞌ siga sukuꞌ si Isa pa behe lān. Lān da pilay pa Jerusalem, lay gi sila pingkaꞌ man jawom Pinisiya ka Samariya. Ndooy siꞌ, lay gi sila maghāsan nuntutan siga sukuꞌ si Isa pasal siga jama saꞌ Yahudi, meka na pitsayaꞌ ni Papuꞌ Isa. Dari tud bay gāk sikamimon pag takale da habal looy.

Salsila siga Rasul 28:26

‘Pilay ko pa mman bangsa nu, boꞌ da baan nu, san ina sila sigi-sigi pakale, yaꞌ du sila kuhi kahati. San ina sila ngandaꞌ, yaꞌ du sila kakila.

Salsila siga Rasul 3:19

Sangkon, nawbat na kam boꞌ bi lillaꞌ na pa Tuhan supaya pinuwasan na dusa bi.

Suwat si Pol pa mman Baanan Sukuꞌ si Isa ndooy ni Rom 9:18

Dari tahati tabi na bong Tuhan doman mabiya jama supaya patohas kōk da, pabiya na jaꞌ sina. Damikiyan, manimbang du ya ni sagannap ma karomanan na tinimbangan.