Yahiya 12:36 - Sabahagiꞌ Kitab Tawrat: Panagnaan ni Awwal Jaman maka Kitab Injil

³⁶ Sangkon, padpad masi luu mman bi sūꞌ looy, pitsayaꞌ na kam niiya supaya kaam pun dari siga sūꞌ meꞌ iya du.” Lupus si Isa siꞌ bay mitsala meꞌ looy, lay na baw ya palakka boꞌ yaꞌ na ya bay magpakita ni baanan jama ndooy.

Yahiya 12:36 ပူးပေါင်းရင်းမြစ်များ

Matiyu 21:17

Lupus si Isa mitsala, lay na sila mbanan na boꞌ na pilay pa Betani. Maka ni kawum looy na ya bay tuli sangom looy.

Matiyu 5:14

“Damikiyan, kaam ina meꞌ sapantun sūꞌ marantaan pamiki jama supaya tatammu da Tuhan. Kaayaran bi takita leꞌ sikamimon meꞌ karuha daira bay pinatangge ni punsak buntuꞌ.

Lukas 16:8

“Dari pag tasayu bōs looy bong oy bay pabuwat manijel looy, yuk na, ‘Tud akkahan la lalla looy. Tud alistu ya ngulihal bintaha na.’ ” Dari yuk si Isa lagi, “Ndang mas akkahan sina jama ma mandang jaꞌ hāl junyaꞌ ngulihal bintaha para dī da man sagannap ma ngisbat Tuhan.

Yahiya 1:7

nohoꞌ masaplagan jama pasal sūꞌ looy supaya luu na dapat mimon manusiyaꞌ pitsayaꞌ niiya.

Yahiya 11:54

Sangkon yaꞌ na si Isa pōꞌ pa jawom mayran palamud ni siga Yahudi. Gam pin yaꞌ jaꞌ hallom, lay na ya lakka ka ga mulit na pilay pa disu kawum inawnan Epraim tapit pa lahat lau-lau yaꞌ maglumaꞌ. Sampay ndooy na doꞌ sila bay pahantiꞌ.

Yahiya 12:37

Na minsan siꞌ meka na kahaylan-haylan bay pabuwat si Isa ni pag-awpan ga jama ndooy, amu-amu sila yaꞌ kuhi pitsayaꞌ niiya.

Yahiya 12:46

Aku tu bay pitu pa junyaꞌ bilang sūꞌ marantaan pamiki manusiyaꞌ supaya yaꞌ na njawom lindom soysoy pitsayaꞌ niyaku.

Yahiya 3:21

Boꞌ sagannap ma nabiat buwat kaintongan ina, ilooy karomanan da njawom dantaꞌ batan yaꞌ luu subay na pin tinapuk meꞌ da. Katoonan da sumilan-sumilan nililing siga pabuwatan da, tarang-tarang magbēꞌ jaꞌ ni kahandak Tuhan.

Yahiya 8:12

Pag-anu, luu na baw disu waktu si Isa noan jama, yuk na, “Aku tu yana sūꞌ marantaan pamiki manusiyaꞌ. Soysoy mmeꞌ niyaku, yaꞌ na sila bagagap njawom lindom batan luu na sūꞌ da man da ngita lān pa kasampulnaan nyawa.”

Yahiya 8:59

Pag meꞌ looy jaꞌ siꞌ halling na, lay sila mūt batu man ngahiyak iya. Maksud da mapatoy iya, sugaꞌ yaꞌ bay luu dapat da sabap lay jaꞌ ya llimbuhan sampay lay na lakka man langga looy.

Epesus 5:8

Bana na, maruhuꞌ sibuꞌ du kam ka sila njawom kalindoman, boꞌ batnaa luu na kam njawom karantaan sabap tibuuk na kam ka Papuꞌ Isa. Sangkon subay sikatuwaꞌ tangge-tingkōꞌ bi ka jama ma tattap njawom karantaan.

1 Tesaloneka 5:5

Meꞌ kaam ina sukuꞌ si Isa, lay na pinadantaan pamiki bi. Sangkon pataꞌ kam ginalla siga sukuꞌ dantaꞌ atawa siga sukuꞌ llaw. Yaꞌ na kam meꞌ sagannap ma yaꞌ toon Tuhan ma pataꞌ ginalla sukuꞌ lindom atawa sukuꞌ sangom.